ADផ្ទាំងផ្សព្វផ្សាយពាណិជ្ជកម្ម

Picture

កម្ពុជា និង​វៀតណាម ចុះ​ទុន​រួម​គ្នា​ជាង​២០០០​លាន​ដុល្លារ កសាង​សរសៃ​ឈា​.​ម​សេដ្ឋកិច្ច​ថ្មី

6 ខែ មុន
  • ភ្នំពេញ

កម្ពុជា និង​វៀតណាម កំពុង​តែ​សម្លឹង​រួម​គ្នា​ទៅ​លើ​ផលប្រយោជន៍​ដែល​បាន​មក​ពី​គំនិត​ផ្តួចផ្តើម​នៃ​កា​រត​.​ភ្ជាប់​ផ្លូវ​ល្បឿន​លឿន​រវាង​ប្រទេស​ទាំង​ពីរ តាម​យន្តការ​ផ្លូវ​ល្បឿន​លឿន​ភ្នំពេញ​-​បា​វិត ជា​មួយនឹង​ផ្លូវ​ល្បឿន​លឿន​ហូ​ជី​មិ​ញ​-​ម៉ុ​ក​បៃ ដែល​អាច​ចាត់​ទុក​ថា

កម្ពុជា និង​វៀតណាម កំពុង​តែ​សម្លឹង​រួម​គ្នា​ទៅ​លើ​ផលប្រយោជន៍​ដែល​បាន​មក​ពី​គំនិត​ផ្តួចផ្តើម​នៃ​កា​រត​.​ភ្ជាប់​ផ្លូវ​ល្បឿន​លឿន​រវាង​ប្រទេស​ទាំង​ពីរ តាម​យន្តការ​ផ្លូវ​ល្បឿន​លឿន​ភ្នំពេញ​-​បា​វិត ជា​មួយនឹង​ផ្លូវ​ល្បឿន​លឿន​ហូ​ជី​មិ​ញ​-​ម៉ុ​ក​បៃ ដែល​អាច​ចាត់​ទុក​ថា ជា​សរសៃ​ឈា​.​ម​ថ្មី សម្រាប់​ជំរុញ​កិច្ច​សហប្រតិបត្តិការ​សេដ្ឋកិច្ច​រវាង​ប្រជាជាតិ​ទាំង​ពីរ​។

គិត​ជា​លុយ​សរុប គឺ​មាន​តម្លៃ​ជាង​២០០០​លាន​ដុល្លារ សម្រាប់​ការ​បង្កើត​សរសៃ​ឈា​.​ម​សេដ្ឋកិច្ច​ថ្មី​នេះ។

ពាក់ព័ន្ធ​នឹង​គម្រោង​ជា​សរសៃ​ឈា​.​ម​ថ្មី​នេះ សម្តេច​មហា​បវរ​ធិ​បតី ហ៊ុន ម៉ា​ណែ​ត នាយក​រដ្ឋមន្ត្រី​កម្ពុជា បាន​ស្នើ​ទៅ​ប្រមុខរដ្ឋ​វៀតណាម ឱ្យ​ព​ន្លឿ​ន​កិច្ចព្រមព្រៀង​នានា ដើម្បី​បើកផ្លូវ​ឱ្យ​មានការ​ត​ភ្ជាប់​គ្នា​រវាងផ្លូវ​ល្បឿន​លឿន​របស់​កម្ពុជា​ភ្នំពេញ​-​បា​វិត ជាមួយ​ផ្លូវ​ល្បឿន​លឿន​របស់​វៀតណាម ម៉ុ​កបាយ​-​ហូ​ជី​មិ​ញ ដើម្បី​សម្រួលការ​ធ្វើ​ពាណិជ្ជកម្ម និង​ទេសចរណ៍​នៅ​ក្នុង​ជំនួប​កាលពីដើម​ខែតុលា​កន្លង​ទៅ ។

តាម​គំនិត​ផ្តួចផ្តើម​នេះ កាលពី​ចុង​ស​ប្តា​ហ៍​មុន ពោល​គឺ​ពី​ថ្ងៃ​ទី​២៦​ដល់​២៧ ខែតុលា ឆ្នាំ​២០២៣ កន្លង​ទៅ ក្រុម​មន្ត្រី​ជំនាញការ និង​បច្ចេកទេស​របស់​ប្រទេស​ទាំង​ពីរ បាន​បើក​កិច្ច​ពិភាក្សា​គ្នា​ជា​លើក​ទី​២ នៅ​លើ​កា​រត​ភ្ជាប់​ផ្លូវ​ល្បឿន​លឿន​ថ្មី​ពីរ​ខ្សែ ដែល​កម្ពុជា​កំពុង​តែ​កសាង ហើយ​វៀតណាម ដាក់​ផែនការ​កសាង​នៅ​ចុងឆ្នាំ​២០២៣ ឬ​ដើមឆ្នាំ​២០២៤​។

យោង​តាម​សេចក្តី​ប្រកាស​របស់​ក្រសួង​សាធារណការ និង​ដឹក​ជញ្ជូន បាន​ឲ្យ​ដឹង​ថា ជំនួប​ជា​លើក​ដំបូង រវាង​ក្រុម​មន្ត្រី​បច្ចេកទេស​ទាំង​ពីរ​ប្រទេស គឺ​ភាគី​កម្ពុជា ដឹកនាំ​ដោយ​លោក សូរ វ៉ិ​ច​ទ័​រ រដ្ឋលេខាធិការ ក្រសួង​សាធារណការ និង​ដឹក​ជញ្ជូន ហើយ​ភាគី​វៀតណាម គឺ​ដឹកនាំ​ដោយ​លោក ឡេ អា​ញ់ ធាន ( Le Anh Tuan ) អនុរដ្ឋមន្ត្រី​ក្រសួង​ដឹក​ជញ្ជូន​វៀតណាម នៅ​ទីក្រុង​ហូ​ជី​មិ​ញ ប្រទេស​វៀតណាម។

នៅ​ក្នុង​កិច្ចប្រជុំ​នោះ ភាគី​ទាំង​សងខាង​បាន​សម្រេច​បាន​លទ្ធផល​ប្រកបដោយ​ផ្លែផ្កា ក្នុង​នោះ​ភាគី​ទាំង​ពីរ​បាន​ឯកភាព​ព​ន្លឿ​ន​ការ​អនុវត្ត​គម្រោង និង​ការងារ​ពាក់ព័ន្ធ ដើម្បី​ជា​ប្រយោជន៍​រួម ទាំង​ផ្នែក​សេដ្ឋកិច្ច និង​សង្គម​។

សម្រាប់​កម្ពុជា បាន​បើក​ការដ្ឋាន​កសាង​ផ្លូវ​ល្បឿន​លឿន​ភ្នំពេញ​-​បា​វិត ដែល​មាន​ចម្ងាយ​សរុប​១៣៥,១០ គម ដោយ​ត្រូវ​ចំណាយ​ថវិកា​ប្រមាណ​ជា ១.៤០០ លាន​ដុល្លារ តាំង​តែ​ពី​ខែមិថុនា ឆ្នាំ​២០២៣ នេះ​មក​ម្ល៉េះ ដោយនៅ​ក្នុង​នោះ​វា​កាត់​ខេត្តកណ្តាល​ប្រមាណ​ជា ៤,១​គម​, ខេត្តព្រៃវែង ៧០,៩ គម និង​ខេត្តព្រៃវែង​៦០,១ គម ចេញ​ទៅ​បា​វិត​តែ​ម្តង ប៉ុន្តែ​ខាង​ភាគី​វៀតណាម​កំពុង​តែ​គិតគូរ​ផែនការ​នេះ ។

គំនិត​ផ្តួចផ្តើម នៃ​កា​រត​ភ្ជាប់​ផ្លូវ​ល្បឿន​លឿន​របស់​ប្រទេស​ទាំង​ពីរ គឺ​ពិតជា​មាន​តម្លៃ ហើយដោយ​សារ​តែ​មើលឃើញ​តម្លៃ​នេះ​ហើយ ទើប​វៀតណាម​បាន​សម្រេច​កែសម្រួល​គម្រោង​នះ​ឡើង​វិញ ដើម្បី​ឲ្យ​សម​ស្រប​នឹង​កម្ពុជា ។

តាម​ពិត​ទៅ​វៀតណាម បាន​ដាក់​ផែនការ​កសាង​ផ្លូវ​ល្បឿន​លឿន​ហូ​ជី​មិ​ញ​-​ម៉ុ​ក​បៃ​ភ្ជាប់ មក​កម្ពុជា តាំងពី​ឆ្នាំ​២០១៩ មក​ម្ល៉េះ ខណៈ​ដែល​កម្ពុជា​កំពុង​តែ​សិក្សា និង​បង្ហាញ​ចំណាប់អារម្មណ៍​កសាង​ផ្លូវ​នេះ ។

តាម​ផែនការ​ដើម​របស់​វៀតណាម ដែល​បាន​គ្រោង​វៀតណាម គ្រោង​ចំណាយ​ថវិកា​ត្រឹមតែ​កម្រិត ២៥៥ លាន​ដុល្លារ​ប៉ុណ្ណោះ ដើម្បី​កសាង​ផ្លូវ​ល្បឿន​លឿន​ហូ​ជី​មិ​ញ​-​ម៉ុ​ក​បៃ ដែល​មាន​ចម្ងាយ​ប្រមាណ​ជា ៥៣,៥ គម ប៉ុន្តែ​នៅ​ខែឧសភា ឆ្នាំ​២០២២ អាជ្ញាធរ​វៀតណាម បាន​សម្រេច​បង្កើន​ថវិកា​កសាង​ផ្លូវ​នេះ​ដល់ទី ៧០៩,៩ លាន​ដុល្លារ ដោយ​គ្រោង​ពង្រីក ៤​គន្លង ហើយ​អាច​អនុញ្ញាត​ឲ្យ​បើកបរ​នៅ​ក្នុង​ល្បឿន​ដល់​១២០ គម ដូច​ជា​កម្ពុជា​ដែរ ។

តាម​ផែនការ​វៀតណាម គ្រោង​នឹង​សាងសង់​ផ្លូវ​ល្បឿន​លឿន​ហូ​ជី​មិ​ញ​-​ម៉ុ​ក​បៃ​នេះ នៅ​ត្រីមាស​ទី​៤ នៃ​ឆ្នាំ​២០២៣ ឬ​ឆ្នាំ​២០២៤ ដោយ​គ្រោង​ឲ្យ​បញ្ចប់​នៅ​ឆ្នាំ​២០២៧ ហើយ​ផ្លូវ​ល្បឿន​លឿន​ភ្នំពេញ​-​បា​វិត ក៏​គ្រោង​នឹង​បញ្ចប់​ការ​សាងសង់​នៅ​ក្នុង​ឆ្នាំ​២០២៧​ដូច​គ្នា ។

សព្វ​ថ្ងៃនេះ កា​រត​ភ្ជាប់​រវាង​ទីក្រុង​ភ្នំពេញ រាជធានី​របស់​កម្ពុជា ទៅ​ទីក្រុង​ហូ​ជី​មិ​ញ ដែល​ជា​មជ្ឈ​មណ្ឌល​​សេដ្ឋកិច្ច​វៀតណាម នៅ​លើ​ចម្ងាយ​ផ្លូវ​ប្រមាណ​ជា ជាង​២២០ គម គឺ​ត្រូវ​ចំណាយពេល​ពី​៥​ទៅ​៦​ម៉ោង ដោយ​ភ្ជាប់​ពី​ភ្នំពេញ​ទៅ​បា​វិត​តាម​ផ្លូវជាតិ​លេខ​១ និង​ភ្ជាប់​ពី ម៉ុ​កបាយ ទៅ ហូ​ជី​មិ​ញ តាម​ផ្លូវ​ហា​យ​វេ លេខ​២២ ដូច្នេះ​នៅ​ពេល​ដែល​ប្រទេស​ទាំង​ពីរ​មាន​ផ្លូវ​ល្បឿន​លឿន​ត​ភ្ជាប់​គ្នា​នោះ រយៈពេល​នៃ​ការ​ធ្វើ​ដំណើរ​នឹង​កាត់​បន្ថយ ហើយ​ការ​ដឹក​ជញ្ជូន​ទំនិញ ក៏​កាន់តែ​រហ័ស និង​ទូលំទូលាយ​បន្ថែម​ទៀត ។

ដោយ ៖ ហេង ចេស្តារ

អត្ថបទសរសេរ ដោយ

កែសម្រួលដោយ