ពលរដ្ឋនាំគ្នាមកស្ទូចត្រី ខណៈទឹកស្ទឹងសិរីសោភ័ណបានស្រក
- បន្ទាយមានជ័យ
ខេត្តបន្ទាយមានជ័យ ៖ នៅពេលទឹកស្ទឹងសិរីសោភ័ណស្រក គេសង្កេតឃើញបងប្អូនប្រជាពលរដ្ឋនាំ
ខេត្តបន្ទាយមានជ័យ ៖ នៅពេលទឹកស្ទឹងសិរីសោភ័ណស្រក គេសង្កេតឃើញបងប្អូនប្រជាពលរដ្ឋនាំគ្នាមកស្ទូចត្រី និងអង្គុយលេងជាលក្ខណៈគ្រួសារ កាលពីថ្ងៃទី២៥ ខែតុលា ឆ្នាំ២០២៣ នៅក្បាលស្ពានថ្មត្រើយខាងលិច ស្ថិតក្នុងភូមិបី សង្កាត់ព្រះពន្លា ក្រុងសិរីសោភ័ណ។
ប្រជាពលរដ្ឋប្រាប់ថា នៅពេលទឹកជំនន់បានស្រកនៅដងស្ទឹងសិរីសោភ័ណនៅស្ពានថ្មីត្រើយខាងលិចនិងខាងជើងបានក្លាយជាកន្លែងស្ទូចត្រីរបស់ប្រជាពលរដ្ឋ ក្នុងម្នាក់ៗមានដងសន្ទូច២ទៅ៣ដើម។
ប្រជាពលរដ្ឋបានបញ្ជាក់ថា ស្ទូចត្រីនៅដងស្ទឹងសិរីសោភ័ណ បានរយៈពេល២ទៅ៣ថ្ងៃមកហើយនៅពេលទឹកជំនន់បានស្រកជាបណ្តើៗ ហើយស្ទូចបានត្រីជាត្រីឆ្លាំង ត្រីស ត្រីរៀល និងត្រីក្អែក ក្នុងម្នាក់ៗ១ថ្ងៃអាចស្ទូចបានត្រីគ្រាន់តែបានធ្វើម្ហូបមិនចាំបាច់ទិញផ្សារ ។
ប្រជាពលរដ្ឋបានបញ្ជាក់ទៀតថា នៅពេលមកស្ទូចត្រី មានបងប្អូនប្រជាពលរដ្ឋខ្លះបាននាំទាំងគ្រួសារជិះរថយន្តមកស្ទូចត្រីជាលក្ខណៈគ្រួសារនៅពេលអង្គុយស្ទូចត្រីបណ្តើរ និងអង្គុយមើលទេសភាព និងអាកាសធាតុធម្មជាតិ អ្នកខ្លះដាក់កៅអី ប៉ៅអ៊ី មកអង្គុយស្ទូចត្រីនិងហូបចុកជាបណ្តើរៗនៅចំណុចក្បាលស្ពានត្រើយខាងលិចផ្នែកខាងជើងជាប់មាត់ស្ទឹងមានចាក់បេតុផ្លូវជាប់មាត់ស្ទឹងបងប្អូនមកស្ទូចត្រីបណ្តើៗនិងមកអង្គុយកំសាន្តពិតជាស្រោះស្រាយ ៕
ចែករំលែកព័តមាននេះ