ជនដៃដល់២នាក់ប្តីប្រពន្ធផ្តាច់ជីវិតអ្នកចាប់ម៉ូយដាក់ឡាន ត្រូវតុលាការសម្រេចហើយ
- សៀមរាប
ខេត្តសៀមរាប ៖ លោក សុវណ្ណ ច័ន្ទន៍ គ្រឹះស្នា ចៅ ក្រមស៊ើបសួរ នៃសាលាដំបូងខេត្តសៀមរាប បាន
ខេត្តសៀមរាប ៖ លោក សុវណ្ណ ច័ន្ទន៍ គ្រឹះស្នា ចៅ ក្រមស៊ើបសួរ នៃសាលាដំបូងខេត្តសៀមរាប បាន សម្រេច ឱ្យកម្លាំងការិយាល័យនគរបាលព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តសៀម រាប យកជនសង្ស័យ២នាក់ ប្តីប្រពន្ធទៅដាក់ពន្ធនាគារបណ្តោះអាសន្ននៅសង្កាត់ជ្រាវ ក្រុងសៀមរាប ត្រូវបានដាក់ក្រោមការពិនិត្យពីបទ «ឃា.តកម្មកា.ប់និងកាំបិ.តខ្វែ.វ» ប្រព្រឹត្តនៅចំណុចថ្លុកទឹក តាមផ្លូវជាតិលេខ ៦ ក្នុងភូមិខ្នារ សង្កាត់ជ្រាវ ក្រុងសៀមរាប កាលពីវេលាម៉ោងប្រមាណ២រំលងអធ្រាត្រឈានចូលថ្ងៃទី៨ ខែតុលា ឆ្នាំ២០២៣ បទល្មើសព្រហ្មទណ្ឌ ដែលមានចែង និងផ្តន្ទាទោសតាមបញ្ញតិមាត្រា ១៩៩ នៃក្រមព្រហ្មទណ្ឌ។
បើតាមលោកវរសេនីយ៍ឯក សុខ ម៉េង អ៊ាង នាយការិយាល័យព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តសៀមរាប បានឱ្យដឹងតាមប្រព័ន្ធតេឡេក្រាមកាលពីវេលាម៉ោង៥និង៣០នាទីល្ងាច ថ្ងៃទី៩ ខែ តុលា ឆ្នាំ២០២៣ នេះថា ជនសង្ស័យទាំង២នាក់ប្តីប្រពន្ធ ដែលបុរសជាប្តីឈ្មោះ ហូល ហៃ ហៅ ម៉ែន អាយុ៣១ឆ្នាំ មុខរបរកម្មករសំណង់ ទីកន្លែងកំណើត និងទីលំនៅបច្ចុប្បន្នភូមិបេង ឃុំដានរុន ស្រុកសូទ្រនិគម ខេត្តសៀមរាប ជាជនដៃដល់ និងស្ត្រីជាប្រពន្ធឈ្មោះ កឿម កាន អាយុ២៨ឆ្នាំ មុខរបរកម្មករ ទីកន្លែងកំណើត និងទីលំនៅបច្ចុប្បន្នភូមិបេង ឃុំដានរុន ស្រុកសូទ្រនិគម ខេត្ត សៀមរាប (មានកូនចំនួន២នាក់ក្នុងបន្ទុក) ពាក់ព័ន្ធនិងករណីឃា.តកម្ម ( រួមគំនិត) កើតហេតុនៅវេលាម៉ោង២និង៣០នាទីរំលងអាធ្រាតឈានចូលថ្ងៃទី៨ ខែតុលា ឆ្នាំ២០២៣ នៅចំណុចថ្លុកទឹកមាត់ប្រឡាយជាប់ផ្លូវជាតិលេខ៦A ស្ថិតនៅភូមិខ្នារ សង្កាត់ជ្រាវ ក្រុងសៀមរាប ។
លោកបញ្ជាក់ទៀតថា នៅចំពោះមុខសមត្ថកិច្ច ជនសង្ស័យជាប្តីឈ្មោះ ហូល ហៃ ហៅ ម៉ែន បានសារភាពថា កាលពីសប្ដាហ៍មុន រូបគេ និងជនរងគ្រោះ ធ្លាប់ផឹកស្រាសជាមួយគ្នាក្នុងដីឡូត៍មួយកន្លែង ដែលទុកចោលរួចទាស់ទែងពាក្យសម្តីគ្នាបន្តិចបន្តួច ក៏មានការវ៉ៃគ្នាដៃទល់នឹងដៃ ខណៈពេលនោះ រូបគេចាញ់ និងខឹងអ្នកយាមដីដេញចេញពីទីនោះផង ក៏មានគំនិតគុំកួន និងអ្នកយាមដីផង និងជនរងគ្រោះផង។
បន្ទាប់មក នៅយប់ថ្ងៃកើតហេតុ រូបគេបានផឹកស្រា សជាមួយបងប្អូនអ្នកភូមិនៅស្រុកកំណើត ក៏ ចាប់ផ្តើមខឹង ក៏ជិះម៉ូតូទៅផ្ទះ ក្នុងភូមិបេង ឃុំដានរុន ស្រុកសូទ្រនិគម ខេត្តសៀមរាប ទាញយកកាំបិ.តខ្វែវ និងហៅប្រពន្ធជិះម៉ូតូឌុបគ្នាមករកជនរងគ្រោះ ក៏ឃើញជនរងគ្រោះកំពុងដេកនៅលើគ្រែ ជារៀងរាល់យប់ ក្នុងរោងលក់បាយមួយកន្លែងនៅមុខដីឡូត៍ក៏ធ្វើសកម្មភាពកា.ប់សម្លា.ប់ទៅលើជនរងគ្រោះពិតប្រាកដមែន ។ ដោយធ្វើសកម្មភាពនៅវេលាម៉ោង២រំលងអាធ្រាត្រឈានចូលថ្ងៃទី ០៨ ខែ តុលា ឆ្នាំ ២០២៣។
ជនសង្ស័យបានសារភាពបន្តថា ពេលទៅដល់ រូបគេបានចុះពីម៉ូតូកា.ប់ជនរងគ្រោះ ដោយប្រើដៃទាំងសងខាងកាន់កាំបិ.តខ្វែវកា.ប់ចំក ផ្នែកខាងមុខចំនួន១ខ្វែវ ខណៈដែលជនរងគ្រោះដេកផ្ងារ ។ ភ្លាមនោះជនរងគ្រោះបានប្រកា.ច់ធ្លាក់ចេញពីលើតូបលក់បាយទៅទិសខាងជើងផ្លូវជាតិលេខ៦ ហើយផ្កាប់មុខនៅចិញ្ចើមផ្លូវ បន្ទាប់មករូបគេបានកា.ប់បន្ថែមចំត្រង់ស្លាបប្រជៀវផ្នែកខាងស្តាំ ផ្នែកខាង ក្រោយចំនួន១ខ្វែវ និងកា.ប់ចំត្រង់ចង្កេះខាងស្តាំ ចំនួន១ខ្វែវទៀត ។ បន្ទាប់មក បាន ឱ្យប្រពន្ធជួយលើកជនរងគ្រោះបោះចូលទៅ ក្នុងថ្លុកទឹកមាត់ប្រឡាយ ហើយបើកម៉ូតូគេចខ្លួនទៅផ្ទះវិញដោយយកក្រណាត់ ជូនសម្អាតឈា.មចេញពីខ្វែវលុះព្រឹកឡើង រូបគេបានសំលៀង និងលាងសំអាតខ្វែវ ហើយយកទៅសៀតនៅលើធ្នឹមផ្ទះ ។ លោកបញ្ជាក់ទៀតថា ជនរងគ្រោះមកដល់ថ្ងៃទី ៩ ខែតុលាឆ្នាំ ២០២៣ ដែលសមត្ថកិច្ចនិងអាជ្ញាធរមូលដ្ឋាន បានដឹកយកទៅបូជានៅវត្តត្រាំនាគនោះមិនទាន់រកឃើញសាច់ញាតិបងប្អូនណាម្នាក់ស្គាល់ជនរងគ្រោះឡើយ។
បច្ចុប្បន្ន នៅល្ងាចថ្ងៃទី៩ ខែតុលា ឆ្នាំ ២០២៣ នេះ លោកសុវណ្ណ ច័ន្ទន៍ គ្រឹះស្នា ចៅក្រមស៊ើបសួរនៃសាលាដំបូងខេត្តសៀមរាប បានសម្រេចឱ្យកម្លាំងការិយាល័យនគរបាលព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តសៀមរាប យកជនសង្ស័យ២នាក់ប្តីប្រពន្ធខាងលើទៅដាក់ពន្ធនាគារ បណ្តោះអាសន្ននៅសង្កាត់ជ្រាវ ក្រុងសៀមរាប ខេត្តសៀមរាប ៕
អត្ថបទពាក់ព័ន្ធ៖
–អ្នកចាប់ម៉ូយដាក់ឡានម្នាក់ ត្រូវគេប្រទះឃើញស្លា.ប់ក្បែរប្រឡាយ ផ្អើលក្រុងសៀមរាប
–ចាប់បានហើយ! ជនដៃដល់ប្រល័យជីវិតអ្នកចាប់ម៉ូយដាក់ឡាន ក្បែរប្រឡាយ នៅក្រុងសៀមរាប
ចែករំលែកព័តមាននេះ