ស្ត្រីម្នាក់ត្រូវបុរសជាប្ដីកា.ប់ចំនួន៣កាំបិ.ត បណ្ដាលឱ្យស្លា.ប់ភ្លាមៗនៅលើផ្ទះតែម្ដង ដោយសារតែទំនាស់ពាក្យសម្ដីបន្តិចបន្តួច ខណៈពេលត្រឡប់មកពីផឹកស៊ីស្រវឹងដូចគ្នា។ ហេតុការណ៍នេះ បង្កឱ្យមានការភ្ញាក់ផ្អើល
ខេត្តព្រៃវែង ៖ ស្ត្រីម្នាក់ត្រូវបុរសជាប្ដីកា.ប់ចំនួន៣កាំបិ.ត បណ្ដាលឱ្យស្លា.ប់ភ្លាមៗនៅលើផ្ទះតែម្ដង ដោយសារតែទំនាស់ពាក្យសម្ដីបន្តិចបន្តួច ខណៈពេលត្រឡប់មកពីផឹកស៊ីស្រវឹងដូចគ្នា។ ហេតុការណ៍នេះ បង្កឱ្យមានការភ្ញាក់ផ្អើលកាលពីវេលាម៉ោង១រសៀល ថ្ងៃទី៨ ខែតុលា ឆ្នាំ២០២៣ នៅលើផ្ទះជនរងគ្រោះ ស្ថិតក្នុងភូមិសង្គ្រោះ ឃុំស្វាយភ្លោះ ស្រុកពាមជរ ខេត្តព្រៃវែង។
បុរសជាប្ដីខាងលើមានឈ្មោះ សំ រីម អាយុ៤៣ឆ្នាំ ចំណែកស្ត្រីរងគ្រោះជាប្រពន្ធមានឈ្មោះ មុត គីមឡាង អាយុ៤១ឆ្នាំ ត្រូវបុរសជាប្តីកា.ប់ចំនួន៣កាំបិ.ត ចំស្មាខាងឆ្វេង១កាំបិ.ត, ចំក.ដៃខាងឆ្វេង១កាំបិ.ត និងចំម្រាមដៃស្តាំ១កាំបិ.ត បណ្តាលឲ្យស្លា.ប់ភ្លាមៗនឹងនៅលើផ្ទះរបស់ខ្លួនតែម្តង។
បើតាមការបញ្ជាក់ពីខាងអាជ្ញាធរ បានឱ្យដឹងថា ប្ដីប្រពន្ធទាំង២នាក់ខាងលើនេះ មានកូនចំនួន៤ក់ (កូនប្រុសម្នាក់ និងស្រី៣នាក់) ក្នុងនោះកូនប្រុសពៅ និងកូនស្រីបន្ទាប់ពីពៅ មានជំងឺសរសៃប្រាសាទ ជាមនុស្សមិនគ្រប់ទឹក បច្ចុប្បន្នកូនប្រុសពៅ ដែលមិនគ្រប់ទឹក រស់នៅជាមួយឪពុកម្ដាយ ចំណែកកូនស្រីម្នាក់ទៀតដែលមិនគ្រប់ទឹកដូចគ្នា ត្រូវបានបងៗយកទៅរស់នៅជាមួយនៅឯរាជធានីភ្នំពេញ។
ពាក់ព័ន្ធករណីអំពើហិ.ង្សា រហូតបណ្តាលឲ្យស្ត្រីជាប្រពន្ធស្លា.ប់ខាងលើនេះ ត្រូវបានសមត្ថកិច្ចបញ្ជាក់ប្រាប់ឱ្យដឹងថា គ្រួសារមួយនេះ ផឹកស្រាទាំងប្តីទាំងប្រពន្ធស្រវឹងខួបរាល់ថ្ងៃ ហើយដើមហេតុនៃជម្លោះនេះ គឺដោយសារពេលត្រឡប់ពីផឹកស្រាវិញ ទាំងប្ដី និងទាំងប្រពន្ធ គឺស្រវឹងដូចគ្នា ហើយគ្មានអ្នកណាធ្វើម្ហូបដាំបាយឡើយ ទើបធ្វើឱ្យបុរសជាប្ដីខឹងជេ.រប្រពន្ធ រហូតឈ្លោះប្រកែកគ្នាកើតជាអំពើហិ.ង្សាបែបនេះតែម្ដង។
បច្ចុប្បន្ន ជនសង្ស័យត្រូវបានកម្លាំងអធិការដ្ឋាននគរបាលស្រុកពាមជរ ចាប់ឃាត់ខ្លួនកសាងសំណុំរឿងចាត់ការទៅតាមនីតិវិធីនៃច្បាប់។
ចែករំលែកព័តមាននេះ