ខេត្តកំពង់ធំ ៖ សម្តេចតេជោហ៊ុន សែន មានប្រសាសន៍ជាការតបទៅខាងទាហានសៀមពាក់ព័ន្ធនឹងការនិយាយថា កងទ័ពរបស់សម្តេចហ៊ុន សែន ខ្វះស្បៀងនោះថា បើកងទ័ពរបស់អ្នកឯងជារឿងរបស់អ្នកឯង ចំពោះទ័ពខ្ញុំជារឿងរបស់ខ្ញុំ ។ សម្តេចតេជោហ៊ុន សែន បានបញ្ជាក់ថា កងទ័ពចាប់តាំងពីប្រាសាទតាមាន់ តាក្របី ចាក់ច្រែង តាសឹម
ខេត្តកំពង់ធំ ៖ សម្តេចតេជោហ៊ុន សែន មានប្រសាសន៍ជាការតបទៅខាងទាហានសៀមពាក់ព័ន្ធនឹងការនិយាយថា កងទ័ពរបស់សម្តេចហ៊ុន សែន ខ្វះស្បៀងនោះថា បើកងទ័ពរបស់អ្នកឯងជារឿងរបស់អ្នកឯង ចំពោះទ័ពខ្ញុំជារឿងរបស់ខ្ញុំ ។ សម្តេចតេជោហ៊ុន សែន បានបញ្ជាក់ថា កងទ័ពចាប់តាំងពីប្រាសាទតាមាន់ តាក្របី ចាក់ច្រែង តាសឹម ភ្នំទ្រព្យ វាលឥន្ទ្រី ប្រាសាទព្រះវិហារ តាថាវ កងទ័ពប្រើប្រាស់សុទ្ធតែទឹកម៉ាស៊ីន ។ ដល់ពេលប្រយុទ្ធគឺកងទ័ពប្រើប្រាស់សុទ្ធតែទឹកបរិសុទ្ធ ។ សូមកុំភ័ន្តច្រឡំ…។ ខ្ញុំធានាថា កងទ័ពកម្ពុជាគឺមិនខ្វះខាត ប៉ុន្តែចំណែកអ្នកឯងរត់ចោលជួរចង់អស់ទៅហើយ បើវាយជាមួយខ្មែរមិនដឹងយ៉ាងម៉េច សៀមពូកែខាងរត់។
សម្តេចតេជោហ៊ុន សែន បានមានប្រសាសន៍ថា យើងមិនបង្អាប់បន្តុះអ្វីទេ ក៏ប៉ុន្តែសូមកុំមើលងាយខ្មែរ ខ្មែរមិនមែនបាញ់ចំពាមកៅស៊ូទេ ហើយខ្មែរសូមឱ្យពួកអាវលឿង ពួកអាវង្វេងប្រវត្តិសាស្ត្រខាងថៃគិតគូរតែទៅដល់ទ័ពរបស់ពួកអ្នកឯងទៅ ។ កាលពីថ្ងៃមុននៅលើវេទិកាស្រែកថា បាត់មួយកងរយទៅណា ។ សម្តេចបានរិះគន់ថា ចេះធ្វើទាហានមិនដឹងបាត់ទ័ព មិនដឹងទៅណា…ចំពោះពួកអ្នកឯង។
ចំណែកខាងកម្ពុជាវិញ គេដឹងថា ទៅណា មកណា គេចេះគ្រប់គ្រងទាហានដែរ អតីតទាហានតាំងពីអាយុ១៨ឆ្នាំមក…។ វាយគ្នា១២ថ្ងៃ ១២យប់ អត់មានខ្វះការផ្គត់ផ្គង់ទេ កម្ពុជា ជាង៥ម៉ឺននាក់ទទួលបាយទឹក ព្យាបាលជំងឺ ការពារប្រជាពលរដ្ឋ ។ អ្នកឆេះផ្ទះយើងធ្វើផ្ទះជូនទៀត មិនមែនដូចសម័យអាពតទេ សម័យតេជោសែន ប្រជាពលរដ្ឋត្រូវតែមានសិទ្ធិ ត្រូវការពារទឹកដី និងមានជីវភាពសមរម្យ ៕
ចែករំលែកព័តមាននេះ