រាជធានីភ្នំពេញ ៖ សមាគមមីក្រូហិរញ្ញវត្ថុកម្ពុជា បំភ្លឺចំពោះការចេញផ្សាយរបស់កាសែត The Guardian ថា ជាការមិនពិត ដោយសាររកមិនឃើញភស្តុតាង ។…
រាជធានីភ្នំពេញ ៖ សមាគមមីក្រូហិរញ្ញវត្ថុកម្ពុជា បំភ្លឺចំពោះការចេញផ្សាយរបស់កាសែត The Guardian ថា ជាការមិនពិត ដោយសាររកមិនឃើញភស្តុតាង ។
យោងតាមសេចក្តីថ្លែងការណ៍របស់សមាគម មីក្រូហិរញ្ញវត្ថុកម្ពុជា នៅថ្ងៃទី១ ខែវិច្ឆិកា ឆ្នាំ២០២៣ បានលើកឡើងថា យោងអត្ថបទចេញផ្សាយដោយកាសែត The Guardian នៅថ្ងៃទី២៣ ខែតុលា ឆ្នាំ២០២៣ ដែលមានចំណងជើង បកប្រែជាភាសាខ្មែរថា “ខ្ញុំខ្លាចថា ខ្ញុំអាចនឹងសម្លា.ប់ខ្លួន ដូចជាប្តីរបស់ខ្ញុំ” ៖ ការរំលេចនូវក្រុមហ៊ុនផ្តល់កម្ចី បន្ទាប់ពីជនជាតិដើមភាគតិច ធ្វើអត្តឃាត ។
សមាគមមី ក្រូហិរញ្ញវត្ថុកម្ពុជា សូមធ្វើការបញ្ជាក់ និងផ្តល់ព័ត៌មានបន្ថែម ជូនសាធារណជនដូចខាងក្រោម ៖
មុនពេលអត្ថបទនេះ បានចេញផ្សាយ អ្នកសារព័ត៌មាន The Guardian បានទំនាក់ទនងជាមួយភាគីពាក់ព័ន្ធ ជាពិសេស គ្រឹះស្ថានធនាគារ និងមីក្រូហិរញ្ញវត្ថុ ដែលត្រូវបានលើកឡើងនៅក្នុងអត្ថបទ។
សមាគមមីក្រូហិរញ្ញវត្ថុកម្ពុជា បានជួបជាមួយអ្នកសារព័ត៌មាន The Guardian និងបានផ្តល់អង្គហេតុ ព្រមទាំងព័ត៌មានពាក់ព័ន្ធ ផ្អែកតាមការស៊ើបអង្កេតការផ្ទៃក្នុងរបស់គ្រឹះស្ថានជាប់ពាក់ព័ន្ធ ។
លទ្ធផលបានបង្ហាញថា គឺមិនរកឃើញភស្តុតាងណាមួយ បានបញ្ជាក់ថា ៖ ទី១. មានការគៀបសង្កត់ ឬអសីលធម៌ពីសំណាក់គ្រឹះស្ថាន ឬបុគ្គលិករបស់ខ្លួនឡើយ និងទី២. មានការជាប់ពាក់ព័ន្ធគ្នារវាងការធ្វើអត្តឃាត និងកម្ចីរបស់គ្រឹះស្ថាន នោះទេ ។
សមាគមមីក្រូហិរញ្ញវត្ថុកម្ពុជា នឹងបន្តតាមដានសមាជិករបស់ខ្លួន ដើម្បីធានា បាននូវការអនុវត្តដែលល្អ ។
សមាគមមី ក្រូហិរញ្ញវត្ថុកម្ពុជា មិនអត់ឱនចំពោះការអនុវត្តផ្តល់កម្ចី ដែលគ្មានវិន័យឥណទាន និងតាមដានរាល់ការការប្រកាន់ភ្ជាប់នូវក្រមសីលធម៌ និងគោលការណ៍ការពារអតិថិជន ។
សមាគម មីក្រូហិរញ្ញវត្ថុកម្ពុជា សូមយកឱកាសនេះ ដើម្បីបញ្ជាក់ឡើងវិញ នូវការប្តេជ្ញាចិត្តរបស់ខ្លួនចំពោះការការពារអតិថិជននៅកម្ពុជា ៕
ចែករំលែកព័តមាននេះ