បងប្អូនជីដូនមួយនាំគ្នាមកលេងទឹកប្រឡាយ ត្រូវចរន្តអគ្គិសនីឆក់ស្លា.ប់ទាំង២នាក់
- សៀមរាប
ខេត្តសៀមរាប ៖ ក្មេងប្រុស២នាក់បងប្អូនជីដូនមួយបានបបួលគ្នាមកងូតទឹកលេងតាមប្រឡាយ
ខេត្តសៀមរាប ៖ ក្មេងប្រុស២នាក់បងប្អូនជីដូនមួយបានបបួលគ្នាមកងូតទឹកលេងតាមប្រឡាយ
ខេត្តសៀមរាប ៖ ក្មេងប្រុស២នាក់បងប្អូនជីដូនមួយបានបបួលគ្នាមកងូតទឹកលេងតាមប្រឡាយ ស្រាប់តែត្រូវចរន្តអគ្គិសនីឆក់ក្មេងប្រុសម្នាក់ ខណៈឃើញហេតុការណ៍បែបនេះភ្លាម ក្មេងប្រុសម្នាក់ក៏លោ.តទៅជួយ ក៏ត្រូវចរន្តអគ្គិសនីឆ.ក់ស្លា.ប់ទាំង២នាក់នៅក្នុងទឹក និងបង្កការភ្ញាក់ផ្អើលយ៉ាងខ្លាំង ។
ហេតុការណ៍ខាងលើនេះ បានបង្កការភ្ញាក់ផ្អើលកើតឡើងកាលពីវេលាម៉ោង៤រសៀលថ្ងៃទី៤ ខែវិច្ឆិកាឆ្នាំ ២០២៣ ស្ថិតនៅចំណុចតាមបណ្ដោយផ្លូវលំ ក្នុងភូមិចន្លោង សង្កាត់ស្រង៉ែ ក្រុងសៀមរាប ខេត្តសៀមរាប ។
បើតាមប្រភពពីបុរសម្នាក់ដែលឃើញហេតុការណ៍នៅកន្លែងកើតហេតុបានរៀបរាប់ឱ្យដឹងថា មុនពេលកើតហេតុ គាត់កំពុងស្ទូចត្រីនៅប្រឡាយខាងលិច ស្រាប់តែមានក្មេងប្រុស២ទៅ៣នាក់ បានមកលោ.តទឹកលេងនៅតាមប្រឡាយ ខណៈមេឃកំពុងភ្លៀងខ្លាំង គាត់ក៏ទៅជ្រកភ្លៀងនៅខ្លោងទ្វារ ខាងលិច ។ មួយសន្ទុះក្រោយមក ក៏ឃើញក្មេងប្រុសម្នាក់ស្រែកថា «ចាំអញរត់ទៅប្រាប់ឪពុកម្តាយឯងឱ្យមកជួយ» ។
តាមប្រភពដដែលបានបន្តថា ពេលភ្លៀងបានរាំង គាត់ទៅដល់ ក៏បាត់ក្មេងប្រុសនោះ លុះមួយសន្ទុះ ក៏ឃើញឪពុកម្តាយមកស្រែកហៅកូន ដោយយំផង ស្រែកផង មិនឃើញកូននោះទេ ហើយក៏មានបង ប្អូនមកនាំគ្នាចុះរាវរកជាមួយឪពុកក្មេងប្រុសរងគ្រោះផងដែរ ក៏ស្រាប់តែឮឪពុកក្មេងរងគ្រោះថា ឆ.ក់ ។ ភ្លាមនោះគាត់ដកជើងចេញ ពេលនោះក៏មានសមត្ថកិច្ចមូលដ្ឋាន និងប្រជាការពារ និង សមត្ថកិច្ចក្រុង និងកងរាជអាវុធហត្ថមកដល់ ។
តាមប្រភពពីសមត្ថកិច្ចជំនាញបានឱ្យដឹងកាលពីល្ងាចថ្ងៃទី៤ ខែវិច្ឆិកា ឆ្នាំ២០២៣នេះថា ក្មេងប្រុស រងគ្រោះទាំង២នាក់ខាងលើ ក្នុងនោះម្នាក់ឈ្មោះ នី ម៉ារ៉ាយូ ភេទប្រុស អាយុ១១ឆ្នាំ ជាសិស្ស រស់នៅក្នុងភូមិរកាធំ សង្កាត់ស្រង៉ែ ក្រុងសៀមរាប មានឪពុកឈ្មោះ ម៉ៃ នី អាយុ៣៦ឆ្នាំ មុខរបរកសិករ និងម្តាយឈ្មោះ កយ នៀត អាយុ៣៤ឆ្នាំ មុខរបរកសិករ មានកូនក្នុងបន្ទុកចំនួន៣នាក់ (ប្រុសទាំង៣ នាក់) ក្មេងរងគ្រោះដែលស្លា.ប់ ជាកូនប្រុសទី២ ។ ចំណែកក្មេងរងគ្រោះម្នាក់ទៀតឈ្មោះ គឿន រក្សា ភេទប្រុស អាយុ១១ឆ្នាំ ជាសិស្ស រស់នៅភូមិរកាធំ សង្កាត់ស្រងែ ក្រុងសៀមរាប ខេត្តសៀមរាប មានឪពុកឈ្មោះ កយ គឿន អាយុ៣៧ឆ្នាំ មុខរបរកម្មករ និងម្តាយឈ្មោះ សាល វ៉ង អាយុ៣២ឆ្នាំ ជាកសិករ មានកូនចំនួន៣នាក់ (ប្រុស២នាក់ ស្រី១នាក់) បានលែងលះគ្នារយៈពេល១១ឆ្នាំ ។ ក្មេងប្រុសរងគ្រោះជាកូនទី២ ។
តាមប្រភពដដែលបានបញ្ជាក់ថា មុនពេលកើតហេតុ ក្មេងប្រុសរងគ្រោះទាំង២នាក់ត្រូវជាបងប្អូនជីដូនមួយនឹងគ្នា បាននាំគ្នាមកលោតទឹកលេងនៅប្រឡាយខាងលើនេះ ត្រូវខ្សែភ្លើងបង្កប់ទុយោទឹកក្នុងទឹកឆ្លងផ្លូវ ប្រហែលជាដាច់នៅពាក់កណ្ដាលទុយោ ទើបបណ្តាលឱ្យឆ.ក់ស្លា.ប់ទាំង២នាក់បែបនេះភ្លាមៗ កាលពីវេលាម៉ោង៤រសៀលថៃ្ងទី ៤ ខែ វិច្ឆិកា ឆ្នាំ ២០២៣ នៅចំណុចទឹកប្រឡាយ តាមបណ្ដោយផ្លូវលំ ស្ថិតក្នុងភូមិចន្លោង សង្កាត់ស្រង៉ែ ក្រុងសៀមរាប ខេត្តសៀមរាប ។
តាមប្រភពដដែលបានបញ្ជាក់បន្តថា មូលហេតុបណ្តាលមកពីម្ចាស់ដីឡូតិ៍នៅម្ខាងប្រឡាយ តភ្លើងចេញពីប្រអប់ភ្លើងខ្វះបច្ចេកទេស ទើបបណ្តាលឱ្យឆ.ក់ក្មេងប្រុសទាំង២នាក់បងប្អូនជីដូនមួយស្លា.ប់ភ្លាមៗគួរឱ្យសង្វេគ។
បន្ទាប់ពីសមត្ថកិច្ចនគរបាលការិយាល័យជំនាញ និងលោកគ្រូពេទ្យចុះធ្វើកោសល្យវិច័យ រួចមក បានសន្និដ្ឋានថា ក្មេងប្រុសរងគ្រោះទាំង២នាក់ បងប្អូនជីដូនមួយពិតជាត្រូវខ្សែភ្លើងឆ.ក់ បណ្តាលឱ្យស្លា.ប់នៅក្នុងទឹកប្រឡាយប្រាកដមែន។
បច្ចុប្បន្ន ស.ពក្មេងប្រុសរងគ្រោះទាំង២នាក់បងប្អូនជីដូនមួយ ត្រូវបានសមត្ថកិច្ចនគរបាលជំនាញ ប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណី ។ ចំពោះករណីខ្សែភ្លើងឆ.ក់ក្មេងប្រុសរងគ្រោះ២នាក់បងប្អូនជីដូនមួយ បណ្តាលឱ្យស្លា.ប់នៅក្នុងទឹកប្រឡាយនោះ ត្រូវបានកម្លាំងនគរបាលការិយាល័យជំនាញកំពុងស្រាវជ្រាវបន្តនៅថ្ងៃទី៥ ខែ វិច្ឆិកា ឆ្នាំ២០២៣ នេះ ៕
ចែករំលែកព័តមាននេះ