ខេត្តស្វាយរៀង ៖ អនុវត្តតាមបទបញ្ជាដ៏ខ្ពង់ខ្ពស់របស់ឯកឧត្តមនាយឧត្តមសេនីយ៍ ស ថេត អគ្គស្នងការ នៃអគ្គស្នងការដ្ឋាននគរបាលជាតិ ព្រឹកថ្ងៃទី១៨ ខែវិច្ឆិកា ឆ្នាំ២០២៥…
ខេត្តស្វាយរៀង ៖ អនុវត្តតាមបទបញ្ជាដ៏ខ្ពង់ខ្ពស់របស់ឯកឧត្តមនាយឧត្តមសេនីយ៍ ស ថេត អគ្គស្នងការ នៃអគ្គស្នងការដ្ឋាននគរបាលជាតិ ព្រឹកថ្ងៃទី១៨ ខែវិច្ឆិកា ឆ្នាំ២០២៥ លោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង បានដឹកនាំកម្លាំងនគរបាល នៃស្នងការដ្ឋាននគរបាលខេត្តស្វាយរៀង សហការជាមួយកម្លាំងនាយកដ្ឋានព្រហ្មទណ្ឌ នៃក្រសួងមហាផ្ទៃ កម្លាំងអនុរក្សពន្ធនាគារខេត្ត និងកម្លាំងកងរាជអាវុធហត្ថខេត្ត ចុះប្រតិបត្តិការបង្ក្រាបករណីរំដោះជនជាប់ឃុំជនជាតិវៀតណាម ចំនួន០៦នាក់ ប្រុស (ជនជាតិវៀតណាម៥នាក់ និងជនជាតិខ្មែរ ០១នាក់) ដែលបានឃុំខ្លួនកាលពីថ្ងៃទី២០ ខែមករា ឆ្នាំ២០២៥ បទល្មើស ចាប់ឃុំឃាំង និងបង្ខាំងដោយខុសច្បាប់មានស្ថានទម្ងន់ទោស និងប្រើប្រាស់ដោយខុសច្បាប់នូវសារធាតុញៀនដោយខុសច្បាប់ ។
ជាលទ្ធផល កម្លាំងចម្រុះ បានស្រាវជ្រាវ និងបានឃាត់ខ្លួនជនជាប់ឃុំ(០៦នាក់) និងស្ត្រីម្នាក់ ជាអ្នករំដោះ សរុបចំនួន ០៧នាក់ ស្រី០១នាក់។ ក្នុងកិច្ចប្រតិបត្តិការនេះកម្លាំងចម្រុះ បានសហការបានយ៉ាងល្អ លឿនរហ័ស រហូតប្រតិបត្តិការណ៍ទទួលបានជោគជ័យ ៕
ចែករំលែកព័តមាននេះ