ខេត្តកណ្តាល ៖ បុរសជាជាងធ្វើចេតិយម្នាក់បានដេកស្លា.ប់នៅក្នុងរថយន្តម៉ាកឡង់គ្រីស្ស័រ ពណ៌ត្រេអ៊ី ពាក់ស្លាកលេខខេមរភូមិន្ទ ០២-២-៥៣០៩ បិទឡូហ្គោអគ្គបញ្ជាការឈប់ចតនៅខាងមុខចេតិយដែលកំពុងសាងសង់។ បុរសនោះត្រូវបានជាងធ្វើការជាមួយគ្នាទៅហៅទើបដឹងថា ស្លា.ប់កាលពីវេលាម៉ោង១២ថ្ងៃត្រង់ ថ្ងៃទី១៨ ឧសភា
ខេត្តកណ្តាល ៖ បុរសជាជាងធ្វើចេតិយម្នាក់បានដេកស្លាប់នៅក្នុងរថយន្តម៉ាកឡង់គ្រីស្ស័រ ពណ៌ត្រេអ៊ី ពាក់ស្លាកលេខខេមរភូមិន្ទ ០២-២-៥៣០៩ បិទឡូហ្គោអគ្គបញ្ជាការឈប់ចតនៅខាងមុខចេតិយដែលកំពុងសាងសង់។ បុរសនោះត្រូវបានជាងធ្វើការជាមួយគ្នាទៅហៅទើបដឹងថា ស្លាប់កាលពីវេលាម៉ោង១២ថ្ងៃត្រង់ ថ្ងៃទី១៨ ឧសភា នៅខាងមុខចេតិយកំពុងសាងសង់ក្នុងទីធ្លាវត្តបទុមសាគរ នៅវត្តក្របៅ ស្ថិតនៅភូមិព្រែកតាពៅ សង្កាត់ដើមមៀន ក្រុងតាខ្មៅ ។
ក្រោយពីកើតហេតុ ប៉ូលិសបច្ចេកទេសខេត្ត និងគ្រូពេទ្យបានចុះទៅពិនិត្យលើសាកសពសន្និដ្ឋានជាជំហានដំបូងថា ស្លាប់ដោយសារមានជាតិពុលហើយជនរងគ្រោះបានស្លាប់តាំងពីជាង១០ម៉ោងមុនពេលគេដឹង ។ បុរសឈ្មោះវង់ដួង តារា៉វិវឌ្ឍន៍ អាយុ៣៩ឆ្នាំ ជាមេជាងសាងសង់ចេតិយ និងជាកូនប្រសារបស់ម្ចាស់ចេតិយ និងជាអ្នកបើកបររថយន្តនោះរស់នៅសង្កាត់ទួលស្វាយព្រៃទី២ ខណ្ឌចំការមន រាជធានីភ្នំពេញ ។ បុរសនោះ បានប្រាប់ឱ្យដឹងថា ជនរងគ្រោះជាអ្នកធ្លាប់ស្គាល់គ្នាឈ្មោះឃាង មិនស្គាល់ត្រកូលទេ អាយុប្រហែល៣២ឆ្នាំ នៅខេត្តកំពង់ចាម ។ តាមព័ត៌មានពីមន្ត្រីប៉ូលិសព្រហ្មទណ្ឌក្រុងតាខ្មៅ និងប៉ូលិសខេត្តដែលចុះទៅពិនិត្យកន្លែងកើតហេតុនិយាយថា យើងមិនទាន់សន្និដ្ឋានពីមូលហេតុដែលជនរងគ្រោះស្លាប់ច្បាស់លាស់នៅឡើយ ហើយមានការសង្ស័យថា អាចស្លាប់នៅកន្លែងផ្សេងដោយមូលហេតុអ្វីមួយ ហើយគេដឹកជនរងគ្រោះយកមក ទីនោះ ព្រោះចម្លើយរបស់អ្នកបើកបររថយន្តហាក់ដូចជាមិនច្បាស់លាស់ ហើយត្រូវបាននាំមកសាកសួរបន្តនៅ អធិការដ្ឋាននគរបាលក្រុងតាខ្មៅ ។
បើតាមការបំភ្លឺរបស់អ្នកបើកបរ និងជាមេជាងធ្វើចេតិយឈ្មោះវង់ដួង តារ៉ាវិវឌ្ឍន៍ ប្រាប់ប៉ូលិសនៅកន្លែងកើតហេតុថា ខ្លួននិងជនរងគ្រោះ ព្រមទាំងជាងម្នាក់ទៀតបានជិះរថយន្តជាមួយគ្នាពីភ្នំពេញមកកន្លែងធ្វើចេតិយនៅម៉ោងប្រហែល១២យប់ ថ្ងៃ ទី១៧ ឧសភា ដើម្បីមកចាំទទួលគ្រឿងសំណង់ហើយសម្រាកនៅក្នុងរថយន្តជាមួយគ្នាទាំង៣នាក់ ។ ដោយសារតែអត់ងងុយពីយប់សំរាន្តលង់លក់រហូតដល់ម៉ោង១០ព្រឹក ទើបភ្ញាក់ ចំណែកឈ្មោះឃាង ជាជនរងគ្រោះមិនទាន់ភ្ញាក់ គឺសំរាន្តនៅក្នុងរថយន្តរហូតដល់ម៉ោង១២ថ្ងៃត្រង់ កូនជាងម្នាក់ទៀតចូលទៅដាស់ទើបដឹងថា ស្លាប់រឹងស្តូកទៅហើយនៅក្នុងរថយន្ត ។ ឈ្មោះវង់ដួង តារ៉ាវិវឌ្ឍន៍ បានបន្តថា ជនរងគ្រោះ ទើបតែមកជួយធ្វើការឱ្យខ្លួនបានតែ៣ថ្ងៃប៉ុណ្ណោះ ដែលពីមុនជនរងគ្រោះ ធ្វើជាជាងពិតាន ដែលធ្លាប់ស្គាល់គ្នានៅក្រុងភ្នំពេញ ប៉ុន្តែមិនស្គាល់ស្រុកកំណើតទេ ។ ចំណែករថយន្តម៉ាឡង់គ្រីស្ស័រនោះខ្លួនបានខ្ចីមេរបស់ខ្លួន បម្រើការងារនៅអគ្គបញ្ជាការកងទ័ពជើងគោក ។
បើទោះបីជាបែបណាក្តីនេះ ជាចម្លើយរបស់ឈ្មោះវង់ដួង តារ៉ាវិវឌ្ឍន៍ ជាជំហានដំបូងតែប៉ុណ្ណោះ ដែលសមត្ថកិច្ចមានការសង្ស័យថា ជាចម្លើយមិនទាន់ជាផ្លូវការទេ ហើយសមត្ថកិច្ចបន្តសាកសួរតាមជំនាញទៀត ដើម្បីរកការពិត ថា បុរសនេះស្លាប់ដោយមូលហេតុអ្វី ។ ប៉ុន្តែបើតាមសាក្សីជាជាងធ្វើរបងនៅក្នុងវត្តនោះបាននិយាយថា គេបានឃើញរថយន្តម៉ាកឡង់គ្រីស្ស័រខាងលើបើកយ៉ាងលឿនចូលមកក្នុងវត្តនៅម៉ោងប្រហែល១១ថ្ងៃត្រង់ថ្ងៃកើតហេតុ គឺផ្ទុយពីចម្លើយម្ចាស់រថយន្ត ។ បច្ចុប្បន្នសាកសពត្រូវបានយកទៅកម្កល់ទុកនៅមន្ទីរពេទ្យជ័យជម្នះក្រុងតាខ្មៅ ដើម្បីរង់ចាំសាច់ញាតិមកទទួលយកទៅធ្វើបុណ្យតាមប្រពៃណី ៕
ចែករំលែកព័តមាននេះ