ជនជាតិថៃស្លា.ប់កើនដល់២៨នាក់ ក្នុងសង្គ្រាមអ៊ីស្រាអែលនិងប៉ាឡេស្ទីន
ប្រទេសអ៊ីស្រាអែល-បាឡេស្ទីន ៖ ប្រទេសថៃកំពុងជម្រុញការធ្វើមាតុភូមិនិវត្តន៍ជនជាតិខ្លួនចេញពី
ប្រទេសអ៊ីស្រាអែល-បាឡេស្ទីន ៖ ប្រទេសថៃកំពុងជម្រុញការធ្វើមាតុភូមិនិវត្តន៍ជនជាតិខ្លួនចេញពីអ៊ីស្រាអែល ខណៈចំនួនជនជាតិថៃដែលស្លា.ប់ក្នុងសង្គ្រាមរវាងអ៊ីស្រាអែលនិងក្រុមហាម៉ាស់ប៉ាឡេស្ទីនកើនដល់២៨នាក់។
យោងតាមនាយករដ្ឋមន្ត្រីថៃ លោកសេដ្ឋា ថាវីស៊ីន ថា ជនជាតិថៃ៤នាក់ថ្មីទៀតបានស្លា.ប់ក្នុងអំពើហិ.ង្សារវាងអ៊ីស្រាអែលនិងក្រុមហាម៉ាស់ប៉ាឡេស្ទីន នាំឲ្យចំនួនពលរដ្ឋថៃដែលស្លា.ប់ក្នុងជម្លោះនេះ កើនដល់២៨នាក់ និងអ្នកត្រូវរបួសមាន១៦នាក់ ចំណែក១៧នាក់ទៀតកំពុងជាប់ជាចំណាប់ខ្មាំង។
ថ្លែងក្រោយដឹកនាំកិច្ចប្រជុំមួយរបស់មជ្ឈមណ្ឌលប្រតិកម្មរហ័ស នៅក្រសួងការបរទេស លោកសេដ្ឋាថ្លែងថា សភាពការណ៍នៅតែប្រកបដោយគ្រោះថ្នាក់ខ្លាំង។ រដ្ឋាភិបាលប្រកាន់យកអាទិភាព នាំពលករថៃវិលត្រឡប់មកប្រទេសដើមវិញ ឲ្យអស់ត្រឹមដំណាច់ខែតុលានេះ។ ប៉ុន្តែការប្រឈមគឺត្រូវបង្កើនចំនួនជើងហោះហើរនៃយន្តហោះ សម្រាប់ការធ្វើមាតុភូមិនិវត្តន៍នោះ។ សម្រាប់ពេលនេះជើងហោះហើរសរុប៣២ជើង ត្រូវបានគ្រោងដោយក្រុមហ៊ុនអាកាសចរណ៍ពាណិជ្ជកម្ម ដែលអាចធ្វើមាតុភូមិនិវត្តន៍ពលរដ្ឋថៃបានប្រមាណ៥.៧០០នាក់។ គម្រោងបច្ចុប្បន្ននេះនៅមិនទាន់គ្រប់គ្រាន់ឡើយ សម្រាប់ជម្លៀសមនុស្ស ដែលពេលនេះមានដល់លើស៧.០០០នាក់ និងអាចមានច្រើនជាងនេះទៀត ខណៈការប្រយុទ្ធកំពុងបន្ត។
លោកសេដ្ឋាបន្តថាការជម្លៀសមនុស្សចេញតាមផ្លូវអាកាសគឺជាជម្រើសតែមួយគត់ ដែលអាចធ្វើទៅបាននាពេលនេះ ព្រោះផ្លូវសមុទ្រនិងផ្លូវថ្នល់ត្រូវបានបិទ។ ដូច្នេះរដ្ឋាភិបាលខិតខំជម្លៀសពលករមកកាន់ប្រទេសជិតខាងអ៊ីស្រាអែលដូចជាហ្ស៊កដានីជាដើម មុនពេលធ្វើដំណើរបន្តមកកាន់ប្រទេសកំណើត។
លោកក៏សន្យាផងដែរបង្កើនការខិតខំប្រឹងប្រែងដើម្បីចរចាឲ្យទទួលបានការដោះលែងចំណាប់ខ្មាំងជាជនជាតិថៃដោយលោកបញ្ជាក់ថា ក្រសួងការបរទេសបានប្រើបណ្ដាញផ្លូវការនិងមិនផ្លូវការ ដើម្បី ឲ្យទទួលបានការដោះលែងចំណាប់ខ្មាំងថៃ ៕
ចែករំលែកព័តមាននេះ