រាជធានីភ្នំពេញ ៖ លោកយាយម្នាក់ត្រូវចៅប្រសាដែលស្រវឹងស្រាយកកាំបិតត្នោតកា.ប់ចំនួន៣កាំបិត បណ្តាលឱ្យបាក់ស្មងជើងស្តាំ និងរយះកំភួនដៃខាងឆ្វេង កាលពីវេលាម៉ោង៦ល្ងាច ថ្ងៃទី១៧ ឧសភា នៅភូមិតាញ៉ោក ឃុំប្រាសាទ ស្រុកសន្ទុក ខេត្តកំពង់ធំ។ ស្ត្រីឈ្មោះសឿន ឡៃ អាយុ២៥ឆ្នាំ ជាចៅស្រីរៀបរាប់ឱ្យដឹងថា
រាជធានីភ្នំពេញ ៖ លោកយាយម្នាក់ត្រូវចៅប្រសាដែលស្រវឹងស្រាយកកាំបិតត្នោតកាប់ចំនួន៣កាំបិត បណ្តាលឱ្យបាក់ស្មងជើងស្តាំ និងរយះកំភួនដៃខាងឆ្វេង កាលពីវេលាម៉ោង៦ល្ងាច ថ្ងៃទី១៧ ឧសភា នៅភូមិតាញ៉ោក ឃុំប្រាសាទ ស្រុកសន្ទុក ខេត្តកំពង់ធំ។
ស្ត្រីឈ្មោះសឿន ឡៃ អាយុ២៥ឆ្នាំ ជាចៅស្រីរៀបរាប់ឱ្យដឹងថា នាងរៀបការបានរយៈពេល១ឆ្នាំហើយជាមួយឈ្មោះម៉ៅ សុខគាំ អាយុ២២ឆ្នាំ ប្រកបរបរឡើងត្នោត មានទីលំនៅក្នុងភូមិត្នោតជុំ ឃុំត្នោតជុំ ស្រុកបារាយណ៍។ បន្ទាប់ពីរៀបការរួចនាងទៅរស់នៅជាមួយជីដូនឈ្មោះចូ នី អាយុ៧៤ឆ្នាំ។ នៅថ្ងៃកើតហេតុ ប្តីរបស់នាងឈ្មោះម៉ៅ សុខគាំ បានផឹកស្រាស្រវឹង រួចទៅឡើងត្នោតបានតែ២ដើមប៉ុណ្ណោះក៏មកដេកក្រោមផ្ទះវិញ។ ឃើញដូច្នេះនាងស្តីបន្ទោសធ្វើឱ្យគេខឹងមួម៉ៅក៏ជេរប្រមាថនាង និងវាយរបស់របរទៀតផង។ ឃើញបែបនោះលោកយាយដែលនៅលើផ្ទះស្តីបន្ទោសប្តីរបស់នាងថា «អាបំផ្លាញ អារលាយ គ្មានសល់អ្វីទេ» ហើយប្តីនាងក៏បានជេរប្រមាថលោកយាយវិញ។
ប្រភពដដែលបន្តថា ពេលឮចៅប្រសាជេរខ្វះការគោរពគាត់ជាមនុស្សចាស់ លោកយាយបានចុះពីលើផ្ទះ មានបំណងទៅប្រាប់កូនប្រុសម្នាក់ដែលមានផ្ទះចំងាយប្រមាណ២០ម៉ែត្រពីគ្នា។ ស្របពេលនោះស្រាប់តែប្តីនាងយកកាំបិតត្នោតកាប់លោកយាយ១កាំបិតត្រង់ស្មងជើងខាងស្តាំ បណ្តាលឱ្យដួល រួចកាប់កញ្ចឹងកទៀត តែគាត់យកដៃរងបណ្តាលឱ្យរយះកំភួនដៃខាងឆ្វេង។ បង្កហេតុរួចប្តីនាងគេចខ្លួនបាត់ តែក្រុមគ្រួសារបានដាក់ពាក្យប្តឹងទៅសមត្ថកិច្ចមូលដ្ឋានហើយ ដើម្បីតាមរកចាប់ខ្លួន។ លោកយាយរងគ្រោះត្រូវចៅស្រីនាំយកទៅសង្គ្រោះនៅមន្ទីរពេទ្យបង្អែកខេត្តកំពង់ធំ តែដោយសាររបួសធ្ងន់ធ្ងរ គ្រូពេទ្យបានបញ្ជូនបន្តទៅព្យាបាលនៅមន្ទីរពេទ្យព្រះកុសុមៈ៕
ចែករំលែកព័តមាននេះ