ទឹកស្ទឹងព្រែកត្នោតកំពុងហក់ឡើង ប៉ុន្តែស្ថិតក្នុងការតាមដាន និងប្រុងប្រយ័ត្ន
- ភ្នំពេញ
រាជធានីភ្នំពេញ ៖ ស្ថានភាពទឹកស្ទឹងព្រែកត្នោតក្នុងភូមិសាស្ត្រខណ្ឌដង្កោ រាជធានីភ្នំពេញ នៅថ្ងៃទី
រាជធានីភ្នំពេញ ៖ ស្ថានភាពទឹកស្ទឹងព្រែកត្នោតក្នុងភូមិសាស្ត្រខណ្ឌដង្កោ រាជធានីភ្នំពេញ នៅថ្ងៃទី
រាជធានីភ្នំពេញ ៖ ស្ថានភាពទឹកស្ទឹងព្រែកត្នោតក្នុងភូមិសាស្ត្រខណ្ឌដង្កោ រាជធានីភ្នំពេញ នៅថ្ងៃទី១៨ ខែតុលា ឆ្នាំ២០២៣ បាននិងកំពុងមានការហក់ឡើងខ្លាំង ក្រោយមានការបើកទ្វារទឹកនៅតាមបណ្ដាស្ថានីយទំនប់ទឹកមួយចំនួននៅឯខេត្តកំពង់ស្ពឺរយៈពេលប៉ុន្មានថ្ងៃមកនេះ ។ បើតាមការឲ្យដឹងពីអាជ្ញាធរខណ្ឌដង្កោថា ថ្វីដ្បិតតែពេលនេះទឹកស្ទឹងកំពុងមានការការហក់ឡើងពិតមែន តែនៅពុំទាន់ដល់កម្រិតនៃការប្រកាសអាសន្ននៅឡើយទេ។ ខណៈនេះគឺកំពុងស្ថិតក្នុងការតាមដាននិងណែនាំឲ្យប្រជាពលរដ្ឋមានការប្រុងប្រយ័ត្ន ហើយអាជ្ញាធរបានត្រៀមទីកន្លែងសុវត្ថិភាពសម្រាប់សង្គ្រោះប្រជាពលរដ្ឋ នៅពេលកើតមានគ្រោះអាសន្នរួចរាល់ហើយ។
តាមប្រភពដដែលបានបញ្ជាក់ប្រាប់ថា គិតត្រឹមព្រឹកថ្ងៃទី១៨ ខែតុលា នៅស្ថានីយ៍ស្ពានទំនប់7មករាកំពង់ទួល នៅខាងមុខទ្វារទឹកមានកម្ពស់4,94ម៉ែត្រ (ខ្ពស់ជាងទំនប់បង្ហៀរ +0,14ម៉ែត្រ) មន្ត្រីដែលប្រចាំការនៅទីនោះបានបើកទ្វារធំដោះទឹកកម្ពស់4,5ម៉ែត្រ×4ទ្វារ ។ ចំណែកនៅខាងក្រោយទ្វារទឹកមានកម្ពស់7,75ម៉ែត្រ (កើនឡើង +1,35ម៉ែត្រធៀបម្សិលមិញ6,40ម៉ែត្រ) ដូច្នេះកម្ពស់ទឹកក្រោយទ្វារ7,00ម៉ែត្រ ស្ថានភាពបែបនេះស្ថិតក្នុងការតាមដាននិងប្រុងប្រយ័ត្ន ហើយធៀបកម្ពស់ទឹកទ្វារមុខ និងទ្វារក្រោយកម្ពស់ទឹកខុសគ្នា0,19ម៉ែត្រ។
ប្រជាពលរដ្ឋដែលរស់នៅជាប់ស្ទឹងព្រែកត្នោតបាននិយាយថា ទឹកស្ទឹងនេះបានជន់ឡើងរយៈពេល៣ថ្ងៃមកហើយ ប៉ុន្តែថ្ងៃទី១៨ ខែតុលា បានហក់ឡើងខ្លាំងជាង២ថ្ងៃមុន ហើយនេះគឺជាការទៀងទាត់មួយនៃទឹកស្ទឹង ដែលនៅរៀងរាល់ឆ្នាំឲ្យតែដល់ខែតុលា ទឹកតែងតែជន់ឡើងមិនដែលខានទេ។ប៉ុន្តែមានឆ្នាំខ្លះជន់ឡើងខ្លាំងរហូយក្លាយទៅជាទឹកជំនន់បណ្ដាលឲ្យលិចលង់លំនៅដ្ឋាន ផ្លូវថ្នល់ ក្រុមហ៊ុន រោងចក្រសហគ្រាស ផ្សារ សាលារៀន មន្ទីរពេទ្យ និងផ្ទៃដីស្រែរាប់ហិចតា និងនៅឆ្នាំខ្លះទៀតជន់លិចដែរតែលិចមិនធ្ងន់ធ្ងរនោះឡើយ គឺអាស្រ័យលើភ្លៀងធ្លាក់តិចឬច្រើននៅឯខាងភូមិសាស្ត្រខេត្តកំពង់ស្ពឺប៉ុណ្ណោះ។
តាមប្រភពខាងលើបានប្រាប់ឲ្យដឹងបន្តទៀតថា ដោយឡែកពួកគាត់ដែលជាអ្នករស់នៅតំបន់នោះច្រើនឆ្នាំមកហើយបានស៊ាំទៅនិងរឿងនេះអស់ហើយ ព្រោះធ្លាប់ជួបរាល់ឆ្នាំ ម្យ៉ាងទៀតពួកគាត់បានត្រៀមខ្លួនរួចជាស្រេចក្នុងការជម្លៀសខ្លួនចេញក្នុងពេលទឹកហូរចូលជន់លិចលំនៅដ្ឋាន ។មិនតែប៉ុណ្ណោះក៏បានត្រៀមខ្លួនអនុវត្តន៍តាមការណែនាំនិងការរៀបចំរបស់អាជ្ញាធរសង្កាត់ ខណ្ឌគ្រប់ពេលផងដែរ ដើម្បីចៀសវាងឲ្យបាននូវគ្រោះថ្នាក់ជាយថាហេតុដោយប្រការធ្វេសប្រហែសណាមួយនោះ៕
ចែករំលែកព័តមាននេះ