ចាប់បានហើយ! ជនដៃដល់ប្រល័យជីវិតអ្នកចាប់ម៉ូយដាក់ឡាន ក្បែរប្រឡាយ នៅក្រុងសៀមរាប
- សៀមរាប
ខេត្តសៀមរាប ៖ កម្លាំងនគរបាលខេត្តសៀមរាប សហការគ្នាស្រាវជ្រាវបំបែកសំណុំរឿងឃា.តកម្ម
ខេត្តសៀមរាប ៖ កម្លាំងនគរបាលខេត្តសៀមរាប សហការគ្នាស្រាវជ្រាវបំបែកសំណុំរឿងឃា.តកម្ម
ខេត្តសៀមរាប ៖ កម្លាំងនគរបាលខេត្តសៀមរាប សហការគ្នាស្រាវជ្រាវបំបែកសំណុំរឿងឃា.តកម្មសម្លា.ប់បុរសម្នាក់ដែលជាអ្នកចាប់ម៉ូយដាក់ឡាន នៅជិតភោជនីយដ្ឋានអាប៉ូឡូផ្លាហ្សា កាលពីព្រលឹមថ្ងៃទី៨ តុលា ម្សិលមិញនេះ ហើយមិនដល់កន្លះថ្ងៃផង ក៏ចាប់ខ្លួនជនដៃដល់២នាក់ប្ដីប្រពន្ធ ចំណែកមូលហេតុគឺដោយសារទំនាស់ក្នុងវង់ផឹកស៊ី។ គួររំលឹកថា អ្នកចាប់ម៉ូយដាក់ឡានម្នាក់ ត្រូវគេប្រទះឃើញស្លា.ប់ក្បែរប្រឡាយ ផ្អើលក្រុងសៀមរាប
នៅក្នុងប្រតិបត្តិការស្រាវជ្រាវ និងឃាត់ខ្លួនជនដៃដល់ពាក់ព័ន្ធករណីខាងលើនេះគឺក្រោមការយកចិត្តទុកដាក់ខ្ពស់ពីសំណាក់លោកឧត្តមសេនីយ៍ទោ តេង ច័ន្ទណាត ស្នងការនគរបាលខេត្តសៀមរាប ចំពោះបងប្អូនប្រជាពលរដ្ឋក្នុងខេត្តសៀមរាបទាំងមូល អំពីបញ្ហាសន្តិសុខ សុវត្តិភាព និង កិច្ចសម្របសម្រួលនីតិវិធីពី លោក មាស ច័ន្ទពិសិដ្ឋ ព្រះរាជអាជ្ញានៃអយ្យការអមសាលាដំបូងខេត្តសៀមរាប រួចបញ្ជូនទៅកាន់តុលាការខេត្តសៀមរាប ដើម្បីចាត់ការតាមនីតិវិធី។
ហេតុការណ៍ឃាត់ខ្លួន២នាក់ ប្តី ប្រពន្ធ នោះ បានកើតឡើង នៅ វេលាម៉ោងប្រមាណ១២និង១០នាទីថ្ងៃទី៨ ខែតុលា ឆ្នាំ២០២៣ ស្ថិតនៅភូមិបេង ឃុំដានរុន ស្រុកសូទ្រនិគម ខេត្តសៀមរាប ។
ប្រតិបត្តិការចុះបង្ក្រាបនេះដឹកនាំផ្ទាល់ដោយលោកវរសេនីយ៍ឯក នួន ស័ក្ដិចំរើនរិទ្ធ ស្នងការរង ទទួលផែនការងារនគរបាលព្រហ្មទណ្ឌ ខេត្តសៀមរាប,លោកឧត្តមសេនីយ៍ត្រី ណុប សារ៉ាក់ លោកស្នងការរង ទទួលដឹកនាំការិយាល័យនគរបាលព្រហ្មទណ្ឌកម្រិតធ្ងន់,លោកវរសេនីយ៍ឯក សុខ ម៉េងអ៊ាង ប្រធានការិយាល័យនគរបាលព្រហ្មទណ្ឌកម្រិតធ្ងន់ បានដឹកនាំកម្លាំងធ្វើការការស្រាវជ្រាវពាក់ព័ន្ធនិងករណីឃា.តកម្មខាងលើបានកើតឡើងកាលពីវេលាម៉ោង២និង៣០នាទីរំលងអាធ្រាតឈានចូលថ្ងៃទី៨ ខែតុលា ឆ្នាំ២០២៣ ធ្លុកទឹកមាត់ប្រឡាយជាប់ផ្លូវជាតិលេខ៦A ស្ថិតនៅភូមិខ្នារ សង្កាត់ជ្រាវ ក្រុងសៀមរាប ខេត្តសៀមរាប ។
លោកវរសេនីយ៍ឯក នួន ស័ក្ដិចំរើនរិទ្ធ ស្នងការរង ទទួលផែនការងារនគរបាលព្រហ្មទណ្ឌ ខេត្តសៀមរាប បានមានប្រសាសន៍ឱ្យដឹងថា ដោយនៅវេលាម៉ោង៤និង១០នាទីទាបភ្លឺ ឈានចូលថ្ងៃទី៨ ខែតុលា ឆ្នាំ ២០២៣ កម្លាំងនគរបាលយើងទទួលបានព័ត៌មានពីកម្លាំងនគរបាលចរាចរណ៍ តាមរយៈទូរស័ព្ទថា មានជនមិនស្គាល់អត្តសញ្ញាណម្នាក់ ភេទប្រុស មានសំបុរស្រអែម អាយុប្រហែល៣៥ឆ្នាំ មានកំពស់ប្រហែល ១៥០សង់ទីម៉ែត្រ មានសាក់រូបនៅលើដើមទ្រូង និងផ្នែកខ្នង ពាក់អាយឺតដៃវែង ពណ៌ខ្មៅ ស្លៀកខោសាច់ក្រណាត់ជើងខ្លី ត្រឹមជង្គង់ ពណ៌ខ្មៅ បានដេកស្លា.ប់ក្នុងថ្លុកទឹកមាត់ប្រឡាយ ជាប់ផ្លូវជាតិលេខ៦A ខាងលិចភោជនីយដ្ឋានអាប៉ូឡូប្លាស្សាប្រហែល ១០០ម៉ែត្រ ស្ថិតនៅភូមិខ្នារ សង្កាត់ជ្រាវ ក្រុងសៀមរាប ខេត្តសៀមរាប។
លោកបន្តថា បន្ទាប់ពីទទួលបានព័ត៌មានខាងលើ សមត្ថកិច្ចយើងបានចុះដល់កន្លែងកើតហេតុ ដឹកនាំដោយលោក ង៉ិល សុវណ្ណរិទ្ធិ អយ្យការរងអមសាលាដំបូងខេត្ត សៀមរាប ដោយមានការចូលរួមសហការពីនគរបាលបច្ចេកទេសវិទ្យាសាស្ត្រ និងលោកវេជ្ជបណ្ឌិតផ្នែកកោសល្យវិច័យ នៃមន្ទីពេទ្យបង្អែកខេត្ត សៀមរាប បានធ្វើការពិនិត្យវិភាគកន្លែងកើតហេតុ និងពិនិត្យសាកស.ព និងធ្វើការសាកសួរសាក្សី។
លោកបន្ថែមថា តាមរយៈការស្រាវជ្រាវស៊ើបអង្កេត កម្លាំងនគរបាលព្រហ្មទណ្ឌកម្រិតធ្ងន់ និងកម្លាំងនគរបាលស្រុកសូទ្រនិគម កំណត់បានមុខសញ្ញាសង្ស័យចំនួន២នាក់ ក្នុងនោះម្នាក់ឈ្មោះ ហូល ហៃ ហៅ ម៉ែន ភេទប្រុស អាយុ ៣១ឆ្នាំ មុខរបរកម្មករ មានស្រុកកំណើត និងទីលំនៅបច្ចុប្បន្នភូមិបេង ឃុំដានរុន ស្រុកសូទ្រនិគម ខេត្តសៀមរាប។ ២.ឈ្មោះ កឿម កាន ភេទស្រី អាយុ ២៨ឆ្នាំ មុខរបរ កម្មករ ទីកន្លែងកំណើត និងទីលំនៅបច្ចុប្បន្នភូមិបេង ឃុំដានរុន ស្រុកសូទ្រនិគម ខេត្តសៀមរាប ពាក់ព័ន្ធនឹងករណីឃា.តកម្ម កើតហេតុវេលាម៉ោង២និង៣០នាទីរំលងអាធ្រាត្រឈានចូលថ្ងៃទី០៨ ខែតុលា ឆ្នាំ២០២៣ នៅចំណុចថ្លុកទឹកមាត់ប្រឡាយជាប់ផ្លូវជាតិលេខ៦A ស្ថិតនៅភូមិខ្នារ សង្កាត់ជ្រាវ ក្រុងសៀមរាប ខេត្តសៀមរាប។
លោកបញ្ជាក់ទៀតថា នៅចំពោះមុខសមត្ថកិច្ច ជនសង្ស័យជាប្តីឈ្មោះ ហូល ហៃ ហៅ ម៉ែន បានសារភាពថា រូបគេពិតជាធ្វើសកម្មភាពខាងលើពិតប្រាកដមែន ដោយនៅវេលាម៉ោង២រំលងអាធ្រាត្រឈានចូលថ្ងៃទី០៨ ខែតុលា ឆ្នាំ ២០២៣ រូបគេបានបើកម៉ូតូឌុបប្រពន្ធ ប្រដាប់ដោយកាំបិ.តខ្វែវ១ដើម ចេញពីផ្ទះនៅភូមិបេង ឃុំដានរុន ស្រុកសូទ្រនិគម មករកគូទំនាស់នៅចំណុចតូបលក់បាយកន្លែងកើតហេតុ ព្រោះជនរងគ្រោះជាគូរទំនាស់តែងតែដេកនៅទីនោះជារៀងរាល់យប់។
ជនសង្ស័យបានសារភាពបន្តថា ពេលទៅដល់ រូបគេបានចុះពីលើម៉ូតូរួចកា.ប់ជនរងគ្រោះ ចំក ផ្នែកខាងមុខចំនួន១ខ្វែវ ខណៈដែលជនរងគ្រោះដេកផ្ងារ ។ ភ្លាមនោះជនរងគ្រោះបានប្រកា.ច់ធ្លាក់ពីលើតូបលក់បាយទៅទិសខាងជើងផ្លូវជាតិលេខ៦ ហើយផ្កាប់មុខនៅចិញ្ចើមផ្លូវ បន្ទាប់មករូបគេបានកាប់ជនរងគ្រោះបន្ថែមចំត្រង់ស្លាបប្រជៀវផ្នែកខាងស្តាំ ផ្នែកខាងក្រោយចំនួន១ខ្វែវ និងកាប់ចំត្រង់ចង្កេះខាងស្តាំ ចំនួន ១ខ្វែវទៀត ។ បន្ទាប់មកបានឱ្យប្រពន្ធជួយលើកជនរងគ្រោះបោះចូលទៅក្នុងថ្លុកទឹកមាត់ប្រឡាយ ហើយបើកម៉ូតូគេចទៅផ្ទះវិញ ដោយយកក្រណាត់ជូនសម្អាតឈា.មចេញពីខ្វែវ លុះព្រឹកឡើង រូបគេបានសំលៀង និងលាងសំអាតខ្វែវ ហើយយកទៅសៀតនៅលើធ្នឹមផ្ទះ។
ជនសង្ស័យបានសារភាពបន្តទៀតថា បន្ទាប់មកទើបយកក្រណាត់ដែលប្រឡាក់ឈា.មដាក់ដុ.តជាមួយគំនរសំរាមក្បែរផ្ទះ លុះដល់វេលាម៉ោង១២ថ្ងៃត្រង់ថ្ងៃទី៨ តុលា ក៏ត្រូវបានសមត្ថកិច្ចចុះនាំខ្លួនតែម្តង។
ចំណែកជនសង្ស័យជាប្រពន្ធបានសារភាពថា នៅវេលាម៉ោង២១និង០០នាទីយប់ មុនថ្ងៃកើតហេតុមួយសប្តាហ៍ ប្តីរបស់ខ្លួនមានទំនាស់ និងប្រើហិ.ង្សាជាមួយជនរងគ្រោះខាងលើ ខណៈកំពុងអង្គុយផឹកស្រាសជុំគ្នា ហើយនៅយប់កើតហេតុវេលាម៉ោង២រំលងអាធ្រាត ប្តីបានបើកម៉ូតូឌុបរូបនាងប្រដាប់ដោយកាំបិ.តខ្វែវ ១ដើម មកធ្វើសកម្មភាពកាប់លើគូទំនាស់តែម្តង ក្នុងនោះរូបនាងក៏បានជួយលើកជនរងគ្រោះបោះចូលក្នុងថ្លុកទឹកប្រឡាយផងដែរ។
បច្ចុប្បន្ន ជនសង្ស័យទាំង២នាក់ ប្តីប្រពន្ធ ត្រូវបានកម្លាំងនគរបាលព្រហ្មទណ្ឌកម្រិតធ្ងន់ ធ្វើការសាកសួរ និងកសាងសំណុំរឿងបញ្ជូនទៅតុលាការ ខេត្តសៀមរាប ដើម្បីចាត់ការបន្តតាមនីតិវិធី ច្បាប់ ៕
ចែករំលែកព័តមាននេះ