ឪពុកសារភាពប្រាប់មូលហេតុ ក្រោយប្រល័យជីវិតកូន២ឆ្នាំ រួចយកស.ពទុកលើបន្ទប់ទឹក
- ភ្នំពេញ
រាជធានីភ្នំពេញ ៖ ក្មេងប្រុសម្នាក់អាយុ២ឆ្នាំ បានត្រូវឪពុកចិត្តតិរច្ឆានសម្លាប់រួចយកសពទុកលើកុង
រាជធានីភ្នំពេញ ៖ ក្មេងប្រុសម្នាក់អាយុ២ឆ្នាំ បានត្រូវឪពុកចិត្តតិរច្ឆានសម្លាប់រួចយកសពទុកលើកុងប្លាកេក្នុងបន្ទប់ទឹកហើយរត់គេចខ្លួនប៉ុន្តែ៣ថ្ងៃក្រោយមក ក៏ត្រូវសមត្ថកិច្ចឃាត់ខ្លួនបាន ។ គួររំលឹកថា បា.ត់ក្មេ.ង៣ថ្ងៃ លុះរកឃើញស.ព ទើបដឹងឪពុកចិត្តដាច់ប្រល័យកូន ផ្អើលម្តុំទួលស្វាយព្រៃ
សពក្មេងប្រុសត្រូវបានប្រទះឃើញ និងបង្កឲ្យមានការភ្ញាក់ផ្អើល កាលពីវេលាម៉ោងប្រហែល
៤និង៣០នាទីល្ងាចថ្ងៃទី២៣ ខែតុលា ឆ្នាំ២០២៣ កន្លងទៅ នៅបន្ទប់ជួលគ្មានលេខ ផ្លូវលេខ
៣១០ ភូមិ១ សង្កាត់ទួលស្វាយព្រៃទី១ ខណ្ឌបឹងកេងកង ។ កូនប្រុសតូចដែលត្រូវឪពុកសម្លាប់
នេះឈ្មោះ ស៊ឹម សុខយុទ្ធ ម្ដាយឈ្មោះ ស៊ឹម រំដួល មុខរបររើសអេតចាយ ស្នាក់នៅបន្ទប់ជួលកន្លែងកើតហេតុខាងលើ ។ ចំណែកជនសង្ស័យជាឪពុកឈ្មោះ ភួង ភី អាយុ៣៦ឆ្នាំ មានស្រុកកំណើតនៅខេត្តកំពង់ចាម ប្រកបរបររើសអេតចាយ ។
បើតាមម្ដាយមីងក្មេងប្រុសថា គាត់បានបាត់ក្មួយតាំងពីថ្ងៃទី២១ ខែតុលា ឆ្នាំ២០២៣ វេលាម៉ោងប្រមាណ៦និង៣០នាទី និងបានរាយការណ៍ប្រាប់នគរបាលប៉ុស្តិ៍ទួលស្វាយព្រៃទី១ ដើម្បីឲ្យជួយស្វែងរក ព្រមទាំងបានដើររកជាមួយឪពុកបង្កើតរូបនោះថែមទៀតផង តែរកមិនឃើញ ។ រហូតមកដល់ថ្ងៃទី២៣ ខែតុលា ឆ្នាំ២០២៣ ដោយមានការសង្ស័យថា ក្មួយប្រុសអាចនៅក្នុងបន្ទប់របស់ឪពុក ទើបរូបគាត់បើកទ្វារបន្ទប់ចូលទៅ ស្រាប់តែធុំក្លិនស្អុយអសោចិ៍ និងឃើញសពក្មួយនៅលើកុងប្លាកេលើបន្ទប់ទឹក ទើបស្រែកឆោឡោឡើង និងរាយការណ៍ប្រាប់សមត្ថកិច្ចមូលដ្ឋាន ។
បើតាមចម្លើយជនដៃដល់ជាឪពុកថា មួយរយៈពេលចុងក្រោយនេះ រូបគេតែងតែមានភាព
រកាំរកូតជាមួយម្ដាយក្មេក និងប្រពន្ធ ដោយម្ដាយក្មេកតែងតែប្រាប់ឲ្យប្រពន្ធលែងលះខ្លួន និង
ថាខ្លួនជាមនុស្សមិនបានការ ។ មិនតែប៉ុណ្ណោះ តែងតែតិះដៀលរូបខ្លួនថែមទៀតផង ហើយប្រ
ពន្ធក៏តែងតែសុំលែងលះគ្នាជាញឹកញយ ដែលធ្វើឲ្យខ្លួនមិនសប្បាយចិត្ត និងមានការគុំកួនរហូតមក ។
នៅថ្ងៃទី២១ ខែតុលា ឆ្នាំ២០២៣ វេលាម៉ោងប្រហែលជា៤និង៣០នាទីល្ងាច ពេលឃើញកូនប្រុសដើរទៅលេងនៅបន្ទប់របស់ម្ដាយមីងឈ្មោះ ស៊ឹម បុប្ផា ដែលជាប្អូនថ្លៃ ខ្លួនក៏ចាប់បីកូនចូលក្នុងបន្ទប់របស់ខ្លួន ដោយពុំមានអ្នកណាដឹងឡើយ ។ ខ្លួនបានបោះកូនប្រុសឡើងទៅលើ ហើយទៅត្រូវពិតាន រួចធ្លាក់ចុះមកក្រោមមួយទំហឹងបាត់មាត់បាត់កពុំមានកម្រើក គឺបានស្លាប់ទៅហើយ ។
ពេលឃើញដូច្នោះ ខ្លួនក៏បោះកូនទៅលើកុងប្លាកេដំបូលបន្ទប់ទឹកដើម្បីលាក់ទុក ហើយខ្លួនធ្វើជាមិនដឹងរឿងអ្វីទាំងអស់ និងបានដើររើសអេតចាយនិងទិញអេតចាយជាធម្មតា ហើយក៏មិនបានចូលបន្ទប់ស្នាក់នៅទេ បន្ទាប់ពីបានប្រព្រឹត្តអំពើនោះរួច ។
ក្រោយពីមានការភ្ញាក់ផ្អើលពីការប្រទះឃើញសពក្មេងប្រុស សមត្ថកិច្ចបានធ្វើការស្រាវ
ជ្រាវតាមរកជនសង្ស័យ និងបានប្រទះឃើញនៅផ្លូវឌឿងហែមចេញពីផ្លូវសុធារស សង្កាត់ទន្លេ
បាសាក់ ខណ្ឌចំការមន ក៏បានឃាត់ខ្លួនបញ្ជូនទៅប៉ុស្តិ៍នគរបាលរដ្ឋបាលទួលស្វាយព្រៃទី១ ដើម្បី
សួរនាំ និងបន្តនីតិវិធីតាមផ្លូវច្បាប់ ៕ ដោយ ៖ ទឹម រដ្ឋា
ចែករំលែកព័តមាននេះ