ខេត្តបន្ទាយមានជ័យ ៖ ជនសង្ស័យម្នាក់បានត្រូវកម្លាំងប៉ូលិសស្រុកថ្មពួកសហការជាមួយកម្លាំងប៉ូលិសជំនាញការិយាល័យប្រឆាំងគ្រឿងញៀ.នខេត្ត ចាប់ឃាត់ខ្លួនជាក់ស្តែងពីបទលក់ចែកចាយគ្រឿងញៀ.ន កាលពីវេលាម៉ោង២រសៀលថ្ងៃទី១៨ ឧសភា ឆ្នាំ២០១១ នៅចំណុចភូមិបឹងសុក្រម ឃុំគោករមៀត ស្រុកថ្មពួក
ខេត្តបន្ទាយមានជ័យ ៖ ជនសង្ស័យម្នាក់បានត្រូវកម្លាំងប៉ូលិសស្រុកថ្មពួកសហការជាមួយកម្លាំងប៉ូលិសជំនាញការិយាល័យប្រឆាំងគ្រឿងញៀនខេត្ត ចាប់ឃាត់ខ្លួនជាក់ស្តែងពីបទលក់ចែកចាយគ្រឿងញៀន កាលពីវេលាម៉ោង២រសៀលថ្ងៃទី១៨ ឧសភា ឆ្នាំ២០១១ នៅចំណុចភូមិបឹងសុក្រម ឃុំគោករមៀត ស្រុកថ្មពួក ។
លោកអនុសេនីយ៍ឯក ធិន ស៊ីនដេត នាយការិយាល័យប្រឆាំងគ្រឿងញៀនស្តីទី បានឱ្យដឹងថា ដើម្បីអនុវត្តនូវគោលនយោបាយភូមិ-ឃុំមានសុវត្ថិភាព គឺត្រូវលុបបំបាត់នូវភាពអសកម្មចំនួន៥ចំណុចឱ្យមានប្រសិទ្ធភាពក្នុងនោះត្រូវចាត់វិធានការបង្ក្រាបរាល់ការផលិត ការជួញដូរលក់ចែកចាយ និងប្រើប្រាស់គ្រឿងញៀនទើបភូមិ-ឃុំមានសុវត្ថិភាព ។ ជាក់ស្តែងជនសង្ស័យឈ្មោះនឿយ ញ៉ាញ់ ភេទប្រុស អាយុ២៤ឆ្នាំ នៅភូមិបឹងសុក្រម ឃុំគោករមៀត ស្រុកថ្មពួក ត្រូវបានកម្លាំងប៉ូលិសស្រុកថ្មពួក សហការជាមួយកម្លាំងជំនាញចាប់ឃាត់ខ្លួន ដោយដកហូតបានវត្ថុតាងជាក់ស្តែងមានថ្នាំញៀនប្រភេទមេតំហ្វេតាមីនមានអក្សរ WY ពណ៌ផ្កាឈូកចំនួន៥០គ្រាប់ និងម៉ូតូមួយគ្រឿងម៉ាកហុងដា ធុន C125 ពណ៌ខ្មៅ ស៊េរីឆ្នាំ២០០៧ គ្មានស្លាកលេខដែលជននេះជិះធ្វើសកម្មភាព។
លោកនាយការិយាល័យស្តីទីបានបន្តទៀតថា ក្រោយពីឃាត់ខ្លួន និងសាកសួរចម្លើយ ជនសង្ស័យបានសារភាពថា រូបគេបានធ្វើសកម្មភាពលក់ចែកចាយគ្រឿងញៀនចំនួន២លើកមកហើយទាំងលើកនេះដោយទិញចូល១គ្រាប់តម្លៃ១១០បាត និងលក់ចេញ១២០បាត។ លោកបានបញ្ជាក់ថា ផ្អែកតាមចម្លើយសារភាពរបស់ជនសង្ស័យរួមទាំងវត្ថុតាងដែលរឹបអូសបានកម្លាំងជំនាញបានរៀបចំសំណុំរឿងបញ្ជូនទៅសាលាដំបូងខេត្តដើម្បីផ្តន្ទាទោសតាមច្បាប់៕
ចែករំលែកព័តមាននេះ