ADផ្ទាំងផ្សព្វផ្សាយពាណិជ្ជកម្ម

Picture

កូន​តែងតែ​ខឹង​ញឹកញាប់ ឪពុក​ម្តាយ​គួរ​ធ្វើ​បែប​ណា ?

7 ខែ មុន
  • ភ្នំពេញ

រាជធានី​ភ្នំពេញ ៖ កុមារ​ភាគច្រើន​មាន​អារម្មណ៍​តានតឹង និង​ខឹងសម្បារ​ម្តងម្កាល ។ ពេល​ខ្លះ ពួក​គេ​អាច​បញ្ចេញ​កំហឹង ប្រសិនបើ​ពួក​គេ​ខកចិត្ត ឬ​រឹងរូស​នៅ​ពេល​អ្នក​ឱ្យ​ពួក​គេ​ធ្វើ​អ្វីមួយ​ដែល​ពួក​គេ​មិន​ចង់​ធ្វើ ។…

រាជធានី​ភ្នំពេញ ៖ កុមារ​ភាគច្រើន​មាន​អារម្មណ៍​តានតឹង និង​ខឹងសម្បារ​ម្តងម្កាល ។ ពេល​ខ្លះ ពួក​គេ​អាច​បញ្ចេញ​កំហឹង ប្រសិនបើ​ពួក​គេ​ខកចិត្ត ឬ​រឹងរូស​នៅ​ពេល​អ្នក​ឱ្យ​ពួក​គេ​ធ្វើ​អ្វីមួយ​ដែល​ពួក​គេ​មិន​ចង់​ធ្វើ ។ ប៉ុន្តែ​នៅ​ពេល​ដែល​កុមារ​ធ្វើ​រឿង​ទាំងនេះ​ម្តង​ហើយ​ម្តងទៀត ឬ​មិន​អាច​គ្រប់គ្រង​អារម្មណ៍​របស់​ពួក​គេ​បាន​ញឹកញាប់​ពេក វា​អាច​ជា​សញ្ញា​នៃ​បញ្ហា​ធ្ងន់ធ្ងរ ។

ខាងក្រោម​នេះ​ជា​សញ្ញា​សម្គាល់​មួយ​ចំនួន ដែល​អ្នក​គួរ​ចាប់អារម្មណ៍ និង​យកចិត្តទុកដាក់​លើ​កូន​របស់​អ្នក ៖
-​ ​ប្រសិនបើ​កំហឹង​របស់​កូន​អ្នក​កំពុង​កើតឡើង​ញឹកញាប់ និង​យូរ​ឆ្នាំ
-​ ​ប្រសិនបើ​អាកប្បកិរិយា​របស់​ពួក​គេ​មាន​គ្រោះថ្នាក់​ដល់​ខ្លួនឯង ឬ​អ្នក​ដទៃ
-​ ​ប្រសិនបើ​អាកប្បកិរិយា​នោះ​ធ្វើ​ឱ្យ​ពួក​គេ​មាន​បញ្ហា​ធ្ងន់ធ្ងរ​នៅ​សាលារៀន
-​ ​ប្រសិនបើ​អាកប្បកិរិយា​រំខាន​ដល់​សមត្ថភាព​របស់​ពួក​គេ​ក្នុង​ការ​ចុះសម្រុង​ជាមួយ​កុមារ​ដទៃ​ទៀត
-​ ​ប្រសិនបើ​ពួក​គេ​តូចចិត្ត ព្រោះ​ពួក​គេ​មាន​អារម្មណ៍​ថា ពួក​គេ​មិន​អាច​គ្រប់គ្រង​កំហឹង​បាន ហើយ​វា​ធ្វើ​ឱ្យ​ពួក​គេ​មាន​អារម្មណ៍មិនល្អ​ចំពោះ​ខ្លួនឯង ។

នៅ​ពេល​កុមារ​បន្ត​មានការ​រំជើបរំជួល​ផ្លូវចិត្ត ឬ​ខឹងសម្បារ​ជា​ប្រចាំ វា​ជា​សញ្ញា​នៃ​ការ​កើតរោគ​ទុក្ខ​ព្រួយ ។ ជំហាន​ដំបូង គឺ​ការ​ស្វែង​យល់​ពី​អ្វី​ដែល​ធ្វើ​ឱ្យ​កូន​របស់​អ្នកមាន​អាកប្បកិរិយា​បែប​នេះ ។ មាន​មូលហេតុ​ជា​ច្រើន​ដែល​អាច​កើត​មាន រួម​មានការ​មាន​ជំងឺ ការ​ថប់​បារម្ភ របួស ឬ​ការ​ធ្វេសប្រហែស និង​បញ្ហា​ក្នុង​ការ​សិក្សា​ជាដើម ។

តើ​អ្នក​អាច​ជួយ​កូន​របស់​អ្នក​បាន​យ៉ាងដូចម្តេច ?
១. ស្វែងរក​មូលហេតុ ឬអ្វី​ដែល​ចេះ​តែ​ធ្វើ​ឱ្យ​កូន​ខឹង ៖ ជំហាន​ដំបូង​ក្នុង​ការ​គ្រប់គ្រង​កំហឹង គឺ​ការ​យល់​ដឹង​ពី​អ្វី​ដែល​បង្ក​ឱ្យ​កូន​ផ្ទុះ​កំហឹង ។ ចូរ​ស្ងប់ស្ងាត់ ហើយ​ព្យាយាម​ស្វែង​យល់​ពី​កូន​របស់​អ្នក ។

២. កុំ​ចុះចាញ់ ៖ កុំឱ្យ​នូវ​អ្វី​ដែល​ពួក​គេ​ចង់បាន គ្រប់ពេល​ដែល​ពួក​គេ​ខឹង ។ ការ​ចុះចាញ់​បែប​នេះ​នឹង​ធ្វើ​ឱ្យ​ស្ថាន​ការ​កាន់តែ​ធ្ងន់ធ្ងរ​នៅ​ពេល​ក្រោយ​ទៀត ។

៣. រក្សា​ភាព​ស្ងប់ស្ងាត់ ៖ ការ​ខឹង​ទៅ​វិញ ឬ​ការ​ឆ្លើយ​តប​ដ៏​ឃោរឃៅ​នឹង​ធ្វើ​កូន​កាន់តែ​ពិបាក​ជាង​មុន ។ ចូរ​រក្សា​ភាព​ស្ងប់ស្ងាត់ ហើយ​ធ្វើ​ជា​គំរូ និង​បង្រៀន​កូន​របស់​អ្នក​អំពី​អាកប្បកិរិយា​ដែល​អ្នក​ចង់​ឃើញ​នៅ​លើ​ខ្លួន​ពួក​គេ ។

៤. មិន​អើពើ​នឹង​អាកប្បកិរិយា​អវិជ្ជមាន​តូចតាច ហើយ​សរសើរ​អាកប្បកិរិយា​វិជ្ជមាន ៖ មិន​អើពើ​នឹង​អាកប្បកិរិយា​មិន​សមរម្យ​តូចតាច ព្រោះ​ការ​ស្តីបន្ទោស ឬ​ប្រាប់​កុមារ​ឱ្យ​ឈប់​ធ្វើ​អ្វីមួយ​ក៏​អាច​ធ្វើ​ឱ្យ​ពួក​គេ​កាន់តែ​ខឹង​ផង​ដែរ ។ ផ្ទុយ​ទៅ​វិញ ចូរ​សរសើរ​ចំពោះ​អាកប្បកិរិយា​ដែល​អ្នក​ចង់​លើកទឹកចិត្ត ។

៥. ប្រើ​វិន័យ ៖ កូន​របស់​អ្នក​ត្រូវ​ដឹង​ពី​ផលវិបាក ចំពោះ​អាកប្បកិរិយា​អវិជ្ជមាន​នានា ហើយ​អ្នក​ត្រូវ​ដាក់​វិន័យ​បែប​នោះ​គ្រប់ពេល​ដែល​ពួក​គេ​មាន​អាកប្បកិរិយា​មិនល្អ ។

៦. បង្កើត​គន្លឹះ​សម្រាប់​ការ​ស្ងប់ស្ងាត់ ៖ នាំ​កូន​ធ្វើ​អ្វី​ដែល​អ្នក និង​កូន​អាច​ធ្វើ​បាន ដើម្បី​រំងាប់​អារម្មណ៍ ដូច​ជា​ដកដង្ហើម​យឺត​ៗ ដើម្បី​បន្ធូរ​អារម្មណ៍ ការ​ហាត់ប្រាណ​ជាមួយ​គ្នា លេង​ជាមួយ​គ្នា និង​ជជែក​គ្នា​ជាដើម ៕

អត្ថបទ​នេះ​ផលិត​ឡើង​ក្រោម​កិច្ច​សហប្រតិបត្តិការ​ជាមួយ​សាលារៀន​វ៉េ​ស្ទ​ឡាញ​ន៍ និង​សាលារៀន​ណ​ត្ស​ឡាញ​ន៍ ។ សាលារៀន​ផ្តល់​ជូន​នូវ​កម្មវិធី​ម​ត្តេ​យ្យ​ភាសា​ខ្មែរ និង​អង់គ្លេស កម្មវិធី​ភាសា​អង់គ្លេស កម្មវិធី​ភាសា​ចិន និង​កម្មវិធី​ចំណេះ​ទូទៅ​ខ្មែរ ពី​ថ្នាក់​ទី ១ ដល់ទី ១២ វគ្គ​សិក្សា​ថ្មី ចូល​រៀន​ថ្ងៃ​ទី ៣០ ខែតុលា ឆ្នាំ ២០២៣ ខាង​មុខ​នេះ ។ សាលារៀន​ផ្តល់​ជូន​អាហារូបករណ៍​ពិសេស​រហូត​ដល់ ៤០% លើ​តម្លៃ​សិក្សា សម្រាប់​កា​ចុះ​ឈ្មោះ​ជា​ក្រុម លក្ខណៈ​គ្រួសារ ឬ​ពីរ​កម្មវិធី ព្រមទាំង​ផ្តល់​ជូន​ការ​ធានា​រ៉ាប់រង​គ្រោះថ្នាក់ និង​ការពារ​ការ​សិក្សា​បុត្រ​ធីតា​រហូត​ដល់ ៥ ឆ្នាំ ។ ការ​ផ្តល់​ជូន​ខាងលើ​នេះ​មាន​សុពលភាព​សម្រាប់​ការ​ចុះ​ឈ្មោះ​ចូល​រៀន​ត្រឹម​ថ្ងៃ​ទី ៤ ខែវិច្ឆិកា ឆ្នាំ ២០២៣ ។

សាលារៀន​ផ្តល់​ជូន​នូវ​វេទិកា និង​មធ្យោបាយ​សិក្សា​យ៉ាង​សម្បូរ​បែប​ជាមួយនឹង​ប្រព័ន្ធ​គ្រប់គ្រង​សាលារៀន ប្រព័ន្ធ​គ្រប់​គ្រង់​ការ​សិក្សា និង​អេប​សាលារៀន​ជូន​ដល់​មាតាបិតា​សិស្ស និង​សិស្សានុសិស្ស​ក្នុង​ការ​គ្រប់គ្រង​ការ​សិក្សា និង​តាមដាន​ព័ត៌មាន​សិក្សា​របស់​បុត្រ​ធីតា​ផង​ដែរ ។ សម្រាប់​ព័ត៌មាន​បន្ថែម សូម​ទំនាក់ទំនង​ទូរស័ព្ទ​លេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕