កីឡាអាស៊ីលើកទី១៩ ៖ ថៃបញ្ចប់ក្នុងនាមប្រទេសអាស៊ានឈ្នះមេដាយច្រើនជាងគេ
ចិន ៖ ព្រឹត្តិការណ៍កីឡាអាស៊ីលើកទី១៩ ឆ្នាំ២០២២ (Asian Games) ដែលធ្វើឡើងនៅទីក្រុងហាំងចូវ
ចិន ៖ ព្រឹត្តិការណ៍កីឡាអាស៊ីលើកទី១៩ ឆ្នាំ២០២២ (Asian Games) ដែលធ្វើឡើងនៅទីក្រុងហាំងចូវ
ចិន ៖ ព្រឹត្តិការណ៍កីឡាអាស៊ីលើកទី១៩ ឆ្នាំ២០២២ (Asian Games) ដែលធ្វើឡើងនៅទីក្រុងហាំងចូវ ប្រទេសចិន បានធ្វើពិធីបិទជាស្ថាពរហើយ កាលពីថ្ងៃទី៨ ខែតុលា ឆ្នាំ២០២៣ ពោលបន្ទាប់ពីចំណាយពេល១៥ថ្ងៃ ចាប់តាំងពីពិធីបើកកាលពីថ្ងៃទី២៣ ខែវិច្ឆិកា ឆ្នាំ២០២៣ កន្លងទៅ ត្បិតព្រឹត្តិការណ៍មួយនេះ ត្រូវបានពន្យារពេល១២ខែ ដោយសារតែជំងឺរាតត្បាតកូវីដ-១៩។
ជាលទ្ធផលបញ្ចប់ទៅដោយម្ចាស់ផ្ទះចិន កាន់កាប់កំពូលតារាងមេដាយសរុបជាផ្លូវការ ដោយដណ្តើមមេដាយសរុប ៣៨៣គ្រឿង មាស ២០១ ប្រាក់ ១១១ និងសំរឹទ្ធ ៧១ តាមពីក្រោយដោយជប៉ុន ឈ្នះមេដាយសរុប ១៨៨គ្រឿង មាស ៥២ ប្រាក់ ៦៧ និងសំរឹទ្ធ ៦៩ ចំណែកលេខ ៣ កូរ៉េខាងត្បូង ឈ្នះមេដាយសរុប ១៩០គ្រឿង មាស ៤២ ប្រាក់ ៥៩ និងសំរឹទ្ធ ៨៩។ លេខ៤ ឥណ្ឌា ឈ្នះមេដាយសរុប ១០៧គ្រឿង មាស ២៨ ប្រាក់ ៣៨ និងសំរឹទ្ធ ៤១ និងលេខ៥ អ៊ូសបេគីស្ថាន ឈ្នះមេដាយសរុប ៧១គ្រឿង មាស ២២ ប្រាក់ ១៨ និងសំរឹទ្ធ ៣១។
ដោយឡែកប្រទេសថៃ បញ្ចប់ទៅក្នុងនាមជាប្រទេសតំបន់អាស៊ានឈ្នះមេដាយច្រើនជាងគេ និងនៅចំណាត់ថ្នាក់លេខ ៨ ក្នុងតារាងសរុប បន្ទាប់ពីឈ្នះមេដាយសរុប ៥៨គ្រឿង មាស ១២ ប្រាក់ ១៤ និងសំរឹទ្ធ ៣២ តាមពីក្រោយដោយ ឥណ្ឌូនេស៊ី ឈរនៅលេខ ១៣ ឈ្នះមេដាយសរុប ៣៦គ្រឿង មាស ៧ ប្រាក់ ១១ និងសំរឹទ្ធ ១៨។ ម៉ាឡេស៊ី ឈរនៅលេខ ១៤ ឈ្នះមេដាយសរុប ៣២គ្រឿង មាស ៦ ប្រាក់ ៨ និងសំរឹទ្ធ ១៨។ ហ្វីលីពីន ឈរនៅលេខ ១៧ ឈ្នះមេដាយសរុប ៣២គ្រឿង មាស ៤ ប្រាក់ ២ និងសំរឹទ្ធ ១២។
សិង្ហបុរី ឈរនៅលេខ ២០ ឈ្នះមេដាយសរុប ១៦គ្រឿង មាស ៣ ប្រាក់ ៦ និងសំរឹទ្ធ ៧។ វៀតណាម ឈរនៅលេខ ២១ ឈ្នះមេដាយសរុប ២៧គ្រឿង មាស ៣ ប្រាក់ ៥ និងសំរឹទ្ធ ១៩។ មីយ៉ាន់ម៉ា ឈរនៅលេខ ២៧ ឈ្នះមេដាយសរុប ៣គ្រឿង មាស ១ និងសំរឹទ្ធ ២។ ប្រ៊ុយណេ ឈរនៅលេខ ៣២ ឈ្នះមេដាយសរុប ២គ្រឿង ប្រាក់ ១ និងសំរឹទ្ធ ១។ ឡាវ ឈរនៅលេខ ៣៥ ឈ្នះមេដាយសំរឹទ្ធ ៣គ្រឿង និងកម្ពុជា ឈរនៅលេខ ៣៨ ឈ្នះមេដាយសំរឹទ្ធ ១គ្រឿង។
ប្រទេសជប៉ុន នឹងទទួលរៀបចំព្រឹត្តិការណ៍កីឡាអាស៊ីលើកទី២០ ដែលនឹងធ្វើឡើងនៅក្នុងខេត្តអៃឈិ (Aichi) និងរដ្ឋធានីណាហ្គូយ៉ា (Nagoya) នៃខេត្តមួយនេះ ចាប់ពីថ្ងៃទី១៩ ខែកញ្ញា រហូតដល់ថ្ងៃទី៤ ខែតុលា ឆ្នាំ២០២៦៕
ចែករំលែកព័តមាននេះ