អ្នកចាប់ម៉ូយដាក់ឡានម្នាក់ ត្រូវគេប្រទះឃើញស្លា.ប់ក្បែរប្រឡាយ ផ្អើលក្រុងសៀមរាប
- សៀមរាប
ខេត្តសៀមរាប ៖ មានករណីប្រទះឃើញបុរសម្នាក់ដេកស្លា.ប់នៅក្បែរប្រឡាយ តាមបណ្តោយផ្លូវជាតិ
ខេត្តសៀមរាប ៖ មានករណីប្រទះឃើញបុរសម្នាក់ដេកស្លា.ប់នៅក្បែរប្រឡាយ តាមបណ្តោយផ្លូវជាតិលេខ៦ មុខដីឡូតិ៍ខាងលិច អតីតភោជនីយដ្ឋានអាប៉ូឡូប្លាហ្សា បង្កការភ្ញាក់ផ្អើលពេញក្រុងសៀមរាប រហូតដល់សមត្ថកិច្ចចុះមកពិនិត្យកន្លែងកើតហេតុ និងសង្ស័យថាជារឿងគំនុំ។
ហេតុការណ៍ខាងលើនេះបង្កការភ្ញាក់ផ្អើលកើតឡើងកាលពីវេលាម៉ោងប្រមាណ៤ឈានចូលព្រឹកថ្ងៃទី៨ ខែតុលា ឆ្នាំ២០២៣ ស្ថិតនៅក្បែរប្រឡាយទឹក តាមបណ្តោយផ្លូវជាតិលេខ៦ មុខដីឡូតិ៍ ខាងលិច អតីតភោជនីយដ្ឋានអាប៉ូឡូប្លាហ្សា ក្នុងភូមិខ្នារ សង្កាត់ជ្រាវ ក្រុងសៀមរាប ខេត្តសៀមរាប។
តាមប្រភពពីសមត្ថកិច្ចនៅកន្លែងកើតហេតុបានឱ្យដឹងថា ក្រោយកើតមានករណីខាងលើ តំណាងអយ្យការអមសាលាដំបូងខេត្តសៀមរាប បានឱ្យកម្លាំងចម្រុះ មានដូចជា កម្លាំងការិយាល័យនគរបាលព្រហ្មទណ្ឌកម្រិតធ្ងន់,កម្លាំងអធិការនគរបាលក្រុងសៀមរាប, កម្លាំងការិយាល័យនគរបាលបច្ចេកទេសខេត្ត , កម្លាំងនគរបាលមូលដ្ឋាន កម្លាំងកងរាជអាវុធហត្ថខេត្តសៀមរាប និងអាជ្ញាធរមូលដ្ឋានចុះពិនិត្យកន្លែងកើតហេតុ រួចសន្និដ្ឋានថា បុរសម្នាក់ដែលត្រូវជនមិនស្គាល់អត្តសញ្ញាណសម្លា.ប់នោះ គឺបណ្តាលមកពីរឿងគំនុំ ព្រោះបុរសជនរងគ្រោះជាអ្នករត់ចាប់ម៉ូយឡាន ហើយជាទម្លាប់តែងតែចងអង្រឹងដេកនៅកន្លែងទំនេរ ។
តាមប្រភពព័ត៌មានបានឱ្យដឹងបន្តថា ជនរងគ្រោះដែលស្លាប់មិនស្គាល់ឈ្មោះ មានអាយុប្រហែល ជាង៣០ឆ្នាំ មុខរបរចាប់ម៉ូយដាក់ឡាន។
សូមបញ្ជាក់ថា ករណីឃា.តកម្មខាងលើនេះ គឺកើតឡើងនៅរោងលក់ដូរមួយកន្លែង មុខដីឡូតិ៍ពីខាងលិចកាហ្គាសសាំងតេលា ស្ថិតក្នុងភូមិធ្លកអណ្តូង សង្កាត់ស្លក្រាម ក្រុងសៀមរាប ខេត្តសៀមរាប ។
ក្រោយពីផ្តាច់ជីវិតជនរងគ្រោះរួច ជនដៃដល់បានអូសស.ពជនរងគ្រោះយកទៅទំលាក់នៅក្បែរ ប្រឡាយមុខដីឡូតិ៍ពីខាងលិចអតីតភោជនីយដ្ឋានអាប៉ូឡូប្លាហ្សា បង្កការភ្ញាក់ផ្អើលពេញក្រុងសៀមរាបរហូតដល់សមត្ថកិច្ចចុះមកពិនិត្យភ្លាមៗតែម្តង ។
តាមប្រភពបានបញ្ជាក់ថា ក្រោយពិនិត្យសាកស.ពរួច កម្លាំងជំនាញបានរៀបចំរុំថង់ជិត រួចដឹកយកទៅបូជានៅវត្តត្រាំនាគ ស្ថិតនៅភូមិធ្លកអណ្តូង សង្កាត់ស្លក្រាម ក្រុងខេត្តសៀមរាប ដើម្បីទុករក្សាធាតុនៅក្នុងវត្ត រង់ចាំក្រុមគ្រួសារមកទទួលយកទៅធ្វើបុណ្យតាមប្រពៃណី។
បច្ចុប្បន្ន កម្លាំងការិយាល័យនគរបាលព្រហ្មទណ្ឌកម្រិតធ្ងន់ នៃស្នងការនគរបាលខេត្តសៀមរាប កំពុងសហការជាមួយកម្លាំងជំនាញ និង កម្លាំងកងរាជអាវុធហត្ថខេត្តសៀមរាប ដើម្បីស្វែងរកជនដៃដល់ ចាប់យកមកផ្តន្ទាទោសទៅតាមផ្លូវច្បាប់ ៕
ចែករំលែកព័តមាននេះ