បន្ទាន់! សម្តេចធិបតី ហ៊ុន ម៉ាណែត ចេញសារពិសេសពាក់ព័ន្ធពលរដ្ឋខ្មែរនៅអ៊ីស្រាអែល
- ភ្នំពេញ
សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅមុននេះបន្តិច បានចេញសារសម្លេងពិសេស បញ្ជាក់ឱ្យដឹងថា
សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅមុននេះបន្តិច បានចេញសារសម្លេងពិសេស បញ្ជាក់ឱ្យដឹងថា
រាជធានីភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅមុននេះបន្តិច បានចេញសារសម្លេងពិសេស បញ្ជាក់ឱ្យដឹងថា រាជរដ្ឋាភិបាលកម្ពុជា បានទាក់ទងជួយពលរដ្ឋខ្មែរទាំងអស់ នៅប្រទេសអ៊ីស្រាអែល ដែលគិតត្រឹមម៉ោង៧ព្រឹកនេះ ចំនួនពលរដ្ឋខ្មែរ និងនិស្សិត ចំនួន៣២៣នាក់ត្រូវបានជម្លៀសចេញ និងចល័តទៅដល់ទីតាំងមានសុវត្ថិភាពហើយ។
ខណៈពលរដ្ឋខ្មែរចំនួន១៣៣ នាក់ផ្សេងទៀត ស្ថិតនៅទីតាំងមានហានិភ័យនៅឡើយ ដោយសារទីតាំងមានលឺសូរសំឡេងប្រយុទ្ធគ្នាម្តងម្កាល។
តាមរយៈសារសម្លេងមានរយៈពេលជាង៤នាទី សម្តេចធិបតី ហ៊ុន ម៉ាណែត មានប្រសាសន៍អំពីស្ថានភាព និងការវិវត្តន៍ពាក់ព័ន្ធប្រជាពលរដ្ឋខ្មែរ ជាពិសេសនិស្សិតខ្មែរកំពុងតែសិក្សានៅប្រទេសអ៊ីស្រាអែល។
សម្តេចធិបតី ហ៊ុន ម៉ាណែត មានប្រសាសន៍ថា ៖ «ខ្ញុំសុំយកឱកាសនេះ ធ្វើការបញ្ជាក់ជូនជនរួមជាតិថា «សុវត្ថិភាពរបស់ប្រជាពលរដ្ឋខ្មែរ ពិសេសនិស្សិតរបស់យើងដែលកំពុងមានវត្តមាននៅក្នុងប្រទេសអ៊ីស្រាអែល គឺជាអទិភាពខ្ពស់បំផុតរបស់រាជរដ្ឋាភិបាល។ នៅក្នុងន័យនេះ រាជរដ្ឋាភិបាលតាមរយៈស្ថាប័នពាក់ព័ន្ធដែលមានក្រសួងការបរទេស និងសហប្រតិបត្តិការអន្តរជាតិ ក្រសួងកសិកម្ម ក្រសួងអប់រំ យុវជន និងកីឡា ស្ថាប័នចារកិច្ចក្រសួងការពារជាតិ និងស្ថាប័នពាក់ព័ន្ធរបស់កម្ពុជា បានតាមដានសភាពការណ៍ទាំងអស់ ទាំងយប់ទាំងថ្ងៃ ចាប់តាំងពីសភាពការណ៍ផ្ទុះឡើងនៅប្រទេសអ៊ីស្រាអែល ដោយបានខិតខំគ្រប់មធ្យោបាយ ដើម្បីធានាសុវត្ថិភាពរបស់បងប្អូនយើងនៅទីនោះ»។
សម្តេចធិបតី ហ៊ុន ម៉ាណែត មានប្រសាសន៍បន្តថា «គោលដៅ៣ ទី១- កំណត់ឱ្យបានចំនួននិងអត្តសញ្ញាណរបស់ប្រជាជនខ្មែរកំពុងមានវត្តមាននៅប្រទេសអ៊ីស្រាអែល ពិសេសនិស្សិតខ្មែរ។ ទី២- ព្យាយាមទំនាក់ទំនងជាមួយពលរដ្ឋ និងនិស្សិតខ្មែរ ដើម្បីទទួលបានព័ត៌មានថា តើពួកគេមានសុវត្ថិភាព ឬយ៉ាងណា? និងកំណត់ថា ពួកគេកំណត់ស្ថិតនៅក្នុងតំបន់សុវត្ថិភាព ឬតំបន់ក្រហមដែលមានជម្លោះ។ នៅក្នុងករណីមានប្រជាជន និងនិស្សិតខ្មែរយើងថា មានវត្តមាននៅតំបន់ក្រហម គឺត្រូវព្យាយាមទំនាក់ទំនងជាមួយអាជ្ញាធរអ៊ីស្រាអែល ដើម្បីជួយសង្គ្រោះ និងជម្លៀសពួកគេចេញពីតំបន់ក្រហមទៅកាន់តំបន់មានសុវត្ថិភាពឱ្យបានលឿនបំផុត តាមដែលអាចធ្វើទៅបាន»។
សម្តេចធិបតី ហ៊ុន ម៉ាណែត មានប្រសាសន៍បន្តទៀតថា «ជាលទ្ធផល គិតត្រឹមម៉ោង៧ព្រឹកនេះ ថ្ងៃទី១០ ខែតុលា ឆ្នាំ២០២៣ យើងកំណត់បានចំនួនប្រជាពលរដ្ឋមានវត្តមាននៅអ៊ីស្រាអែលចំនួន៤៥៤នាក់ បូកនឹងអ្នកស្លា.ប់ម្នាក់ (និស្សិតខ្មែរដែលស្លា.ប់កាលពីថ្ងៃទី៧ ខែតុលា)។ នៅក្នុងចំណោម៤៥៤នាក់នោះ គឺទាក់ទងបានទាំងអស់។ ក្នុងចំណោមជនជាតិខ្មែរ ៤៥៤នាក់នោះ គឺមាន៣២៣នាក់ ត្រូវបានជួយ និងបានចល័តដល់ទីតាំងមានសុវត្ថិភាពហើយ និង១៣៣នាក់ទៀត ស្ថិតនៅទីតាំងមានហានិភ័យនៅឡើយ ដោយសារទីតាំងមានលឺសូរសំឡេងប្រយុទ្ធគ្នាម្តងម្កាល»។
នៅក្នុងសារសំឡេងពិសេសនោះ សម្តេចមហាបវរធិបតី ហ៊ុន ម៉ាណែត ក៏បានបញ្ជាក់ជូនថារាជរដ្ឋាភិបាលនៅបន្តតាមដាននិងយកចិត្តទុកដាក់ខ្ពស់ក្នុងការជួយដល់ពលរដ្ឋខ្មែរកំពុងមានវត្តមាននៅប្រទេសអ៊ីស្រាលអែល ព្រមទាំងអះអាងថា សូមឱ្យពលរដ្ឋខ្មែរ និងនិស្សិតខ្មែរ ទាំងអស់មានការជឿជាក់លើសមត្ថភាពរបស់អាជ្ញាធរអ៊ីស្រាអែល ដែលជាម្ចាស់ផ្ទះ ក្នុងការធានាសុវត្ថិភាពជូនប្រជាពលរដ្ឋទាំងអស់ រួមទាំងប្រជាពលរដ្ឋអ៊ីស្រាអែល និងគ្រប់ជនជាតិដែលរស់នៅលើទឹកដីអ៊ីស្រាអែល រួមទាំងបងប្អូនខ្មែរយើងផងដែរ។
សម្តេចធិបតី ហ៊ុន ម៉ាណែត បានបញ្ជាក់បន្ថែមថា រដ្ឋាភិបាលអ៊ីស្រាអែលបានអះអាងចំពោះបណ្តាប្រទេសដែលមានប្រជាពលរដ្ឋនៅក្នុងប្រទេសអ៊ីស្រាអែល ថាអ៊ីស្រាអែលមានសមត្ថភាពគ្រប់គ្រាន់ក្នុងការធានាសុវត្ថិភាពជូនប្រជាពលរដ្ឋគ្រប់រូបនៅក្នុងប្រទេសអ៊ីស្រាអែល រដ្ឋាភិបាលអ៊ីស្រាអែលនឹងជួយជនបរទេសនៅប្រទេសអ៊ីស្រាអែលដូចគ្នានឹងការជួយប្រជាពលរដ្ឋអ៊ីស្រាអែលផងដែរ។
សម្តេចនាយករដ្ឋមន្ត្រីនៃព្រះរាជាណាចក្រកម្ពុជា ក៏បានថ្លែងផងដែរថា «ខ្ញុំសង្ឃឹមថា ការប្រយុទ្ធគ្នានឹងបញ្ចប់នៅក្នុងពេលឆាប់ៗខាងមុខ តាមរយៈការរកដំណោះស្រាយនិងការចរចាគ្នា ជជាងការប្រើប្រាស់អាវុធ និងការដោះលែងចំណាត់ខ្មាំងនិងជនស៊ីវិលទាំងអស់ឱ្យមានសុវត្ថិភាព»។
ក្នុងសារសម្លេងនោះ សម្តេចធិបតីក៏បានក្រើនរម្លឹកពលរដ្ឋខ្មែរឱ្យដឹងផងដែរថា ស្ថានភាពកំពុងកើតមាននៅអ៊ីស្រាអែល ឆ្លុះបញ្ចាំងយ៉ាងច្បាស់អំពីតម្លៃនៃសន្តិភាព ដែលយើងទាំងអស់គ្នាត្រូវរួមគ្នាថែរក្សានិងការពារជាដាច់ខាត កុំឱ្យកើតមានសង្គ្រាមនៅលើទឹកដីកម្ពុជាយើង។
មុនបញ្ចប់សារសម្លេងពិសេសនោះ សម្តេចធិបតី ហ៊ុន ម៉ាណែត បានបញ្ជាក់សារជាថ្មីថា សុវត្តិភាពរបស់ពលរដ្ឋនិងនិស្សិតខ្មែរនៅអ៊ីស្រាអែលជារឿងអាទិភាពខ្ពស់បំផុតដែលរាជរដ្ឋាភិបាលកម្ពុជាយកចិត្តទុកដាក់ ហើយថ្នាក់ដឹកនាំកម្ពុជានៅបន្តតាមដានយកចិត្តទុកដាក់និងចាត់វិធានការចាំបាច់ឱ្យទាន់ពេលវេលា ដោយសហការជាមួយអាជ្ញាធរអ៊ីស្រាអែលដើម្បីធានាសុវត្ថិភាពរបស់ប្រជាពលរដ្ឋខ្មែរ និងនិស្សិតខ្មែរកំពុងមានវត្តមាននៅអ៊ីស្រាអែល។
សូមបញ្ជាក់ថា អ៊ីស្រាអែលបានប្រកាសដាក់ប្រទេសក្នុងស្ថានភាពសង្រ្គាម បន្ទាប់ពីត្រូវរងស្រោចដោយគ្រាប់រ៉ូកែតរបស់ចលនាហាម៉ាសប៉ាឡេស្ទីន ដែលគ្រប់គ្រងតំបន់ហ្កាហ្សា តាំងពីព្រឹកព្រលឹមថ្ងៃទី ៧ តុលា។ តាមតុល្យការបឋមរបស់កងទ័ពអ៊ីស្រាអែល ការវាយប្រហាររបស់ក្រុមហាម៉ាសទៅលើទឹកដីភាគខាងត្បូងអ៊ីស្រាអែលបានសម្លាប់មនុស្សជាច្រើន និងរបួសរាប់រយនាក់ផងដែរ។
គួររម្លឹកផងដែរថា និស្សិតកម្ពុជា ម្នាក់ឈ្មោះ ចាន់ ឧត្តម ជានិស្សិតឆ្នាំទី៣ មហាវិទ្យាល័យវេជ្ជសាស្រ្តសត្វ នៃសាកលវិទ្យាល័យភូមិន្ទកសិកម្ម ក៏បានទទួលមរណភាពនៅក្នុងហេតុការណ៍វាយប្រហាររបស់ក្រុម Hamas មកលើប្រទេសអ៉ីស្រាអ៊ែលផងដែរ៕
ចែករំលែកព័តមាននេះ