ថៃលុបចោលការប្រកាសអាសន្នក្នុងស្រុកមួយចំនួនទៀតនាភាគខាងត្បូងប្រទេស
ប្រទេសថៃ ៖ ថៃពេលនេះបានលុបចោលការប្រកាសអាសន្នក្នុងស្រុកមួយចំនួនទៀតនៃបណ្ដាខេត្ត
ប្រទេសថៃ ៖ ថៃពេលនេះបានលុបចោលការប្រកាសអាសន្នក្នុងស្រុកមួយចំនួនទៀតនៃបណ្ដាខេត្ត
ប្រទេសថៃ ៖ ថៃពេលនេះបានលុបចោលការប្រកាសអាសន្នក្នុងស្រុកមួយចំនួនទៀតនៃបណ្ដាខេត្តនៅភាគខាងត្បូងប្រទេស ដែលរងការប៉ះពាល់ដោយការបះបោរមូស្លីម។
ខេត្តទាំងនោះមានខេត្តយ៉ាឡា ប៉ាតានីនិងណារ៉ាធីវ៉ាត់ ស្ថិតនៅចុងខាងត្បូងប្រទេសជាប់ព្រំដែនជាមួយម៉ាឡេស៊ី ដែលបច្ចុប្បន្នជាទីលាននៃជម្លោះបណ្ដាលមកពីបណ្ដាក្រុមប្រដាប់អាវុធមូស្លីម។ ការបះបោរនោះបណ្ដាលឲ្យមនុស្សស្លា.ប់ច្រើនពាន់នាក់រយៈពេល២០ឆ្នាំចុងក្រោយនេះ។ មានការរិះគន់នានាដែលថា ការប្រកាសអាសន្នក្នុងខេត្តទាំងនោះ នាំឲ្យមានការរំលោភបំពានដល់សិទ្ធិមនុស្ស។
ថៃដែលប្រជាជនភាគច្រើនកាន់ព្រះពុទ្ធសាសនា បានចេញការប្រកាសអាសន្នក្នុងខេត្ត៣នាចុងខាងត្បូងប្រទេស តាំងពីឆ្នាំ២០០៥មក គឹ១ឆ្នាំបន្ទាប់ពីរលកនៃការបះបោរដែលចេះតែបន្ត។ ក្នុងខេត្តទាំង៣នោះជនជាតិភាគតិចម៉ាឡេមានភាគច្រើន។ ការប្រកាសអាសន្នអាចឲ្យកងកម្លាំងសន្តិសុខចាប់ឃុំខ្លួនបណ្ដាជនសង្ស័យ ដោយមិនចាំបាច់មានការចោទប្រកាន់ ដល់រយៈពេល៣០ថ្ងៃនិងផ្ដល់អភ័យឯកសិទ្ធិដល់បុគ្គលិកសន្តិសុខ តាមដានគ្រប់សកម្មភាព។
ការប្រកាសអាសន្ននោះក៏អនុញ្ញាតផងដែរឲ្យត្រួតពិនិត្យលើបណ្ដាព័ត៌មានដែលចេញផ្សាយ។ ច្រើនឆ្នាំកន្លងមកនេះថៃបានលុបចោលការប្រកាសអាសន្នក្នុងស្រុក១០នៃខេត្តទាំង៣ ហើយពេលនេះលុបចោលក្នុងស្រុក៣បន្ថែម គឺ១ខេត្តស្រុក១ថែមទៀតសម្រេចក្រោយកិច្ចប្រជុំមួយកាលពីថ្ងៃទី១៦តុលា ដោយសារអំពើហិង្សាចេះតែសាបរលាប។ នេះបើតាមសេចក្ដីរាយការណ៍របស់លោករុតក្លាវអ៊ីនតាវង្សសុវណ្ណគីរី អ្នកនាំពាក្យរដ្ឋាភិបាល៕
ចែករំលែកព័តមាននេះ