រាជធានីភ្នំពេញ ៖ ស្ត្រីជនជាតិវៀតណាមម្នាក់ត្រូវកម្លាំងប៉ូលិសប៉ុស្តិ៍ស្វាយប៉ាក ខណ្ឌឫស្សីកែវ ចាប់ខ្លួនកាលពីវេលាម៉ោង៩និង៣០នាទីយប់ថ្ងៃទី១៨ ឧសភា ២០១១ ខណៈធ្វើសកម្មភាពដើរលក់ថ្នាំញៀននៅក្នុងភូមិលូ សង្កាត់ស្វាយប៉ាក ខណ្ឌឫស្សីកែវ ហើយសមត្ថកិច្ចដកហូតបានថ្នាំញៀនប្រភេទយ៉ាម៉ាចំនួន៣គ្រាប់ និងម៉ាទឹកកកចំនួន៣កញ្ចប់តូច
រាជធានីភ្នំពេញ ៖ ស្ត្រីជនជាតិវៀតណាមម្នាក់ត្រូវកម្លាំងប៉ូលិសប៉ុស្តិ៍ស្វាយប៉ាក ខណ្ឌឫស្សីកែវ ចាប់ខ្លួនកាលពីវេលាម៉ោង៩និង៣០នាទីយប់ថ្ងៃទី១៨ ឧសភា ២០១១ ខណៈធ្វើសកម្មភាពដើរលក់ថ្នាំញៀននៅក្នុងភូមិលូ សង្កាត់ស្វាយប៉ាក ខណ្ឌឫស្សីកែវ ហើយសមត្ថកិច្ចដកហូតបានថ្នាំញៀនប្រភេទយ៉ាម៉ាចំនួន៣គ្រាប់ និងម៉ាទឹកកកចំនួន៣កញ្ចប់តូច។
ស្ត្រីជនជាតិវៀតណាមដែលត្រូវចាប់ខ្លួន ឈ្មោះវ៉ិច ឡា ហៅចាន់ណា អាយុ៤០ឆ្នាំ មានទីលំនៅផ្ទះជួល ក្រុមទី៩ ភូមិលូ សង្កាត់ស្វាយប៉ាក ខណ្ឌឫស្សីកែវ ។ តាមសមត្ថកិច្ចប៉ូលិសស្វាយប៉ាក បានឱ្យដឹងថា នៅយប់ថ្ងៃចាប់ខ្លួន កម្លាំងសមត្ថកិច្ចបានជិះម៉ូតូល្បាតនៅក្នុងមូលដ្ឋានប្រទះឃើញស្ត្រីជនជាតិវៀតណាមរូបនេះរួមទាំងបុរសចំនួន២នាក់ទៀត ស្ថិតក្នុងទីងងឹត ។
ពេលឃើញសមត្ថកិច្ច បុរសចំនួន២នាក់នោះបានគេចខ្លួនបាត់ នៅសល់តែស្ត្រីវៀតណាមម្នាក់ប៉ុណ្ណោះ ហើយសមត្ថកិច្ចក៏ឃាត់ខ្លួនស្ត្រីនោះធ្វើការត្រួតពិនិត្យរកឃើញគ្រឿងញៀន ហើយឃាត់ខ្លួនតែម្តង។ តាមសមត្ថកិច្ចឱ្យដឹងទៀតថា នៅមុនពេលចាប់ខ្លួន ស្ត្រីជនជាតិវៀតណាមរួមទាំងបក្សពួកកំពុងតែលក់គ្រឿងញៀន ៕
ចែករំលែកព័តមាននេះ