បុរសម្នាក់ស្រវឹងបើករថយន្តម៉ាកតូយ៉ូតាព្រុស ជ្រុលទៅបុ.កនឹងរ៉ឺម៉កម៉ូតូដឹកអេតចាយពីក្រោយ បណ្ដាលឲ្យរងការខូចខាត បន្ទាប់មកបុរសរូបនោះមិនព្រមឈប់ទទួលខុសត្រូវនោះទេ បែរជាព្យាយាមបើករថយន្តរត់គេច តែត្រូវបាន
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បុរសម្នាក់ស្រវឹងបើករថយន្តម៉ាកតូយ៉ូតាព្រុស ជ្រុលទៅបុ.កនឹងរ៉ឺម៉កម៉ូតូដឹកអេតចាយពីក្រោយ បណ្ដាលឲ្យរងការខូចខាត បន្ទាប់មកបុរសរូបនោះមិនព្រមឈប់ទទួលខុសត្រូវនោះទេ បែរជាព្យាយាមបើករថយន្តរត់គេច តែត្រូវបានពលរដ្ឋដែលឃើញហេតុការណ៍ជួយដេ.ញតាមឃាត់រថយន្ត ស្រាប់តែក្លាយជាហិ.ង្សាវា.យគ្នាជាមួយនឹងពលរដ្ឋ បណ្តាលឲ្យអ្នកបើកបររថយន្តរងរបួសបែកក្បាលហូរឈា.ម បង្កឱ្យមានការភ្ញាក់ផ្អើលកាលពីវេលាម៉ោង១និង៥០នាទីរំលងអធ្រាត្រឈានចូលថ្ងៃទី១៣ ខែវិច្ឆិកា ឆ្នាំ២០២៣ នៅចំណុចក្រោយផ្ទះឧកញ៉ា ហ៊ុន តូ ផ្លូវ២០៧ ស្ថិតក្នុងសង្កាត់ទំនប់ទឹក ខណ្ឌបឹងកេងកង។
តាមប្រភពពីកន្លែងកើតហេតុបានប្រាប់អោយដឹងថា មុនពេលកើតហេតុ គេបានឃើញបុរសម្នាក់វ័យជាង៣០ឆ្នាំ បើករថយន្តម៉ាកតូយូតាព្រុស ស៊េរីឆ្នាំ២០១០ ពណ៌ស ពាក់ស្លាកលេខ ភ្នំពេញ2BR-9451 ធ្វើដំណើរតាមបណ្តោយផ្លូវ៤៣០ ទិសដៅពីត្បូងទៅជើង។ លុះមកដល់ជិតក្រោយមន្ទីរពេទ្យរុស្ស៊ី រថយន្ដបង្កក៏រេចង្កូតទៅបុ.ករ៉ឺម៉កម៉ូតូដឹកអេតចាយ បណ្ដាលឲ្យរងការខូចខាតរ៉ឺម៉កម៉ូតូ និងធ្វើអោយអ្នកបើករងរបួសតិចតួច តែមិនបានទៅមន្ទីរនោះទេ។
ប្រភពដដែលបន្តថា ភ្លាមៗនោះដែរ ភាគីរថយន្ដបង្កមិនព្រមឈប់ទទួលខុសត្រូវនោះទេ បែរជាព្យាយាមបើករថយន្តរត់គេចទៅវិញ ទាំងដែលរថយន្តរងការខូចខាតផែ្នកខាងមុខចំហៀងខាងស្តាំ។ លុះរថយន្តបង្កបើករត់រហូតមកដល់ខាងក្រោយផ្ទះលោកឧកញ៉ា ហ៊ុន តូ ក៏មានបងប្អូនប្រជាពលរដ្ឋចំនួន២នាក់ដែលឃើញហេតុការណ៍នោះ នាំគ្នាជួយដេ.ញតាម និងកាក់ឃាត់រថយន្ដជាប់។ ប៉ុន្តែពេលឃាត់បានហើយ ក៏ស្រាប់តែអ្នកបើកបររថយន្តបង្កចុះពីលើរថយន្ត រួចទាស់ពាក្យសម្ដីជាមួយពលរដ្ឋទាំង២នាក់ដែលជាអ្នកឃាត់រថយន្ដនោះ។
ប្រភពដដែលបន្តទៀតថា បន្ទាប់មកអ្នកបើកបររថយន្តបង្កក៏ហក់ធាក់ទៅបុរសដែលជាពលរដ្ឋ២នាក់មុន ទើបបុរស២នាក់ត.ដៃវា.យទៅវិញ បណ្តាលឲ្យបុរសជាអ្នកបើកបររថយន្តដែលកំពុងស្ថិតក្នុងស្ថានភាពស្រវឹងផងនោះ រងរបួសបែកក្បាលហូរឈា.មតែម្តងទៅ។ ពេលនោះដែរ សមត្ថកិច្ចមូលដ្ឋានបានចុះទៅអន្តរាគមន៍ និងឃាត់ខ្លួនបុរសទាំង២នាក់ ព្រមទាំងអ្នកបើកបររថយន្តបង្កយកទៅសាកសួរនៅប៉ុស្តិ៍នគរបាលរដ្ឋបាលទំនប់ទឹកតែម្តងទៅ។
ក្រោយពេលកើតហេតុ ភាគីទាំងអស់ ត្រូវបានសមត្ថកិច្ចនាំខ្លួនយកទៅធ្វើការដោះស្រាយគ្នានៅអធិការដ្ឋាននគរបាលខណ្ឌបឹងកេងកង ដើម្បីបន្តតាមនីតិវិធីនៃច្បាប់៕
ចែករំលែកព័តមាននេះ