ADផ្ទាំងផ្សព្វផ្សាយពាណិជ្ជកម្ម

Picture

យុវជន និង​យុវតី​កម្ពុជា ត្រូវ​ចេះ​រក​លុយ សន្សំ​លុយ និង​គ្រប់គ្រង​លុយ

8 ខែ មុន
  • ភ្នំពេញ

ខែ​នេះ​សឹង​ដាច់ខ្យល់​។ នេះ​ជា​ពាក្យ​ដែល​យុវជន និ​យុវតី​កម្ពុ​ជាមួយ​ចំនួន​បាន​និយាយ នៅ​ពេល​ដែល​ពួក​គេ​ចាយ​លុយ​ប្រាក់ខែ​សឹងតែ​អស់ មុន​ពេល​ដែល​ទទួល​បាន​ប្រាក់ខែ​ថ្មី​។ ការ​គ្រប់គ្រង​លុយ​ជា​ចំណេះ​ដែល​មនុស្ស​គ្រប់​រូប​ត្រូវ​តែ​សិក្សា ដក​ពិសោធន៍ និង​ស្វែង​យល់ បើ​មិន​ចង់​ឲ្យ​យើង​ក្លាយ​ខ្លួន​ជា

ខែ​នេះ​សឹង​ដាច់ខ្យល់​។ នេះ​ជា​ពាក្យ​ដែល​យុវជន និ​យុវតី​កម្ពុ​ជាមួយ​ចំនួន​បាន​និយាយ នៅ​ពេល​ដែល​ពួក​គេ​ចាយ​លុយ​ប្រាក់ខែ​សឹងតែ​អស់ មុន​ពេល​ដែល​ទទួល​បាន​ប្រាក់ខែ​ថ្មី​។ ការ​គ្រប់គ្រង​លុយ​ជា​ចំណេះ​ដែល​មនុស្ស​គ្រប់​រូប​ត្រូវ​តែ​សិក្សា ដក​ពិសោធន៍ និង​ស្វែង​យល់ បើ​មិន​ចង់​ឲ្យ​យើង​ក្លាយ​ខ្លួន​ជា​មនុស្ស​សល់​តែ​សំបកខ្លួន ។

គ្រួសារ​ខ្លះ​បាន​បង្វឹក និង​ផ្តល់​បទ​ពិសោធន៍​នៃ​ការ​គ្រប់គ្រង​លុយ​ដល់​បុត្រ​ធីតា​របស់​ខ្លួន​តាំងពី​កុមារភាព ប៉ុន្តែ​ជា​ទូទៅ​មនុស្ស​ច្រើន​តែ​ចាប់ផ្តើម​ស្វែង​យល់​អំពី​របៀប គ្រប់គ្រង​លុយ ចាប់ពី​យុវភាព​តទៅ ។

របៀប​នៃ​ការ​គ្រប់គ្រង​លុយ ឬ​ការ​រៀបចំ​ផែនការ​ហិរញ្ញវត្ថុ​ពិតជា​សំខាន់​សំរាប់​យុវវ័យ​គ្រប់​រូប ដើម្បី​ធានា​ថា អ្នកមាន​សេរីភាព​ផ្នែក​ហិរញ្ញវត្ថុ ។ ថ្ងៃនេះ​កម្មវិធី​លុយ នឹង​ចែករំលែក​អំពើ​របៀប​នៃ​ការ​រៀប​ចំ​ហិរញ្ញវត្ថុ​ផ្ទាល់ខ្លួន និង​ការ​គ្រប់គ្រង​លុយ​ដែល​យុវជន​ត្រូវ​តែ​ពិចារណា​។

១- គម្រោង​ហិរញ្ញវត្ថុ​ផ្ទាល់ខ្លួន
ការ​រៀបចំ​ចំណូល និង​ចំណាយ​ជា​ប្រចាំ ជួយ​អោយ​យុវជន យុវតី ធានា​បាន​ថា ចាយ​លុយ​មិន​សល់​ថ្ងៃ ហើយ​មាន​ប្រាក់​សន្សំ​ជា​ប្រចាំខែ​ផង​ខែ ។ យុវវ័យ​ដែល​មាន​ផែនការ​ហិរញ្ញវត្ថុ​ច្បាស់លាស់ មាន​សេរីភាព​ផ្នែក​លុយកាក់ ចាយ​បាន​គ្រប់គ្រាន់ មិន​ខ្វះ​មុខ ខ្វះ​ក្រោយ ។

២-​តម្លៃ​ពេលវេលា​នៃ​លុយ
លុយ​ថ្ងៃនេះ មាន​តម្លៃ​ជាង​លុយ​នៅ​ក្នុង​រយៈពេល​ដូច​គ្នា​នៅ​ឆ្នាំ​ក្រោយ ដោយសារ​តែ​អ្នក​អាច​វិនិ​យោគ​វា ដើម្បី​ទទួល​បាន​ប្រាក់​បន្ថែម​ទៀត​នា​ពេល​អនាគត ឬ​ក៏​អ្នក​អាច​សន្សំ​សំរាប់​ការ​ចំណាយ​របស់​អ្នក​នា​ពេល​អនាគត ។ ការ​យល់​ដឹង​អំពី​តម្លៃ​ពេលវេលា​នៃ​ប្រាក់ ជួយ​អ្នក​គណនា​តម្លៃ​ឱកាស ឬអ្វី​ដែល​អ្នកមាន​សក្តានុពល នៅ​ពេល​អ្នក​ចំណាយ​ប្រាក់​។

ការ​កំណត់​ម៉ោង ឬ​ក៏​ពេលវេលា​ច្បាស់លាស់​ជា​ប្រចាំ​របស់​អ្នក ដែល​ទាក់ទង​នឹង​អ្វី​ដែល​អ្នក​អាច​ធ្វើ​បាន គឺ​អាច​ឲ្យ​អ្នកដឹង​សក្តានុពល និង​ប្រសិទ្ធភាព ក៏​ដូច​ជា ផលិតភាព​ការងារ ដែល​អ្នក​អាច​ធ្វើ​បាន​។ ដូច្នេះ​អ្នក​អាច​លៃលក និង​បង្កើន​ការងារ​រក​ចំណូល​បាន​កាន់តែ​ច្រើន​។

៣- ស្គាល់​ខ្លួនឯង
ដំបូង យើង​ត្រូវ​តែ​ស្គាល់​ខ្លួនឯង​អោយ​ច្បាស់​ថា យើង​ខ្លាំង​ខាង​អ្វី​អោយ​ពិតប្រាកដ ហើយ​យើង​អាច​យក​ជំនាញ​ទាំងនោះ មក​វិនិយោគ​ធ្វើ​អាជីវកម្ម​ដោយ​ផ្ទាល់ខ្លួន​បាន​ទេ​។ នៅ​ក្នុង​ករណី​អ្នក​បរាជ័យ សូមកុំ​ដេក​ដួល ត្រូវ​ចេះ​ក្រោកឈរ​ឡើង​វិញ បន្តដំណើរ​ទៅ​មុខ​ទៀត ដោយ​មិន​បោះបង់​ចោល​គោល​ដៅ​របស់​អ្នក ។ អ្នក​គួរតែ​សញ្ជឹងគិត​ថា តើ​ជី​វិ​.​ត​នឹង​ទៅ​ជា​យ៉ាងណា ប្រសិនបើ​ពួក​គេ​បាត់បង់​អ្វី​ៗ​ទាំងអស់​។

៤-​ការ​ធ្វើ​ពិពិធ​កម្ម
ការ​អភិវឌ្ឍន៍​ដ៏​គួរ​ឱ្យ​រំភើប​បំផុត​មួយ​នៃ​យុគសម័យ​អ៊ី​ន​ធើ​រ​ណេ​ត និង​ឌី​ជី​ថ​ល គឺជា​ការ​ធ្វើ​ពិពិធ​កម្ម​នៃ​ប្រភព​ចំណូល ។ មនុស្ស​ជា​ច្រើន​អាច​ធ្វើការ​លើស​ពី​មួយ​មុខ​នៅ​ក្នុងអំឡុងពេល​តែ​មួយ ដោយសារ​តែ​ជំនួយ​នៃ​អ៊ី​ន​ធើ​រ​ណេ​ត និង​ឌី​ជី​ថ​ល​នី​យ​កម្ម​។ ដូច្នេះ អ្នក​គួរ​ចេះ​ប្រើ​ពេល ដើម្បី រក​លុយ​តាម​រយៈ​បណ្តាញ​សង្គម ដោយ​ផលិត​ចេញ​ជា​មាតិកា​ដែល​មាន​ប្រយោជន៍ និង​បម្រើ​មនុស្ស​នានា​។

អត្ថបទ​ដោយ ៖ ស ផាត់

អត្ថបទសរសេរ ដោយ

កែសម្រួលដោយ