អ៊ីស្រាអែលប្រកាសវា.យប្រហារខ្លាំងលើហ្គាហ្សាចាប់ពីថ្ងៃទី២១ តុលា តទៅ
សង្គ្រាមអ៊ីស្រាអែល-ប៉ាឡេស្ទីន ៖ ការវាយលុករបស់អ៊ីស្រាអែលប្រឆាំងក្រុមហាម៉ាស់ អាចឈានចូល
សង្គ្រាមអ៊ីស្រាអែល-ប៉ាឡេស្ទីន ៖ ការវាយលុករបស់អ៊ីស្រាអែលប្រឆាំងក្រុមហាម៉ាស់ អាចឈានចូលដល់ដំណាក់កាលថ្មីមួយ។ នាថ្ងៃទី២១តុលាកងទ័ពអ៊ីស្រាអែលប្រកាសថា ខ្លួននឹងបង្កើនការវាយប្រហាសតាមអាកាសនិងការបាញ់ផ្លោងលើជ្រោយហ្គាហ្សាចាប់ពីថ្ងៃនេះទៅ។
អ្នកនាំពាក្យកងទ័ពអ៊ីស្រាអែលឧត្ដមសេនីយដានីញ៉ែល ហាហ្គារី ថ្លែងថា ការវាយប្រហារបែបនេះជាការរៀបចំការវាយលុកតាមជើងគោកចូលហ្គាហ្សា ត្រួតត្រាដោយក្រុមហាម៉ាស់ប៉ាឡេស្ទីន។ ចាប់ពីថ្ងៃទី២១តុលាទៅយើងនឹងបង្កើនការវាយប្រហារលើជ្រោយហ្គាហ្សា។ យើងឈានចូលដំណាក់កាលថ្មីនៃសង្គ្រាម។ ក្នុងសន្និសីទសារព័ត៌មានមួយផ្សាយតាមទូរទស្សន៍ ឧត្ដមសេនីយរូបនេះក៏អះអាងផងដែរពីវត្តមានចំណាប់ខ្មាំងយ៉ាងតិច២១០នាក់នៅហ្គាហ្សា ភាគច្រើនជាជនជាតិអ៊ីស្រាអែល។ តាមព័ត៌មាននានាថា ចំណាប់ខ្មាំងទាំងនេះហាក់នៅមានសន្តិសុខដោយពួកហាម៉ាស់លើកឡើងថា ចំណាប់ខ្លាំងនឹងត្រូវដោះលែងបើអ៊ីស្រាអែលឈប់វាយប្រហារលើហ្គាហ្សា។
អ្នកទទួលខុសត្រូវយោធាអ៊ីស្រាអែលច្រើនរូប នាថ្ងៃទី២១តុលាបានទៅសាកសួរសុខទុក្ខកងទាហាននៅព្រំដែនជាមួយហ្គាហ្សា ដោយលើកពីការរៀបចំការវាយលុកតាមជើងគោកចូលហ្គាហ្សាក្នុងពេលឆាប់ៗ។ នាយសេនាធិការកងទ័ពអ៊ីស្រាអែល ឧត្ដមសេនីយហ័រហ្សុីហាឡឹវីថ្លែងថា យើងនឹងវាយលុកចូលហ្គាហ្សា ដើម្បីកម្ទេចបណ្ដាហេដ្ឋារចនាសម្ព័ន្ធនិងពួកភេរវករក្រុមហាម៉ាស់។ យើងនឹងធ្វើប្រតិបត្តិការនោះដោយវិជ្ជាជីវៈ។
អង្គការ៥របស់អ.ស.ប មានអង្គការសុខភាពពិភពលោក យូនីសេវ PAM និងមូលនិធិ់អ.ស.បសម្រាប់ប្រជាជន ព្រមទាំងកម្មវិធីអ.ស.បសម្រាប់ការអភិវឌ្ឍ បានចេញការប្រកាសអាសន្នពីសភាពការណ៍មនុស្សធម៌ប្រកបដោយគ្រោះមហន្តរាយនៅហ្គាហ្សា។ បណ្ដាមន្ទីរពេទ្យពេញណែនតាន់តាប់ដោយអ្នករបួសហើយចំនួនកុមារដែលស្លាប់កើនកាន់តែច្រើន៕
ចែករំលែកព័តមាននេះ