ខេត្តកំពង់ចាម ៖ បុរសម្នាក់ឈ្មោះ កែម ឡៃ អាយុ៣០ឆ្នាំ រស់នៅភូមិតាសែន ឃុំសូទិព្វ ស្រុកជើងព្រៃត្រូវគេកា.ប់ចំនួន៥កាំបិតបណ្តាល ឲ្យធ្លាយពោះវៀនចេញមកក្រៅកាលពីវេលាម៉ោងជាង២រំលងអធ្រាតថ្ងៃទី១៩ ឧសភា ឆ្នាំ ២០១១ ។ បុរសនោះត្រូវប្រពន្ធដឹកតាមរថយន្តទៅសង្គ្រោះនៅមន្ទីរពេទ្យខេត្តជាបន្ទាន់ ចំណែកជនដៃដល់ត្រូវនគរបាល
ខេត្តកំពង់ចាម ៖ បុរសម្នាក់ឈ្មោះ កែម ឡៃ អាយុ៣០ឆ្នាំ រស់នៅភូមិតាសែន ឃុំសូទិព្វ ស្រុកជើងព្រៃត្រូវគេកាប់ចំនួន៥កាំបិតបណ្តាល ឲ្យធ្លាយពោះវៀនចេញមកក្រៅកាលពីវេលាម៉ោងជាង២រំលងអធ្រាតថ្ងៃទី១៩ ឧសភា ឆ្នាំ ២០១១ ។ បុរសនោះត្រូវប្រពន្ធដឹកតាមរថយន្តទៅសង្គ្រោះនៅមន្ទីរពេទ្យខេត្តជាបន្ទាន់ ចំណែកជនដៃដល់ត្រូវនគរបាលស្រុកជើងព្រៃសហការជាមួយប៉ុស្តិ៍រដ្ឋបាលឃុំសូទិព្វតាមចាប់ខ្លួនបាន ។
ស្រ្តីឈ្មោះ យ៉េន រឿន ជាប្រពន្ធរៀបរាប់ប្រាប់ឲ្យដឹងថា កាលពីវេលាម៉ោង៧យប់ ថ្ងៃទី១៨ ឧសភា ប្តីរបស់នាងបានដើរចេញពីផ្ទះទៅមើលគេរាំលេងតែម្នាក់ឯងក្នុងពិធីបុណ្យបច្ច័យបួននៅភូមិថ្នល់ថ្មីមានចំងាយពីផ្ទះប្រហែលជា៥០០ម៉ែត្រ ។ ប្តីនាងបានចូលរាំលេងនិងបានផឹកស៊ីជាមួយគេផងដែរ តែមិនដឹងថាមានទំនាស់ជាមួយអ្នកណាទេ។ រហូតដល់វេលាម៉ោង២រំលងអធ្រាតថ្ងៃទី១៩ ឧសភា នាងឃើញប្តីដើរមកដល់ផ្ទះវិញ ព្រមទាំងយកដៃវាយទៅលើជញ្ជាំងផ្ទះបាំងដោយស្លឹករខេករខាកថា «ស្អីមើលងាយអញ! រកអីឲ្យកូនស៊ីគ្មាន»រួចដើរចូល ទៅដេកនៅក្នុងផ្ទះមិនមានទ្វារសំរាប់បិទបាំងទេ ។
ប្រភពដដែលបន្តថា ពេលប្តីនាងកំពុងតែដេកនៅលើគ្រែតែម្នាក់ឯង រីឯរូបនាងជាប្រពន្ធដេកនៅលើគ្រែ១ទៀតជាមួយកូនតូច៣នាក់ស្រាប់តែមានបុរសឈ្មោះណុប ដែលមានផ្ទះនៅឃា្លតពីគ្នាប្រហែលជា២០០ម៉ែត្រចូលមកកាប់ប្តីរបស់នាងទាំងកំរោលត្រូវក្រោមគុម្ពត្រចៀកឆ្វេង ប្រអប់ដៃឆ្វេង កំភួនដៃឆ្វេង ខ្នង និងត្រូវពោះធ្លាយចេញពោះវៀន ។ នាងមើលឃើញអ្នកកាប់ដោយសារតែពន្លឺព្រះចន្ទ។ ក្នុងពេល ហេតុការណ៍កើតឡើងនោះនាងមិនហ៊ានចូលជួយប្តីទេ ព្រោះខ្លាចគេកាប់ដែរ ។ ពេលអ្នកកាប់ចេញទៅផុតនាងស្ទុះទៅមើលប្តីនិងហៅម៉ូតូដឹកទៅសង្រ្គោះនៅមន្ទីរពេទ្យបង្អែកស្រុកជើងព្រៃ តែដោយរបួសធ្ងន់ធ្ងរពេកទើបបញ្ជូនបន្តទៅសង្គ្រោះនៅមន្ទីរពេទ្យខេត្តទាំងយប់។ នាងមិនដឹងថា ប្តីនាងមានទំនាស់អ្វីជាមួយជនល្មើសទេ ។
តាមលោកវរសេនីយ៍ត្រី ហេង វុទ្ធី អធិការ នគរបាលស្រុកជើងព្រៃប្រាប់ឲ្យដឹងថា ជនល្មើសឈ្មោះ អ៊ុន ណុប អាយុ២៦ឆ្នាំ ព្យាយាមរត់គេចចូលទៅក្នុងចំការស្វាយនៅខាងផ្តៅជុំ តែបន្ទាប់ពីរត់បានប្រហែល៦ទៅ៧គីឡូម៉ែត្រនាម៉ោង៩និង៣០នាទីព្រឹកថ្ងៃទី១៩ ឧសភា ត្រូវចាប់ខ្លួនបានដោយប្រើប្រាស់កំលាំងមិនតិចជាង ៣០នាក់ទេ។
លោកអនុសេនីយ៍ឯក យ៉ែម សុផល អធិការរងនគរបាលស្រុកជើងព្រៃបញ្ជាក់ថា ក្នុងពេលអ្នករងគ្រោះផឹកស៊ីជាមួយឈ្មោះណុប បាននិយាយដៀមដាមដាក់គ្នាទៅវិញទៅមក
រឿងម៉ែឪប្រដៅមិនស្តាប់។ ពេលដើរត្រឡប់ទៅផ្ទះវិញពួកគេបានវាយតប់គ្នា ហើយបន្ទាប់មកឈ្មោះណុប បានតាមទៅកាប់ឈ្មោះកែប ឡៃ ដល់ផ្ទះតែម្តង ៕
ចែករំលែកព័តមាននេះ