រាជធានីភ្នំពេញ ៖ លោកជំទាវបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលអមដំណើរដោយសមាជិក សមាជិកាកាកបាទក្រហមផងនោះបានអញ្ជើញទៅរាប់បាត្រព្រះសង្ឃចំនួន២.៦០០អង្គ កាលពីថ្ងៃទី១៨ ឧសភា នៅទីក្រុងកោះពេជ្រ ក្នុងពិធីបុណ្យវិសាខបូជា
រាជធានីភ្នំពេញ ៖ លោកជំទាវបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលអមដំណើរដោយសមាជិក សមាជិកាកាកបាទក្រហមផងនោះបានអញ្ជើញទៅរាប់បាត្រព្រះសង្ឃចំនួន២.៦០០អង្គ កាលពីថ្ងៃទី១៨ ឧសភា នៅទីក្រុងកោះពេជ្រ ក្នុងពិធីបុណ្យវិសាខបូជា។
ពិធីនេះរៀបចំធ្វើឡើងដោយរាជរដ្ឋាភិបាលកម្ពុជា ក្រោមការចាត់ចែងរបស់ក្រសួងធម្មការ និងសាសនា រួមសហការជាមួយគណៈសង្ឃនាយកនៃព្រះរាជាណាចក្រកម្ពុជា គឺជាព្រឹត្តិការណ៍បុណ្យរាប់បាត្រដ៏ធំមួយមិនធ្លាប់មាននៅកម្ពុជា។ ពិធីរាប់បាត្រនេះក៏មានសមាជិក សមាជិការាជរដ្ឋាភិបាល មន្ត្រីអ្នកមុខអ្នកការ និងពុទ្ធបរិស័ទចូលរួមយ៉ាងច្រើនកុះករផងដែរ។
ពិធីបុណ្យវិសាខបូជា គឺជាបុណ្យធំមួយក្នុងព្រះពុទ្ធសាសនាដែលធ្វើឡើងដើម្បីរំលឹកដល់ថ្ងៃព្រះពុទ្ធប្រសូត ថ្ងៃព្រះអង្គត្រាស់ដឹង និងថ្ងៃព្រះអង្គចូលបរិនិព្វាន ដែលថ្ងៃទាំង៣នេះសុទ្ធតែចំថ្ងៃពេញបូណ៌មី ក្នុងខែពិសាខទាំងអស់ ខុសតែឆ្នាំប៉ុណ្ណោះ ដូច្នេះហើយទើបអ្នកប្រាជ្ញក្នុងវិស័យព្រះពុទ្ធសាសនាបានចងក្រងទុកជាតំណរៀងមក។
បុណ្យវិសាខបូជា មិនមែនតែប្រទេសកម្ពុជាមួយទេ គឺប្រទេសនានាដែលកាន់ព្រះពុទ្ធសាសនា តែងតែប្រារព្ធធ្វើឡើងជារៀងរាល់ឆ្នាំ៕
ចែករំលែកព័តមាននេះ