អ.ស.ប គោរពវិញ្ញាណក្ខ័ន្ធសហការីខ្លួនជាង១០០នាក់បាត់បង់ជីវិតនៅហ្កាហ្សា
សង្គ្រាមអីុស្រាអែលនិងហាម៉ាស់ ៖ កាលពីថ្ងៃទី១៣វិច្ឆិកាអ.ស.បបានធ្វើពិធីកម្រិតពិភពលោក
សង្គ្រាមអីុស្រាអែលនិងហាម៉ាស់ ៖ កាលពីថ្ងៃទី១៣វិច្ឆិកាអ.ស.បបានធ្វើពិធីកម្រិតពិភពលោក គោរពវិញ្ញាណក្ខ័ន្ធសហការីរបស់ខ្លួនជាង១០០នាក់ដែលស្លាប់ ក្នុងសង្គ្រាមរវាងអីុស្រាអែលនិងក្រុមហាម៉ាស់នៅហ្គាហ្សា។
នៅក្រុងបាងកក តូក្យូ ប៉េកាំង បេរូត ហ្សុឺណែវ ញូវយ៉កជាដើម ទង់អ.ស.បត្រូវហូតត្រឹមពាក់កណ្ដាលដង ហើយមានការស្មឹងស្មាធិ១នាទីគោរពវិញ្ញាណក្ខ័ន្ធ និយោជិតនៃទីភ្នាក់ងារអ.ស.បទទួលបន្ទុកខាងជនភៀសខ្លួនប៉ាឡេស្ទីនដែលបាត់បង់ជិវិតនៅហ្គាហ្សា តាំងពីចាប់ផ្ដើមសង្គ្រាមមក។
នៅទីស្នាក់ការអ.ស.បក្រុងញូវយ៉កនិងក្រុងហ្សឺណែវ គ្មានទង់ជាតិរបស់ប្រទេសណាមួយ ក្នងចំណោមប្រទេសទាំង១៩៣ជាសមាជិក ត្រូវបានបង្ហូតឡើយលើកលែងតែទង់អ.ស.ប ដែលបង្ហូតត្រឹមពាក់កណ្ដាលដង។ តាមតុល្យការថាមកដល់ពេលនេះនិយោជិតអ.ស.ប ១០២នាក់ស្លាប់និងយ៉ាងតិច២៧នាក់រងរបួស។
តាមក្រសួងសុខាភិបាលនៃរដ្ឋាភិបាល ហាម៉ាស់ថា មកទល់ពេលនេះជនបាឡេស្ទីនដែលស្លាប់ ដោយសារការវាយប្រហាររបស់អីុស្រាអែលលើជ្រោយហ្គាហ្សា កើនដល់យ៉ាងតិច១១.២៤០នាក់ ភាគច្រើនជាជនសីុវិល ក្នុងនោះមានកុមារជាង៤៦០០នាក់៕
ចែករំលែកព័តមាននេះ