ADផ្ទាំងផ្សព្វផ្សាយពាណិជ្ជកម្ម

Picture

រក​លុយ​បាន ២៥០ ដុល្លារ ក្នុង​មួយ​ថ្ងៃ ជាមួយ​ម៉ូតូ​មួយ​គ្រឿង និង​ឧបករណ៍​ឆុង​កាហ្វេ​តម្លៃ​៣០០​ដុល្លារ

7 ខែ មុន
  • ភ្នំពេញ

គេ​ហ្វា ឬ KeFa ស្តាប់​មើលទៅ​ជា​រឿង​គួរ​អោយ​ចង់​សើច​មួយ​។ វា​ជា​ពាក្យ​និយាយ​ត្រឡប់ មាន​ន័យ​ថា កាហ្វេ​។ គេ​ហ្វា គឺជា​ឈ្មោះ​ហាង​កាហ្វេ​តាម​ចិញ្ចើម​ផ្លូវ​មួយ​កន្លែង បង្កើត​ឡើង ដោយ​យុវជន​សម្បុរ​សណ្តែកបាយ​ម្នាក់ ដែល​សម្រេចចិត្ត​ចាប់ផ្តើម​អាជីវកម្ម​នេះ ក្រោយ​ពេល

គេ​ហ្វា ឬ KeFa ស្តាប់​មើលទៅ​ជា​រឿង​គួរ​អោយ​ចង់​សើច​មួយ​។ វា​ជា​ពាក្យ​និយាយ​ត្រឡប់ មាន​ន័យ​ថា កាហ្វេ​។ គេ​ហ្វា គឺជា​ឈ្មោះ​ហាង​កាហ្វេ​តាម​ចិញ្ចើម​ផ្លូវ​មួយ​កន្លែង បង្កើត​ឡើង ដោយ​យុវជន​សម្បុរ​សណ្តែកបាយ​ម្នាក់ ដែល​សម្រេចចិត្ត​ចាប់ផ្តើម​អាជីវកម្ម​នេះ ក្រោយ​ពេល​ដែល​អាជីព​ជំនាញ​មាន​បញ្ហា ។

លោក រស់ សុវណ្ណ​បុរី ជា​អ្នក​ថតរូប​អាជីព​ម្នាក់ បាន​អះអាង​ថា លោក​បាន​ចាប់ផ្តើម​អាជីព​នេះ​កាលពី​ខែមេសា ឆ្នាំ​២០២៣​នេះ ដោយ​ប្រើប្រាស់​ម៉ូតូ​ដែល​លោក​បាន​ប្រើ គឺ​វេស្ប៉ា ជាមួយនឹង​ឧបករណ៍​កិន និង​ឆុង​កាហ្វេ​ដោយ​ដៃ តម្លៃ​ត្រឹមតែ ៣០០ ដុល្លារ​ប៉ុណ្ណោះ ។

នៅ​លើ​ចិញ្ចឹម​ផ្លូវ​ខាង​មុខ​សកល​វិទ្យាល័យ​ភូមិន្ទ​ភ្នំពេញ ហាង​កាហ្វេ​ដែល​ដំណើរការ​ដោយសារ​តែ​ម៉ូតូ​តម្លៃ​៤០០០​ដុល្លារ និង​សម្ភារៈ​ឆុង​ដ៏​សាមញ្ញ បាន​ធ្វើ​អោយ​លោក រស់ សុវណ្ណ​បុរី សម្រេច​នូវ​ក្តី​ប្រាថ្នា​នៃ​គំនិត​ច្នៃប្រឌិត​បង្កើត​ឡើងជា​មួយ​រូបភាព​ថ្មី នៃ​វិស័យ​កាហ្វេ​។

លោក រស់ សុវណ្ណ​បុរី បាន​កែ​ច្នៃ និង​ធ្វើ​ទំនើប​កម្ម​នៃ​អាជីវកម្ម​មួយ ទទួល​បានការ​ចាប់អារម្មណ៍​ពី​សំណាក់​អតិថិជន ភ្ញៀវ​ទេសចរ និង​យុវជន​ខ្មែរ​ជា​ច្រើន​រូប​។

លោក រស់ សុវណ្ណ​បុរី បានអោយ​ដឹង​ពី​ដំណើរ​ដើមទង​នៃ​ការ​ចាប់ផ្តើម​កូន​ហាង​តូច​មួយ​របស់​ខ្លួន មុន​នឹង​ឈាន​ទៅ​ដល់​ការ​កែ​ច្នៃ​ជា​ហាង​លក់ដូរ​ពេញលេញ​ជា​បន្តបន្ទាប់​។

ទាក់ទិន​ទៅ​នឹង​គំនិត​ច្នៃប្រឌិត​ខាងលើ លោក រស់ សុវណ្ណ​បុរី បានអោយ​ដឹង​ថា «​ដោយសារ តែ​ខ្ញុំ​ជា Photographer (​អ្នក​ថតរូប​) នៅ​ខែវស្សា​នេះ ខ្ញុំ​ទំនេរ​ច្រើន ហើយ​ជីវភាព​ក៏​មានការ​ខ្វះខាត​ខ្លះ ក៏​នឹកឃើញ​បង្កើត​មុខរបរ​ដ៏​តូច ហើយ​សាមញ្ញ​មួយ តែ​វា​អាច​រក​ចំណូល​ប្រចាំ​ថ្ងៃ​បាន​គួរសម​ដែរ​»​។

លោក រស់ សុវណ្ណ​បុរី បន្ត​ថា លោក​មានគំនិត​ក្នុង​ការ​បង្កើត​មុខរបរ​ខាងលើ​នេះ រយៈពេល​ជិត​២​ឆ្នាំ ដោយ​ផ្តោត​លើ​ផ្នែក​សេវាកម្ម​កាហ្វេ​រសជាតិ​ដើម និង​កែ​ច្នៃ​បន្តិចបន្តួច ។ ហើយ​នៅ​ពេលទំនេរ​នេះ លោក​ក៏​បាន​យក​ម៉ូតូ​ទៅ​កែ​ច្នៃ​ទៅ​ជា slow bar ហើយ​លក់​កាហ្វេ​នេះ​តែ​ម្តង​។

លោក រស់ សុវណ្ណ​បុរី បាន​បន្ថែម​ថា ក្នុង​ឆ្នាំ​២០២៣ លោក​មើលឃើញ​ទស្សនវិស័យ ក៏​ដូច​ជា​ការ​លើក​ស្ទួយ​ការ​លក់ដូរ​នៃ​អាជីវកម្ម​តិចតួច​នៅ​តាម​ដងផ្លូវ នៅ​ក្នុង​ប្រទេស​កម្ពុជា អោយ​ដូច​ជា​ប្រទេស​ជិតខាង​របស់​យើង​។

លោក រស់ សុវណ្ណ​បុរី បានអោយ​ដឹង​ថា ទាក់ទិន​នឹង​ការ​រកស៊ី​នេះ លោក​មិន​លក់​អចិន្ត្រៃយ៍​នោះ​ទេ ពោល​គឺ​នៅ​ពេល​លោក​រវល់​ក្នុង​ការ​ធ្វើ​គម្រោង​លោក​ក៏​សម្រាក​ដែរ​។

លោក​បាន​បញ្ជាក់​ថា «​តាម​ពិត​ខ្ញុំ​ចង់​លក់​តែ​ថ្ងៃ​សុក្រ​ដល់​ថ្ងៃ​អាទិ​ត្រ​ទេ តែ​ដោយសារ​ខ្ញុំ​លក់​មួយ​ប្រាវ​នេះ មាន​ខាង​សិស្សសាលា អ្នកធ្វើការ ក៏​សំណូមពរ​អោយ​ខ្ញុំ​លក់​រាល់ថ្ងៃ​ទៅ តែ​ពេល​ខ្លះ​ក៏​ឈប់​»​។

អ្នក​ថតរូប​អាជីព​រូប​នេះ បាន​បន្ថែម​ថា អតិថិជន​ដែល​មក​បញ្ជា​ទិញ​កាហ្វេ​របស់​លោក​ត្រូវ​រង់ចាំ​បន្តិច ដោយសារ​តែ​កាហ្វេ​ឆុង​ភ្លាម​ៗ និង​កិន​ដោយ​កម្លាំង​ដៃ​មនុស្ស​ធ្វើ​អោយ​មាន​ភាព​យឺតយ៉ាវ​បន្តិចបន្តួច​ប៉ុណ្ណោះ​។

ចំពោះ​ការ​លក់ លោក​បន្ត​ថា ហាង​របស់​លោក​អាច​លក់​កាហ្វេ​បាន​ចន្លោះ​ចាប់ពី​១៥០​ទៅ​២០០​កែវ​ក្នុង​១​ថ្ងៃ ដោយ​ភេសជ្ជៈ​ទាំងនោះ​មាន​តម្លៃ​៥០០០​រៀល​ក្នុង​មួយ​កែវ​។ ដូច្នេះ លោក អាច​រក​លុយ​បាន​រហូត​ដល់ ២៥០ ដុល្លារ ក្នុង​មួយ​ថ្ងៃ​។

បច្ចុប្បន្ន​ក្រៅពី​កាហ្វេ​កែ​ច្នៃ​មួយ​នេះ យុវជន​រូប​នេះ​ក៏​តែងតែ​កែ​ច្នៃ​ភេសជ្ជៈ​តាម​រដូវ​កាល​ផង​ដែរ​។ ចំណែកឯ​អតិថិជន​របស់​លោក​វិញ ភាគច្រើន​គឺ​យុវវ័យ​ដែល​គាត់​មក​ទទួលទាន​កាហ្វេ អ្នកធ្វើការ និង​ភ្ញៀវ​ទេសចរ​។

ដោយ ៖ ស​.​ផានិត

អត្ថបទសរសេរ ដោយ

កែសម្រួលដោយ