អ៊ុយក្រែនចោទរុស្ស៊ីថាកំពុងធ្វើការវា.យប្រហារទ្រង់ទ្រាយធំបំផុត
សង្គ្រាមអ៊ុយក្រែន ៖ ខណៈដែលជម្លោះអ៊ីស្រាអែល-ហាម៉ាស់ទាក់ទាញការចាប់អារម្មណ៍ខ្លាំងរបស់
សង្គ្រាមអ៊ុយក្រែន ៖ ខណៈដែលជម្លោះអ៊ីស្រាអែល-ហាម៉ាស់ទាក់ទាញការចាប់អារម្មណ៍ខ្លាំងរបស់អន្តរជាតិ អាជ្ញាធរអ៊ុយក្រែន ប្រកាសនាថ្ងៃទី១ វិច្ឆិកាថា រុស្ស៊ីបានវា.យប្រហារខ្លាំងក្លាបំផុតលើអ៊ុយក្រែន ពុំធ្លាប់មានចាប់តាំងពីដើមឆ្នាំនេះមក។
រដ្ឋមន្ត្រីមហាផ្ទៃអ៊ុយក្រែនលោកអ៊ីហ្គ័រ គ្លីមេនកូ តាមបណ្ដាញសង្គមគូសបញ្ជាក់ថា សរុបសត្រូវបានវាយប្រហារលើមូលដ្ឋានដល់ទៅ១១៨ក្នុងតំបន់១០ផ្សេងៗគ្នារយៈពេល២៤ម៉ោងចុងក្រោយនេះ។
លោកបញ្ជាក់ថានោះជាចំនួនទីក្រុងនិងភូមិដ៏ច្រើនបំផុត ដែលរងការវាយប្រហារក្នុង១ថ្ងៃ ពុំធ្លាប់មានចាប់តាំងពីដើមឆ្នាំមក។ ការវាយប្រហារទាំងនេះដែលច្រើនបំផុតពុំធ្លាប់មានក្នុងឆ្នាំនេះ បណ្ដាលឲ្យមនុស្សម្នាក់ស្លាប់នៅតំបន់ក្រុងខាគៀវនិងម្នាក់ទៀតស្លាប់នៅតំបន់ក្រុងឃ័រសុន។ នេះបើតាមសេចក្ដីរាយការណ៍ដំបូង របស់បណ្ដាអ្នកទទួលខុសត្រូវមូលដ្ឋាន។
ម្យ៉ាងវិញទៀតការវាយប្រហារដោយដ្រូនមួយរបស់រុស្ស៊ី ក៏បណ្ដាលឲ្យមនុស្សម្នាក់ស្លាប់និងម្នាក់ទៀតរងរបួស នៅក្រុងម៉ានីកូប៉ូលភាគខាងត្បូងប្រទេស។ ក្នុងចំណោមដ្រូនរុស្ស៊ី២០គ្រឿងដែលរុស្ស៊ីប្រើវាយប្រហារកាលពីយប់ថ្ងៃទី៣១តុលាមកថ្ងៃទី១វិច្ឆិកា ត្រូវអ៊ុយក្រែនបាញ់ធ្លាក់១៨គ្រឿង។ ខាងរុស្ស៊ីវិញក្រសួងការពារប្រទេសប្រកាសថា បានបាញ់ធ្លាក់ដ្រូនអ៊ុយក្រែន២គ្រឿង ពីលើតំបន់ព្រីយ៉ាន់ស្ក៍និងតំបន់គួកស្ក៍ជាប់ព្រំដែនអ៊ុយក្រែន។
ការបង្កើនការវាយប្រហារនេះជាមួយការមកដល់នៃរដូវរងា ហាក់ដូចជាបញ្ជាក់ពីការបារម្ភរបស់ក្រុងគៀវនិងបណ្ដាសម្ព័ន្ធមិត្តលោកខាងលិច ដែលសង្ស័យលើការបង្កើនខ្លាំងក្លាការវាយប្រហារក្នុងដំណាក់កាលនៃរដូវនោះ។ កាលពីរដូវរងាឆ្នាំ២០២២ រុស្សុីបានវាយប្រហារខ្លាំងក្លាលើហេដ្ឋារចនាសម្ព័ន្ធថាមពលទាំងឡាយរបស់អ៊ុយក្រែន បណ្ដាលឲ្យប្រជាជនជួបក្ដីវេទនាដោយដាច់ភ្លើងនិងទឹក។
ចំពោះរឿងនោះអ៊ុយក្រែនបានលើករួចហើយនាថ្ងៃទី១ វិច្ឆិកា ពីការវាយប្រហារ លើរោងចក្រចម្រាញ់ប្រេងកាតមួយនៅKREMENTCHOUK ភាគកណ្ដាលប្រទេស។ ក៏ទោះបីការវាយប្រហារនោះមិនបណ្ដាលឲ្យមានជនរងគ្រោះតែរដ្ឋមន្ត្រីមហាផ្ទៃអ៊ុយក្រែនគូសបញ្ជាក់ថា ការវាយប្រហារនេះនាំឲ្យមានការបញ្ជូនអ្នកពន្លត់ភ្លើង ដល់ទៅយ៉ាងតិច១០០នាក់ហើយប្រើពេលច្រើនម៉ោងទើបអាចពន្លត់ភ្លើងបាន៕
ចែករំលែកព័តមាននេះ