ADផ្ទាំងផ្សព្វផ្សាយពាណិជ្ជកម្ម

Picture

ប្រធានគណបក្សភ្លើងទៀន ខេត្តកំពង់ស្ពឺ ប្រកាសលាលែង និងស្នើសុំ​ចូលរួមជីវភាព​នយោបាយ​​ជាមួយគណបក្ស​ប្រជាជនកម្ពុជា

7 ខែ មុន
  • ភ្នំពេញ

ភ្នំពេញ៖ ​លោក ទី ប៊ុនថេង ប្រធានប្រតិបត្តិគណបក្សភ្លើងទៀន ខេត្តកំពង់ស្ពឺ នៅថ្ងៃទី២៣ ខែតុលា ឆ្នាំ២០២៣ នេះ…

ភ្នំពេញ៖ ​លោក ទី ប៊ុនថេង ប្រធានប្រតិបត្តិគណបក្សភ្លើងទៀន ខេត្តកំពង់ស្ពឺ នៅថ្ងៃទី២៣ ខែតុលា ឆ្នាំ២០២៣ នេះ បានប្រកាសលាលែងពីតំណែង និងសមាជិកភាព នៅក្នុងគណបក្សភ្លើង​ទៀន ហើយលោក រួមទាំងថ្នាក់ដឹកនាំបក្សប្រឆាំងច្រើនរូបទៀត បានស្នើសុំសម្ដេចតេជោ ហ៊ុន សែន ដើម្បីចូលរួមជីវភាពនយោបាយ ជាមួយគណបក្សប្រជាជនកម្ពុជា។

ការប្រកាសលាលែងពីបក្សភ្លើងទៀត ត្រូវបាន​លោក ទី ប៊ុនថេង លើកឡើងក្នុងខ្លីបវិដេអូ ដែលបណ្ដាញព័ត៌មាន Fresh News បង្ហោះនៅយប់ថ្ងៃទី២៣ ខែតុលា ឆ្នាំ២០២៣​ នេះ។

លោក ទី ប៊ុនថេង បានបញ្ជាក់ថា ការសម្រេចចិត្តរបស់លោកបែបនេះ គឺដោយសារតែលោក បានមើលឃើញថា ក្រោមការដឹកនាំរបស់សម្ដេចតេជោ ប្រទេសកម្ពុជា ទទួលបានសុខសន្តិភាព និងការអភិវឌ្ឍឥតឈប់ឈរ។

ប្រធានប្រតិបត្តិគណបក្សភ្លើងទៀន ខេត្តកំពង់ស្ពឺ លោក ទី ប៊ុនថេង ក៏បានបកអាក្រាតអំពី​អំពើពុករលួយរបស់មេដឹកនាំគណបក្សភ្លើងទៀនមួយចំនួន ការប្រកាន់បក្ខពួកនិយម ហើយពុំបានផ្ដល់តម្លៃឲ្យអ្នកតស៊ូជាមួយខ្លួនឡើយ។

សេចក្តីសម្រេច ស្តីពី ការតែងតាំង លោក ទី ប៊ុនថេង ជាប្រធាន​គណៈកម្មាធិការប្រតិបត្តិ​គណបក្ស ភ្លើងទៀន ខេត្តកំពង់ស្ពឺ បានធ្វើឡើង កាលពីថ្ងៃទី១៩ ខែមករា ឆ្នាំ២០២២ ចុះហត្ថលេខា​ដោយលោក ថាច់ សេដ្ឋា ប្រធានស្តីទី​គណបក្សភ្លើងទៀន៕

អត្ថបទសរសេរ ដោយ

កែសម្រួលដោយ