ខេត្តបាត់ដំបង ៖ មនុស្សចំនួន១១នាក់ ត្រូវបានកម្លាំងកងរាជអាវុធហត្ថឃាត់ខ្លួន ដែលជាប់សង្ស័យករណីជួញដូរគ្រឿងញៀនដោយខុសច្បាប់ កាលពីវេលាម៉ោង៨យប់ថ្ងៃទី២៥ មេសា នៅចំណុចភូមិកាប់គោថ្មី សង្កាត់អូរចា ក្រុងបាត់ដំបង…
ខេត្តបាត់ដំបង ៖ មនុស្សចំនួន១១នាក់ ត្រូវបានកម្លាំងកងរាជអាវុធហត្ថឃាត់ខ្លួន ដែលជាប់សង្ស័យករណីជួញដូរគ្រឿងញៀនដោយខុសច្បាប់ កាលពីវេលាម៉ោង៨យប់ថ្ងៃទី២៥ មេសា នៅចំណុចភូមិកាប់គោថ្មី សង្កាត់អូរចា ក្រុងបាត់ដំបង ជាមួយនឹងវត្ថុតាងគ្រឿងញៀនមួយចំនួនត្រូវបានដកហូត។
យោងតាមរបាយការណ៍បានឲ្យដឹងថា ជនសង្ស័យចំនួន១១នាក់ ដែលត្រូវចាប់ខ្លួនមាន៖ ១-ឈ្មោះ វង្ស ឡាយយូឡាយ អាយុ១៩ឆ្នាំ ២-ឈ្មោះ ហេង វឌ្ឍនៈ អាយុ១៨ឆ្នាំ ៣-ឈ្មោះ ហាក់ លីហ៊ាង អាយុ២២ឆ្នាំ ៤-ឈ្មោះ សុខា មករា អាយុ២១ឆ្នាំ ៥-ឈ្មោះ វណ្ណា រក្សា អាយុ២៣ឆ្នាំ ៦-ឈ្មោះ ដាវីដ នុត អាយុ២៣ឆ្នាំ ៧-ឈ្មោះ សែន សុមុនីរ័ត្ន អាយុ២៦ឆ្នាំ ៨-ឈ្មោះ នាក់ វិច្ឆិកា អាយុ១៧ឆ្នាំ ៩-ឈ្មោះ កែវ ឆៃណា អាយុ១៨ឆ្នាំ ១០-ឈ្មោះ ឌឿត វាសនា អាយុ២២ឆ្នាំ និង ១១-ឈ្មោះ យក់ វាសនា អាយុ១៥ឆ្នាំ។
របាយការណ៍បានបញ្ជាក់ថា ក្រុមជួញដូរគ្រឿងញៀនទាំង១១នាក់នេះ ត្រូវបានកម្លាំងកងរាជអាវុធហត្ថក្រុងបាត់ដំបងឃាត់ខ្លួនជាបន្តបន្ទាប់ ពេលដែលក្រុមនេះកំពុងប្រព្រឹត្តបទល្មើសជាក់ស្ដែង។
យោងតាមរបាយការណ៍ដដែល បានបង្ហាញវត្ថុតាងដែលត្រូវបានរឹបអូស ជាមួយនឹងការឃាត់ខ្លួន៖ គ្រឿងញៀនប្រភេទមេតំហ្វេតាមីន ICE (ម៉ាទឹកកក) ចំនួន០១កញ្ចប់ធំ មានទម្ងន់២៤,៦៨ក្រាម សម្ភារវិចខ្ចប់ និង ប្រើប្រាស់គ្រឿងញៀនមួយចំនួន និងម៉ូតូចំនួន០៥គ្រឿង ជាមធ្យោបាយប្រព្រឹត្តបទល្មើស រួមទាំងវត្ដុតាងពាក់ព័ន្ធមួយចំនួនទៀត។
ពេលនេះ មន្ត្រីការិយាល័យជំនាញនៃបញ្ជាការកងរាជអាវុធហត្ថខេត្ត កំពុងសួរនាំបន្ថែម មុនពេលកសាងសំណុំរឿង បញ្ជូនក្រុមជូញដូរគ្រឿងញៀនទាំង១១នាក់នេះ ទៅសាលាដំបូងខេត្ត ចាត់ការតាមនីតិវិធី៕
ចែករំលែកព័តមាននេះ