រាជធានីភ្នំពេញ ៖ នៅទីបំផុត សម្តេចតេជោបានចេញមុខដោយផ្ទាល់នៅក្នុងការផ្សំផ្គុំ និងកំណត់ថ្ងៃចូលរោងការឱ្យតារាសម្តែង និងពិធីការិនីនាង ហ៊ិន ច័ន្ទនីរ័ត្ន និងគូស្នេហ៍លោក ឌី…
រាជធានីភ្នំពេញ ៖ នៅទីបំផុត សម្តេចតេជោបានចេញមុខដោយផ្ទាល់នៅក្នុងការផ្សំផ្គុំ និងកំណត់ថ្ងៃចូលរោងការឱ្យតារាសម្តែង និងពិធីការិនីនាង ហ៊ិន ច័ន្ទនីរ័ត្ន និងគូស្នេហ៍លោក ឌី ពេជ្រ ហើយ បន្ទាប់ពីមួយរយៈចុងក្រោយនេះ មានបណ្តាសារព័ត៌មាននានាបានចុះផ្សាយពីទំនាក់ទំនងស្នេហ៍របស់តារារូបនេះ ។
ក្នុងឋានៈជាឪពុកធំរបស់លោក ឌី ពេជ្រ សម្តេចតេជោ បានបញ្ចេញសារតាមតេឡេក្រាមថា ដើម្បីចៀសវាងមាត់ចាបមាត់ព្រាបដូចពាក្យចាស់លោកពោលថា មាត់វែងជាងផ្លូវជុំវិញកូនប្រុសឌី ពេជ្រ និងកូនស្រី ហ៊ិន ចន្ធ័នីរត្ឋ័ ។ ក្នុងឋានៈ ជាឪពុកធំកូនពេជ្រ ខ្ញុំត្រូវតែចូលរួមរៀបចំឲ្យកូនទាំងពីរបានចូលរោងការតាមប្រពៃណី ។ ថ្ងៃស្អែក២៧ តុលា ២០២៣ ឪពុកម្តាយខាងប្រុសចូលស្តីដណ្តឹងកូនស្រី ។
សម្តេចបញ្ជាក់ថា ថ្ងៃទី២២ ខែធ្នូ ២០២៣ កំណត់ជាថ្ងៃរៀបការដែលគ្រួសារទាំងសងខាងនិងសាមីខ្លួនបានយល់ស្របតាមខ្ញុំដែលជាអាចារ្យធំរៀបចំពេលវេលាបែបនេះ ។ ឈាមច្បាស់ជាខាប់ជាងទឹកនិងសង្ឃឹមថា ពុំមានអ្នកធ្វើអត្ថាធិប្បាយណាយកទៅបកស្រាយផ្សេងពីនេះទៀតឡើយ ។
ជាការកត់សម្គាល់ កាលពីពេលថ្មីៗនេះ មហាជនបានសម្តែងការភ្ញាក់ផ្អើល បន្ទាប់ពីតារាសម្តែងនាងហ៊ិន ច័ន្ទនីរ័ត្ន បង្ហាញមុខគូស្នេហ៍ថ្មី ជាមួយបុរសម្នាក់ដែលមានហ្វេសបុកឈ្មោះ ដាយមិន ឌី ទៅវិញ តាមរយៈការបែកធ្លាយរូបភាព ក្រោយពីនាងបានទទួលគ្រឿងឥស្សរិយយស ថ្នាក់មហាសេរីវឌ្ឍន៍ កាលពីថ្ងៃទី១០ តុលា បន្ទាប់ពីថតចប់រឿង«កូនប្រុសក្រោមពន្លឺព្រះច័ន្ទពេញបូណ័មី» ក្នុងពេលដែលលោកដាយមិន ឌី បានចេញសារខមិនសាទរ នាងហើយនាងបានក៏ហៅបុរសនោះថា ជា«Huni» វិញផងដែរ ។
តែក្រោយមក សារឆ្លើយឆ្លងទាំងនោះ ត្រូវបានលុបចេញវិញ ប៉ុន្ដែនៅអាខោនម្ចាស់ហ្វេសបុកឈ្មោះឌី នោះ មានរូបថតផ្អែមល្ហែមជាច្រើនជាមួយស្រីស្អាតច័ន្ទនីរ័ត្ន ពិសេសគឺរូបភាពដែលពួកគេទើបតែទៅដើរលេងកម្សាន្ដជាមួយគ្នានៅអាមេរិកកាលពីពេលថ្មីៗនេះ ។ តាមរយៈរូបភាពទាំងអស់នោះ ត្រូវបានគេគិតថា ហ៊ិន ច័ន្ទនីរ័ត្ន និងបុរសរូបនោះ ទំនងជាមានទំនាក់ទំនងគ្នាយូរដែរហើយ ព្រោះមើលទៅនាង និងបុរសរូបនោះមានភាពស្និទ្ធិស្នាលគ្នាយ៉ាងខ្លាំង ។
ទោះជាយ៉ាងណា មហាជន ពិសេសបណ្តាអ្នកគាំទ្រ ហ៊ិន ច័ន្ទនីរ័ត្ន បានបង្ហាញការសាទរ ប្រសិនបើបុរសខាងលើនេះ ពិតជាគូស្នេហ៍របស់នាងពិតប្រាកដមែននោះ ព្រោះរហូតមកទល់នាពេលនេះ នាងក៏មានវ័យកាន់តែច្រើនដែលស័ក្តិសមនឹងមានគូជីវិត ខណៈពេលដែលអ្នកសិល្បៈរួមជំនាន់នាង ខ្លះមានគូ និងកូនរួចហើយដែរ ។
ចែករំលែកព័តមាននេះ