ADផ្ទាំងផ្សព្វផ្សាយពាណិជ្ជកម្ម

Picture

៥​វិធី​ជួយ​យុវវ័យ​ជ្រើសរើស​រៀន​មហាវិទ្យាល័យ ក្រោយ​​ជាប់​បាក់​ឌុ​ប

7 ខែ មុន
  • ភ្នំពេញ

ការ​ជ្រើស​រើសមុខ​ជំនាញ​មហាវិទ្យាល័យ និង​អាជីព​ដែល​មាន​សក្តានុពល អាច​ជា​បញ្ហា​ប្រឈម​ដ៏​ធំ​មួយ​សម្រាប់​យុវវ័យ​ដែល​បាន​បញ្ចប់​ការ​សិក្សា​ចំណេះដឹង​ទូទៅ ពីព្រោះ​គ្រប់​គ្នា​តែងតែ​ចង់រក​រៀន​មុខ​វិជ្ជា​ណា​ដែល​អាច​ទទួល​បានការ​ងារ​ធ្វើ​ល្អ និង

ការ​ជ្រើស​រើសមុខ​ជំនាញ​មហាវិទ្យាល័យ និង​អាជីព​ដែល​មាន​សក្តានុពល អាច​ជា​បញ្ហា​ប្រឈម​ដ៏​ធំ​មួយ​សម្រាប់​យុវវ័យ​ដែល​បាន​បញ្ចប់​ការ​សិក្សា​ចំណេះដឹង​ទូទៅ ពីព្រោះ​គ្រប់​គ្នា​តែងតែ​ចង់រក​រៀន​មុខ​វិជ្ជា​ណា​ដែល​អាច​ទទួល​បានការ​ងារ​ធ្វើ​ល្អ និង​ប្រាក់ខែ​ខ្ពស់ អនាគត​រុងរឿង ។

នៅ​ក្នុង​ដំណាក់កាល​នេះ យុវវ័យ​អាច​ស្ថិត​នៅ​ក្រោម​សម្ពាធ​។ ដូច្នេះ​ដើម្បី​ជួយ​ជា​មូលដ្ឋាន​ដល់​ការ​សម្រេចចិត្ត កម្មវិធី​លុយ អាច​ចែករំលែក​ចំណុច​គន្លឹះ​ខ្លះ​ៗ​ដែល​អាច​នឹង​ជួយ​ជា​ស្មារតី នៅ​ក្នុង​ការ​សម្រេចចិត្ត ។

១- សិក្សា​ចំណាប់អារម្មណ៍ និង​ចំណង់​ចំណូលចិត្ត
ចំណាប់អារម្មណ៍ និង​ចំណង់​ចំណូលចិត្ត ជា​ចំណុច​សំខាន់​នៃ​ការ​សម្រេចចិត្ត ពីព្រោះ​កាលណា​យើង​មាន​ចំណាប់អារម្មណ៍ និង​ចំណង់​ចំណូលចិត្ត​ចង់​ធ្វើ​អ្វីមួយ ជា​ទូទៅ​យើង​នឹង​មានការ​ខិតខំ និង​មានការ​ប្តេជ្ញា​ចិត្ត​ខ្ពស់ ដើម្បី​ចាប់​យក​ឱកាស​នោះ ដូច្នេះ​វា​គឺជា​ចំណុច​អាទិភាព​មួយ ដែល​យុវវ័យ​គួរ​រិះគិត​។

២- សិក្សា និង​ស្រាវជ្រាវ
មាន​ព័ត៌មាន​ជា​ច្រើន​អំពី​វគ្គ​សិក្សា និង​មុខ​វិជ្ជា​នៅ​សាកលវិទ្យាល័យ​ឫ​វិទ្យាស្ថាន​ដែល​គេ​បាន ផ្សព្វផ្សាយ​នៅ​តាម​ប្រព័ន្ធ​អ៊ី​ន​ធើ​រ​ណេ​ត និង​បណ្តាញ​សង្គម ដូច្នេះ​យុវវ័យ​អាច​ផ្ទៀងផ្ទាត់​កម្មវិធី សិក្សា ពិនិត្យ​មើល​មូលដ្ឋាន​សម្ភារៈ កម្មវិធី​បង្រៀន​របស់​ស្ថាប័ន​ដែល​យើង​ចង់ ហើយ​ក៏​អាច​នឹង​ពិនិត្យ​មើល​សាស្ត្រាចារ្យ​ដែល​បង្រៀន​ផង​ដែរ​។

៣- ជជែក​អំពី​ឱកាស​ការងារ
ការ​ជជែក និង​ពិភាក្សា​នៅ​ក្នុង​ចំណោម​មិត្តភក្តិ រៀមច្បង លោកគ្រូ​អ្នកគ្រូ គ្រួសារ អាណាព្យាបាល និង​អ្នក​ដែល​ស្គាល់ ក៏​ជា​មូលដ្ឋាន​មួយ​នៃ​ការ​សម្រេចចិត្ត​របស់​ប្អូន​ៗ​។

៤- សិក្សា​ពីមុខ​វិជ្ជា​ដែល​ពេញចិត្ត
ប្រសិនបើ​ប្អូន​ស្រលាញ់​ចិត្ត​មុខ​វិជ្ជា​ណាមួយ​ហើយ ប្អូន​គួរតែ​ស្រាវជ្រាវ​ថា តើនរ​ណាខ្លះ​ដែល​ជោគជ័យ​តាម​រយៈ​ការ​សិក្សា​មុខ​ជំនាញ​នេះ? ហើយ​រៀន​ចប់​ទៅ មុខ​វិជ្ជា​នេះ​ច្រើន​ធ្វើការ​អ្វីខ្លះ មាន​ប្រាក់​ចំណូល​​ប៉ុន្មាន លក្ខខណ្ឌ​ការងារ​យ៉ាងម៉េច​ជាដើម ។

៥- ថ្លឹងថ្លែង​គុណសម្បត្តិ និង​គុណវិបត្តិ
យុវវ័យ​ខ្លះ​ចង់​ធ្វើ​នេះ​ធ្វើ​នោះ​តាម​ចិត្ត​ដែល​ខ្លួន​ចង់ ប៉ុន្តែ​ការ​សម្រេចចិត្ត​របស់​យើង​ក៏​ត្រូវ​ឈរ​នៅ​លើ​មូលដ្ឋាន​គុណសម្បត្តិ និង​គុណវិបត្តិ​ដែល​ខ្លួន​យើង​មាន​ផង​ដែរ​។ កត្តា​នេះ គឺ​យើង​ត្រូវ​តែ​ពិនិត្យ​គុណសម្បត្តិ និង​គុណវិបត្តិ​តាំងពី​សុខភាព កាយសម្បទា ធនធាន​ហិរញ្ញវត្ថុ​… ជាដើម ។

សរុប​មក​វិញ តាម​រយៈ​ចំណុច​គន្លឹះ​ទាំង​៥ នេះ កម្មវិធី​លុយ សង្ឃឹមថា អាច​ជា​មូលដ្ឋាន​គំនិត​មួយ​ភាព​តូច​ដែល​នឹង​អាច​ចូលរួម​ជា​ពន្លឺ ដើម្បី​ប្អូន​ៗ​យុវវ័យ​យក​ជា​គំនិត ហើយ​សម្រេចចិត្ត ក្រោយ​ពេល​ដែល​លទ្ធផល​នៃ​ការ​ប្រឡង​សញ្ញប​ត្រ​ទុតិយភូមិ ឬ​បាក់​ឌុ​ប​ប្រកាស​នៅ​រង្វង់​ថ្ងៃ​ទី​២៧ ខែវិច្ឆិកា ឆ្នាំ​២០២៣ ខាង​មុខ​នេះ ។

អត្ថបទ​ដោយ ៖ ស ផាត់

អត្ថបទសរសេរ ដោយ

កែសម្រួលដោយ