ក្រុមហាម៉ាស់វាយប្រហារលើអ៊ីស្រាអែល ស្លា.ប់ជាង១ពាន់នាក់ មានទាំងអាមេរិកច្រើននាក់
ប្រទេសអ៊ីស្រាអែល-ប៉ាឡេស្ទីន ៖ តាមAFP ថា តុល្យការនៃវាយលុករបស់ក្រុមហាម៉ាស់លើអីុស្រាអែល
ប្រទេសអ៊ីស្រាអែល-ប៉ាឡេស្ទីន ៖ តាមAFP ថា តុល្យការនៃវាយលុករបស់ក្រុមហាម៉ាស់លើអីុស្រាអែល កើនកាន់តែខ្ពស់មិនឈប់ ។ ពេលដែលកងទ័ពអីុស្រាអែលប្រកាសថា ជនជាតិខ្លួនដល់ទៅជាង៧០០នាក់ស្លាប់ អាមេរិកអះអាងពីការស្លាប់នៃជនជាតិអាមេរិកច្រើននាក់ ។ នេះជាការអះអាងកាលពីថ្ងៃទី៨ តុលា របស់អ្នកនាំពាក្យម្នាក់នៃក្រុមប្រឹក្សាសន្តិសុខជាតិអាមេរិក ។
អ្នកនាំពាក្យរូបនេះបន្តថា យើងសូមចូលរួមមរណទុក្ខជាមួយសាច់ញាតិគ្រួសារជនរងគ្រោះយើងទាំងនេះ ។ តាមសារព័ត៌មានអាមេរិកជាច្រើន ក្នុងនោះមាន CNN ថា ជនជាតិអាមេរិកយ៉ាងតិច៤នាក់ស្លាប់ ។ ក្នុងចំណោមជនបរទេសដែលស្លាប់ ក៏មានជនជាតិកម្ពុជាម្នាក់ នារីបារាំងម្នាក់ នេប៉ាល់១០នាក់់ព្រមទាំងជនជាតិនៃប្រទេសដទៃៗទៀត ។ ក្រសួងការបរទេសកាណាដារាយការណ៍ពីជនជាតិខ្លួនម្នាក់ស្លាប់ និងបាត់ខ្លួន២នាក់ ។ ចំណែកជនជាតិថៃ២នាក់ស្លាប់និង១១នាក់ត្រូវចាប់ជាចំណាប់ខ្មាំង ។
ចំពោះសង្គ្រាមថ្មីនេះរវាងពួកហាម៉ាស់ប៉ាឡេស្ទីននិងអ៊ីស្រាអែល សហរដ្ឋអាមេរិកចាប់ផ្ដើមនាថ្ងៃទី៨ តុលា បញ្ជូនជំនួយយោធាដល់អ៊ីស្រាអែលជាមួយគ្រាប់រំសេវថ្មីៗ ហើយកងនាវាចម្បាំងអាមេរិកមួយកង កំពុងរំកិលមកកាន់សមុទ្រមេឌីទែរ៉ាណេ ក្នុងនោះមាននាវាផ្ទុកយន្តហោះ USS GERALD FORD ។
សហរដ្ឋអាមេរិកកាលពីថ្ងៃទី៨ តុលា អំពាវនាវដល់សមាជិកទាំងអស់នៃក្រុមប្រឹក្សាសន្តិសុខអ.ស.ប ដែលរួមប្រជុំជាបន្ទាន់ ឲ្យថ្កោលទោសយ៉ាងម៉ឺងម៉ាត់ ការវាយលុករបស់ក្រុមហាម៉ាស់ប៉ាឡេស្ទីនលើអីុស្រាអែល ។
អ៊ីស្រាអែលកាលពីថ្ងៃទី៨ តុលា បានប្រកាសសង្គ្រាមជាផ្លូវការជាមួយក្រុមហាម៉ាស់ ក្រោយការ
វាយលុកមិនឲ្យដឹងខ្លួនរបស់ក្រុមនេះក្នុងទ្រង់ទ្រាយដ៏ធំនិងសាហាវមួយ ។ នាយករដ្ឋមន្ត្រីអ៊ីស្រាអែល លោកបេនចាមីននេតាន់យ៉ាហ៊ូ អះអាងថា សង្គ្រាមនោះអាចមានរយៈពេលយូរមួយ ។ សង្គ្រាមនោះមកទល់ពេលនេះបណ្ដាលឲ្យមនុស្សស្លាប់សរុបដល់ជាង១១០០នាក់ហើយ។
អាជ្ញាធរប៉ាឡេស្ទីននៅហ្គាហ្សាលើកឡើងពីជនប៉ាឡេស្ទីនស្លាប់៤១៣នាក់ក្នុងនោះមានកុមារ៧៨
នាក់ និងនារី៤១នាក់ ។ ម្យ៉ាងទៀតជនប៉ាឡេស្ទីន២៣០០នាក់រងរបួស ៕
ចែករំលែកព័តមាននេះ