ពិតជានឹកស្មានមិនដល់នោះទេ ខណៈនៅប្រទេសថៃ ហាក់កំពុងតែមានជំនឿយ៉ាងខ្លាំងទៅលើលាភសំណាង ហើយឃើញថា មានមនុស្សជាច្រើននាក់សម្រុកនាំគ្នាទៅសុំលេខឆ្នោត ក៏ដូចជាលេខសំណាងពីព្រះអង្គម្ចាស់មួយរូប ដែលត្រូវគេស្គាល់ឈ្មោះថា
ប្រទេសថៃ ៖ ពិតជានឹកស្មានមិនដល់នោះទេ ខណៈនៅប្រទេសថៃ ហាក់កំពុងតែមានជំនឿយ៉ាងខ្លាំងទៅលើលាភសំណាង ហើយឃើញថា មានមនុស្សជាច្រើននាក់សម្រុកនាំគ្នាទៅសុំលេខឆ្នោត ក៏ដូចជាលេខសំណាងពីព្រះអង្គម្ចាស់មួយរូប ដែលត្រូវគេស្គាល់ឈ្មោះថា «Ganesha» ។ ក្នុងនោះផងដែរ បន្ទាប់ពីគ្រប់គ្នាមានសំណាងក្នុងការចាប់ឆ្នោតឈ្នះជាច្រើនលើកជាច្រើនសាររួចមក មិននៅស្ងៀមតទៅទៀត អ្នកគាំទ្រដែលជឿទៅលើបុណ្យបាប ក៏ដូចជា កន្ទុយលេខឆ្នោតផងនោះ នាំគ្នាទៅសុំនៅលេខឆ្នោតផ្សងសំណាងមិនដាច់ពីមួយថ្ងៃទៅមួយថ្ងៃ និងមិនដែលលួសមួយថ្ងៃណាសោះឡើយ។
មិនត្រឹមតែប៉ុណ្ណោះ គេក៏នាំគ្នាសង្កេតមើលឃើញថា មានមនុស្សទាំងប្រុស ទាំងស្រី នាំគ្នាទៅសុំលេខសំណាងពីព្រះអង្គម្ចាស់ «Ganesha» ស្ទើរតែគ្រប់ៗគ្នា បន្ទាប់ពីឃើញមានប្រជាជន ក៏ដូចជាមនុស្សម្នាជាច្រើននាក់ មានសំណាង ក្រោយពេលមកសុំឱ្យមានលុយកាក់ច្រើនហូរហៀរ។ បន្ទាប់ពីចេញនូវលេខសំណាងដែលមានលេខ 16/10/66 និងណែនាំអំពីវិធីធ្វើនៃការជូនពរឲ្យបានសម្រេច ដូចជាលេខសំណាងនេះផងដែរ ដើម្បីទទួលនៅការចង់បានសម្រេចដូចបំណង។
នេះបើយោងតាមរយៈសារព័ត៌មានដ៏ល្បី «Amarin News» បានផ្សព្វផ្សាយប្រាប់ឱ្យដឹងនៅខែតុលា ឆ្នាំ២០២៣នេះថា កាលពីពេលថ្មីៗនេះ មានអ្នកយកព័ត៌មានមិនតិចនាក់នោះទេ បានទៅទស្សនានៅតំបន់វត្ត «ដូបទរ» ស្ថិតក្នុងភូមិលេខ៣ ឃុំ San Sai ស្រុក Mae Chan ខេត្តឈៀងរ៉ៃ។ ហើយស្របពេលនោះដែរ ពួកគេក៏បានទៅជួបជាមួយនឹងព្រឹទ្ធាចារ្យ ដែលកំពុងតែអង្គុយត្បាញអំបោះនៅទីសក្ការៈបូជា ក្នុងព្រះវិហារ។
បន្ទាប់មក គាត់ក៏និយាយប្រាប់ឱ្យគ្រប់គ្នាថា «វត្តនេះ មានញាតិមិត្តដែលមានទឹកចិត្តស្មោះត្រង់ មិនលោ.ភលន់ ជឿទៅលើព្រះ «Ganesha» ខ្លាំងណាស់ ដែលតែងតែផ្តល់នៅលាភសំណាង និងបំពេញបំណងប្រាថ្នាតាមអ្វីដែលចង់បានមករហូត និងមកសុំលាភសំណាងផ្សេងៗផងដែរ។ ហើយអ្វីដែលធ្វើឱ្យពួកគេកាន់តែសុំនៅលាភសំណាងនេះ គឺជាឆ្នោតផ្សងសំណាងតែម្ដង ដែលជាល្បែងមួយធ្វើឱ្យពួកគេមិនអាចខ្វះបាន នៅក្នុងជីវិតរបស់ពួកគេ គឺហាក់បីដូចជាមិនសូវឃើញមានអ្នកលេងល្បែ.ងអ្វីដែលនាំឱ្យរីកចម្រើនក្រៅពីលេងឆ្នោតសុំនៅលាភសំណាងនោះទេ»។
រហូតគ្រប់គ្នាលាន់មាត់ថា «ចាប់តាំងតែពីមានជំនឿទៅលើរឿងមានបាននេះមក ខ្ញុំចូលចិត្តអុជធូបខ្លាំងណាស់នៅចំពោះមុខព្រះ «Ganesha» ។ មិនត្រឹមតែប៉ុណ្ណោះ មិនថានៅពេលខ្ញុំនិយាយនូវបំណងប៉ងប្រាថ្នាអ្វីឡើយ គឺវាត្រូវបានលេចចេញមកបំពេញតាមអ្វីដែលយើងចង់បានទាំងអស់ ហើយជារៀងរាល់ថ្ងៃ ពួកគេចូលចិត្តទិញវត្ថុ ដើម្បីយកមកថ្វាយព្រះ «Ganesha» ជាប់ជានិច្ច»។
ហើយពួកគេបាននិយាយប្រាប់ឱ្យដឹងទៀតថា «កន្លងមក យើងបានឈ្នះឆ្នោតរាប់រយពាន់ ឱ្យតែមកសុំនៅលាភសំណាងពីព្រះ «Ganesha»។ ហើយកាលពីមុន គ្មានអ្នកណាម្នាក់ដឹងឡើយថា ព្រះ «Ganesha» ខ្លាំងពូកែដល់ថ្នាក់នេះ ប៉ុន្តែក្រោយពេលដឹងរួចមក គ្រប់គ្នាក៏ចាប់ផ្ដើមធ្វើដំណើរសំដៅទៅព្រះវិហារបរិសុទ្ធ ដើម្បីធ្វើដង្វាយជូនព្រះ «Ganesha» មានដូចជា ៖ ចេកជាងមួយរយផ្លែ និងត្រូវបានគេបូជាជាសច្ចាប្រណិធានជូនលោក ដាំ សាងនាម មានអាយុ៤៧ឆ្នាំ ត្រូវជាសិស្សម្នាក់រស់នៅក្នុងព្រះវិហារនោះ ដែលរូបគាត់មានការចូល និងចេញពីប្រាសាទជាប្រចាំ។
បន្ទាប់មក លោក ដាំ សាងនាម ខាងលើរូបនេះ ក៏បាននិយាយដែរថា «ព្រះ Ganesha នេះ មានញាតិសន្តានស្មោះស្ម័គ្រខ្លាំងណាស់ មកពីប្រទេសឥណ្ឌា កាលពី៥ទៅ៦ឆ្នាំមុន ដែលមុននោះគ្មានព្រះ Ganesha ទេ។ ហើយកន្លងមក មានមនុស្សតិចណាស់ដែលមកព្រះវិហារនេះ ពីព្រោះថា មានតែអ្នកភូមិនៅជិតតំបន់មួយនេះតែប៉ុណ្ណោះតែងតែនាំគ្នាមកវត្ត។ ប៉ុន្តែបន្ទាប់ពីបានអញ្ជើញព្រះអង្គម្ចាស់ Ganesha មក ហាក់បីដូចជាមានជនបរទេសជាច្រើននាក់នាំគ្នាមកគោរព និងសុំពរជ័យ ព្រមទាំងអុជធូប ដើម្បីសុំលេខឆ្នោត។ ដោយគេសង្កេតឃើញថា នៅច្រកចូលមុខព្រះពន្លា Ganesha មានសត្វកណ្តុរ២ក្បាល ហើយនៅក្រោមមូលដ្ឋានក៏មានកណ្តុរតូចមួយក្បាលទៀតផង វាស្ថិតនៅក្រោមព្រះអង្គម្ចាស់ Ganesha ជាច្រើន រហូតមានជំនឿថា បើអ្នកណាចង់បានអ្វី មិនថាសុំនៅរឿងអ្វីនោះឡើយ ក៏តែងតែសម្រេចបានដូចបំណងពិតៗ៕ ដោយ ៖ សុភា ដានេត
ចែករំលែកព័តមាននេះ