ខេត្តព្រះសីហនុ ៖ ម្ហូបអាហារស្រស់ដែលជាផលិតផលនេសាទពីសមុទ្រមានដូចជាមឹក និងបង្គាជាដើម កំពុងដាក់លក់ក្នុងទីផ្សារ ត្រូវបានមន្ត្រីជំនាញកាំកុងត្រូលប្រចាំខេត្តព្រះសីហនុ សហការជាមួយមន្ត្រីតំណាងមន្ទីរពាណិជ្ជកម្មខេត្ត និងអាជ្ញាធរមូលដ្ឋាន ចុះត្រួតពិនិត្យរកមើលសារធាតុគីមីហ្វ័រម៉ូលីន ឬហ្វ័រម៉ុល។ កន្លងមកនេះ មានអាជីវករ
ខេត្តព្រះសីហនុ ៖ ម្ហូបអាហារស្រស់ដែលជាផលិតផលនេសាទពីសមុទ្រមានដូចជាមឹក និងបង្គាជាដើម កំពុងដាក់លក់ក្នុងទីផ្សារ ត្រូវបានមន្ត្រីជំនាញកាំកុងត្រូលប្រចាំខេត្តព្រះសីហនុ សហការជាមួយមន្ត្រីតំណាងមន្ទីរពាណិជ្ជកម្មខេត្ត និងអាជ្ញាធរមូលដ្ឋាន ចុះត្រួតពិនិត្យរកមើលសារធាតុគីមីហ្វ័រម៉ូលីន ឬហ្វ័រម៉ុល។ កន្លងមកនេះ មានអាជីវករមួលចំនួនដោយសារតែចង់ឱ្យផលិតផលរបស់ខ្លួននៅស្រស់ល្អងាយទាក់ទាញអតិថិជន ក៏បានយកសារធាតុគីមីហ្វ័រម៉ុល នេះដាក់លាយជាមួយបង្កឱ្យប៉ះពាល់ដល់សុខភាពប្រជាពលរដ្ឋ និងអ្នកទេសចរ។
លោកគឹម វិដាល អនុប្រធានសាខាកាំកុងត្រូលខេត្ត ដែលដឹកនាំកម្លាំងចុះត្រួតពិនិត្យកាលពីព្រឹកថ្ងៃទី១៨ ឧសភា ឆ្នាំ២០១១ នៅផ្សារលើ ដែលជាផ្សារធំរបស់ក្រុងព្រះសីហនុ បញ្ជាក់ថា វិធានការនេះគឺត្រូវធ្វើជាប្រចាំដើម្បីទប់ស្កាត់ការប្រើប្រាស់សារធាតុគីមីហ្វ័រម៉ុល ក្នុងម្ហូបអាហារស្រស់។ ជាមួយនេះ មន្ត្រីជំនាញនឹងនាំយកផលិតផលមួយចំនួនទៅពិនិត្យនៅមន្ទីរពិសោធន៍ឯរាជធានីភ្នំពេញ ហើយក្នុងករណីរកឃើញសារធាតុគីមីហាមឃាត់នេះ មន្ត្រីជំនាញកាំកុងត្រូល នឹងចាត់វិធានការតាមនីតិវិធីដើម្បីលុបបំបាត់ការធ្វើបន្ត ៕
ចែករំលែកព័តមាននេះ