ខេត្តស្ទឹងត្រែង ៖ កម្លាំងនគរបាលព្រហ្មទណ្ឌនៃអធិការដ្ឋាននគរបាលស្រុកស្នួល សហការជាមួយកម្លាំងប៉ុស្ដិ៍នគរបាលរដ្ឋបាលស្នួល បានធ្វើការនាំខ្លួនក្មេងទំនើងចំនួន០២នាក់ កាលពីរសៀលថ្ងៃទី២៤ ខែតុលា ឆ្នាំ២០២៣ ក្រោយថតវីដេអូកាន់ដាវបង្ហោះលើបណ្ដាញសង្គមហ្វេសបុក ។…
ខេត្តស្ទឹងត្រែង ៖ កម្លាំងនគរបាលព្រហ្មទណ្ឌនៃអធិការដ្ឋាននគរបាលស្រុកស្នួល សហការជាមួយកម្លាំងប៉ុស្ដិ៍នគរបាលរដ្ឋបាលស្នួល បានធ្វើការនាំខ្លួនក្មេងទំនើងចំនួន០២នាក់ កាលពីរសៀលថ្ងៃទី២៤ ខែតុលា ឆ្នាំ២០២៣ ក្រោយថតវីដេអូកាន់ដាវបង្ហោះលើបណ្ដាញសង្គមហ្វេសបុក ។
នគរបាលអោយក្មេងទំនើងខាងលើ ទី១-ឈ្មោះជ្រេន សុខហៃ ភេទប្រុស អាយុ១៥ឆ្នាំ រស់នៅភូមិព្រែកក្ដី ឃុំស្នួល ស្រុកស្នួល ខេត្តក្រចេះ ជាម្ចាស់ Account ហ្វេសបុកឈ្មោះ Mey X You ។ ទី២-ឈ្មោះ ម៉យ លីតា ភេទប្រុស អាយុ១៦ឆ្នាំ រស់នៅភូមិស្នួលលិច ឃុំស្នួល ស្រុកស្នួល ខេត្តក្រចេះ ជាអ្នកថតវីដេអូ និង៣-ឈ្មោះ ណាន់ សុខន ភេទប្រុស អាយុ១៨ឆ្នាំ រស់នៅភូមិស្នួលលិច ឃុំស្នួល ស្រុកស្នួល ខេត្តក្រចេះ ជាអ្នកកាន់ដាវ (រត់គេចខ្លួន)។
ពាក់ព័ន្ធនឹងករណីខាងលើ សមត្ថកិច្ចបានឃាត់ខ្លួនពួកគេក្រោយថតវីដេអូបង្ហោះលើបណ្ដាញសង្គមហ្វេសបុកផេក Mey X You ដែលមានខ្លឹសារថា៖ «ជិះចូលស្នួលវត្តជិះអោយស្លូតទៅ ប្រយ័ត្នគ្រាប់ជំពាមហោះ បំណងល្អពីអញ Liat»កាលពីថ្ងៃទី២៣ ខែតុលា ឆ្នាំ២០២៣ ដោយក្នុងវីដេអូនោះ មានកាន់ដាវចំនួន០១ដើមផងដែរ ។
បច្ចុប្បន្ន ក្មេងទំនើងទាំង០២នាក់ខាងលើ ត្រូវបានសមត្ថកិច្ចធ្វើការអប់រំណែនាំចុះកិច្ចសន្យាឱ្យបញ្ឈប់ការបង្ហោះលើបណ្ដាញសង្គមហ្វេសប៊ុកនូវរាល់សកម្មភាពទំនើង ការគំរាមកំហែង បង្កការភ័យខ្លាច ធ្វើឲប៉ះពាល់ដល់សន្តិសុខ សណ្តាប់សង្គមតទៅទៀត រួចបានអនុញ្ញាតឱ្យអាណាព្យាបាលធ្វើលិខិតធានាត្រឡប់ទៅលំនៅដ្ឋានវិញ ដើម្បីណែនាំអបរំបន្ត ៕
ចែករំលែកព័តមាននេះ