ខេត្តសៀមរាប ៖ សមត្ថកិច្ចនគរបាលចរាចរណ៍ នៃស្នងការដ្ឋាននគរបាលខេត្តសៀមរាប បានប្រាប់ឱ្យដឹងនៅថ្ងៃទី០៦ ខែវិច្ឆិកា ឆ្នាំ២០២៣នេះថា ដោយបានការអនុញ្ញាតពីលោកឧត្តមសេនីយ៍ទោ តេង ច័ន្ទណាត ស្នងការនៃស្នងការដ្ឋាននគរបាលខេត្តសៀមរាប បានឱ្យកម្លាំងការិយាល័យនគរបាលចរាចរណ៍ផ្លូវគោក និងកម្លាំងការិយាល័យប្រឆាំងគ្រឿ.ងញៀ.ន ចូលរួមសហការជាមួយមន្ទីរសាធារណការ និងដឹកជញ្ជូនខេត្ត កម្លាំងនៃអធិការដ្ឋាននគរបាលស្រុកពួក និងកម្លាំងកងរាជអាវុធហត្ថ ដឹកនាំដោយលោក ពិន ប្រាកដ អភិបាលរងខេត្តសៀមរាប ចុះអនុវត្តរឹតបន្តឹងច្បាប់ចរាចរណ៍ផ្លូវគោក ត្រួតពិនិត្យយានយន្តកែច្នៃខុសលក្ខណៈបច្ចេកទេស ត្រួតពិនិត្យធ្វើតេស្តស្វែងរកសារធាតុញៀ.ន និងផ្សព្វផ្សាយណែនាំច្បាប់ស្តីពីចរាចរណ៍ផ្លូវគោក ព្រមទាំងចែកជូនសៀវភៅច្បាប់ស្ដីពីចរាចរណ៍ផ្លូវគោក និងឯកសារពាក់ព័ន្ធមួយចំនួន នៅត្រង់ចំណុចលើផ្លូវជាតិលេខ៦ ស្ថិតក្នុងភូមិពួកថ្មី ឃុំពួក ស្រុកពួក ខេត្តសៀមរាប ដូចភ្លៀងរលឹម។
ពាក់ព័ន្ធករណីនេះដែរ សមត្ថកិច្ចនគរបាលជំនាញខេត្តសៀមរាប បានលើកឡើងថា កម្លាំងចម្រុះនៃខេត្តសៀមរាប តែងតែបន្តចុះពង្រឹង និងអនុវត្តច្បាប់ចរាចរណ៍ ដើម្បីបានឱ្យពលរដ្ឋបានជ្រាប និងធ្វើយ៉ាងណាឱ្យគ្រោះថ្នាក់ចរាចរណ៍ថយចុះផងដែរ៕
ចែករំលែកព័តមាននេះ