ខេត្តបាត់ដំបង ៖ នារីបំរើការក្នុងហាងកាហ្វេមួយកន្លែងបានស្លា.ប់នៅក្នុងឧប្បត្តិហេតុគ្រោះថ្នាក់ចរាចរណ៍រវាងម៉ូតូជាមួយម៉ូតូដែលជិះបញ្ច្រាសទិញគ្នា កាលពីម៉ោង៨ព្រឹកថ្ងៃទី១៤ វិច្ឆិកា ស្ថិតនៅលើកំណាត់ផ្លូវជាតិលេខ៥៧ ក្នុងភូមិអណ្ដូងព្រឹង សង្កាត់អូរម៉ាល់ ក្រុងបាត់ដំបង ខណៈភាគីម្ខាងទៀតរងរបួសធ្ងន់…
ខេត្តបាត់ដំបង ៖ នារីបំរើការក្នុងហាងកាហ្វេមួយកន្លែងបានស្លា.ប់នៅក្នុងឧប្បត្តិហេតុគ្រោះថ្នាក់ចរាចរណ៍រវាងម៉ូតូជាមួយម៉ូតូដែលជិះបញ្ច្រាសទិញគ្នា កាលពីម៉ោង៨ព្រឹកថ្ងៃទី១៤ វិច្ឆិកា ស្ថិតនៅលើកំណាត់ផ្លូវជាតិលេខ៥៧ ក្នុងភូមិអណ្ដូងព្រឹង សង្កាត់អូរម៉ាល់ ក្រុងបាត់ដំបង ខណៈភាគីម្ខាងទៀតរងរបួសធ្ងន់ ។
របាយការណ៍សមត្ថកិច្ចបានឲ្យដឹងថា ជនរងគ្រោះឈ្មោះ កក្កដា ភេទស្រី អាយុ២១ឆ្នាំ រស់នៅជិតកន្លែងកើតហេតុ និងជាអ្នកបំរើការនៅក្នុងហាងកាហ្វេ។ នាងជិះម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខ បាត់ដំបង 1Y-8041 ធ្វើដំណើរពីទិសខាងលិចទីខាងកើត ។
ដោយឡែក ភាគីម្ខាងទៀតគេពុំទាន់ស្គាល់អត្តសញ្ញាណទេ តែគេស្គាល់ថា បុរសនោះជាបុគ្គលិកលក់ជីកសិកម្មជិះម៉ូតូម៉ាងហុងដាឌ្រីម ពណ៌ខ្មៅពាក់ស្លាកលេខ ព្រៃវែង 1I-3907 ធ្វើដំណើរពីទិសខាងកើតទៅលិច ។ ភាគីទាំង០២បានបុកគ្នាពេញទំហឹងពេលជិះដល់ចំណុចខាងលើ ដោយសារតែភាគីនារីរងគ្រោះជិះម៉ូតូបត់ឆ្វេងឆ្លងផ្លូវដោយខ្វះការប្រុងយ័ត្ន។
បើតាមសាក្សីនិយាយថា នារីរងគ្រោះបានជិះម៉ូតូចេញពីម្ដុំផ្សារបឹងរាំងនៅខាងលិចកន្លែងកើតហេតុ ហើយពេលជិះដល់ចំណុចកើតហេតុ នាងបានបត់ឆ្វេងឆ្លងផ្លូវដោយខ្វះការប្រុងប្រយ័ត្ន ស្របពេលបុរសខាងលើជិះម៉ូតូមកពីទិសខាងកើតគេចមិនទាន់ក៏បុកគ្នាពេញទំហឹងតែម្ដង ។ សមត្ថកិច្ចនិយាយថា នារីរងគ្រោះ បានដួលបោកក្បាលលើថ្នល់ស្លាប់ភ្លាមនៅកន្លែងកើតហេតុ រីឯភាគីម្ខាងទៀតរងបួសធ្ងន់ ។
ក្រោយធ្វើការវាស់វែង មន្ត្រីចរាចរណ៍បាននាំយកម៉ូតូភាគីទាំង០២យកទៅរក្សាទុក ដើម្បីដោះស្រាយតាមនីតិវិធីហើយ៕
ចែករំលែកព័តមាននេះ