ផឹកស៊ីជុំគ្នា ពេលស្រវឹងទាស់ពាក្យសំដី ម្នាក់ទាញចបជីក ប្រល័យជីវិតមិត្តភក្តិម្នាក់ទៀតគ្មានអាសូរ
- កែប
ខេត្តកែប ៖ តាមសេចក្តីរាយការបឋមឲ្យដឹងថា កាលពីរវេលាម៉ោង២និង៣០នាទីរសៀលនៅថ្ងៃទី១៩
ខេត្តកែប ៖ តាមសេចក្តីរាយការបឋមឲ្យដឹងថា កាលពីរវេលាម៉ោង២និង៣០នាទីរសៀលនៅថ្ងៃទី១៩ តែតុលា ឆ្នាំ២០២៣ នៅភូមិអន្ទង់ស ឃុំពងទឹក ស្រុកដំណាក់ចង្អើរ ខេត្តកែប មានករណីឃា.តកម្មមួយ បង្កឡើងដោយក្រុមអ្នកផឹកស៊ី ទាស់ពាក្យសំដីគ្នា បណ្តាលឲ្យម្នាក់ស្លា.ប់បាត់បង់ជីវិត និងម្នាក់ត្រូវបានសមត្ថកិច្ចចាប់ខ្លួន ។
ជនរងគ្រោះឈ្មោះ ឃន នេន ភេទប្រុស អាយុ៣៧ឆ្នាំ មុខរបរជាអ្នកចាំចំការឲ្យគេ មានស្រុកកំណើតនៅភូមិជីកោ ឃុំរការខ្នួច ស្រុកត្បូងឃុំ ខេត្តត្បូងឃ្មុំ (ស្លា.ប់) ។ ជនដៃដល់ឈ្មោះ វុធ ម៉ៅ ភេទប្រុស អាយុ២៨ ឆ្នាំ មុខរបរ ក៏ជាអ្នកចាំចំការឲ្យគេដែរ មានស្រុកកំណើតនៅភូមិព្រៃប្រឡាយ ឃុំកណ្តោល ស្រុករមាសហែក ខេត្តស្វាយរៀង ។
សេចក្តីរាយការឲ្យដឹងទៀតថា នៅវេលាម៉ោងខាងលើ ជនសង្ស័យ និងជនរងគ្រោះបានសម្រាកពីការងារ ហើយក៏នាំគ្នាប្រមូលលុយកាក់បានបន្តិចបន្តួច យកទៅទិញស្រាផឹកដើម្បីកំដអារម្មណ៍ ។
ពេលផឹកស៊ីពួកគេក៏នាំគ្នាជជែកវែកញែករឿងរ៉ាវជាហូរហែរ មួយ សន្ទុះក៏ស្រវឹងទាន់ករៀងៗខ្លួន ពេលនោះម្នាក់ៗនិយាយលែងដឹងខុសត្រូវ ទើបមានទំនាស់ពាក្យសំដី និងឈ្លោះតាមរបៀបអ្នកផឹក ។
ជម្លោះបានរីករាលដាលកាន់តែខ្លាំង ធ្វើឲ្យជនសង្ស័យឈ្មោះ ឃន នេន ស្ទុះទៅទាញបានចបជីក វាយជនរងគ្រោះមិនដកដៃរហូតដល់ស្លាប់បាត់បង់ជីវិតនៅនឹងកន្លែង ខណៈជនដៃដល់កំពុងស្រវឹងជោគដែរនោះ សមត្តកិច្ចបានចុះទៅដល់ នឹងដាក់ខ្នោះដៃនាំទៅកាន់មូលដ្ឋានកងរាជអាវុធហត្ថស្រុកដំណាក់ចង្អើ ខេត្តកែប ដើម្បីធ្វើការសាកសួរ និងកសាងសំណុំរឿងបញ្ជូនទៅសាលាដំបូងតាមផ្លូវច្បាប់ ។ ចំណែកជនរងគ្រោះត្រូវបានលោកស្នង ការ នៃស្នងការដ្ឋាននគរបាលខេត្តកែប បញ្ជាទៅលោកអធិការនគរបាលស្រុក ឲ្យបង្កើតគណកម្មការរួមដើម្បីធ្វើកោសលវិច្ច័យ ត្រួតពិនិត្យសាកស.ព រួចប្រគល់ជូនក្រុមគ្រួសារ និងសាច់ញាតិជនរងគ្រោះយកទៅធ្វើបុណ្យតាមប្រពៃណី ៕
ចែករំលែកព័តមាននេះ