ឮសំឡេងទឹកហូរក្នុងបន្ទប់ឡៅតឿ ឪពុកឆ្ងល់ឡើងទៅមើលឃើញកូនស្រី ស្លុ.តចិត្ត
- ភ្នំពេញ
រាជធានីភ្នំពេញ ៖ យុវនារីជាសិស្សថ្នាក់ទី១២ម្នាក់បានដួលនៅក្នុងន្ទប់ទឹកជាន់ឡៅតឿ ហើយក្រុមគ្រួ
រាជធានីភ្នំពេញ ៖ យុវនារីជាសិស្សថ្នាក់ទី១២ម្នាក់បានដួលនៅក្នុងន្ទប់ទឹកជាន់ឡៅតឿ ហើយក្រុមគ្រួ
រាជធានីភ្នំពេញ ៖ យុវនារីជាសិស្សថ្នាក់ទី១២ម្នាក់បានដួលនៅក្នុងន្ទប់ទឹកជាន់ឡៅតឿ ហើយក្រុមគ្រួសារបានដឹកបញ្ជូនទៅកាន់គ្លីនិក២កន្លែងដើម្បីសង្គ្រោះដែរ ប៉ុន្តែគ្លីនិកទាំងនោះសុទ្ធតែអត់ហ៊ានទទួលព្យាបាលឡើយ ព្រោះឃើញស្ថានភាពធ្ងន់ធ្ងរពេក ។ បន្ទាប់មកក្រុមគ្រួសារក៏បានដឹកបន្តទៅកាន់មន្ទីរពេទ្យព្រះកុសុមៈ លុះពេលទៅដល់ក្រុមគ្រូពេទ្យបានពិនិត្យមើលភ្លាមៗ ហើយបានប្រាប់ថា នាងបានស្លា.ប់បាត់ទៅហើយ ទើបដឹកស.ពត្រឡប់មកផ្ទះវិញទាំងការសោកសៅបំផុត។
ហេតុការណ៍ខាងលើនោះបានកើតឡើងកាលពីវេលាម៉ោង៣និង៣០នាទីឈានចូលព្រឹកថ្ងៃទី៩ ខែតុលា ឆ្នាំ២០២៣ នៅចំណុចផ្ទះលេខ៩ ផ្លូវបេតុង ភូមិត្រពាំងថ្លឹង៣ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ។
យុវនារីរងគ្រោះខាងលើឈ្មោះ ភារម្យ ស្រីវៃ អាយុ១៩ឆ្នាំ ជាសិស្សថ្នាក់ទី១២ មានទីលំនៅផ្ទះកើតហេតុ មានឳពុកឈ្មោះ នាង ភារម្យ អាយុ៤៦ឆ្នាំ មុខរបរលក់ដូរ និងម្តាយឈ្មោះ សេង ចាន់ធា អាយុ៤២ឆ្នាំ មុខរបរលក់ដូរ ។
តាមប្រភពពីឪពុករបស់យុវនារីរងគ្រោះបានឱ្យដឹងថា កូនស្រីគាត់ដេកនៅក្នុងបន្ទប់ឡៅតឿ ហើយនៅពេលកើតហេតុ គាត់បានឮសម្លេងទឹកហូរនៅក្នុងបន្ទប់ទឹកជាន់ឡៅតឿនោះ ដោយមានការងឿងឆ្ងល់គាត់ក៏ក្រោកឡើងទៅមើល ស្រាប់តែប្រទះឃើញកូនស្រី ដួលផ្កាប់មុខនៅក្នុងបន្ទប់ទឹកស្ថិតក្នុងអាការៈសន្លប់ ។ ពេលនោះគាត់បានស្រែកហៅប្រពន្ធនិងសមាជិកគ្រួសារទាំងអស់ បង្កការភ្ញក់ផ្អើលឆោឡោយ៉ាងខ្លាំង បន្ទាប់មកបាននាំគ្នាដឹកយកកូនស្រីទៅកាន់គ្លីនិកមួយនៅក្បែរនោះ ប៉ុន្តែពេលទៅដល់ពេទ្យមិនហ៊ានទទួលព្យាបាលទេ ព្រោះឃើញអាការៈធ្ងន់ពេក។
ប្រភពដដែលបានបន្តទៀតថា ពួកគាត់ក៏បានដឹកកូនបន្តទៅកាន់គ្លីនិកមួយកន្លែងទៀតហើយពេលទៅដល់ក៏ពេទ្យនៅតែមិនទទួលដដែល ក៏សម្រេចដឹកបញ្ជូនទៅមន្ទីរពេទ្យព្រះកុសុមៈបន្តទៀត លុះពេលទៅដល់ ក្រុមគ្រូពេទ្យបានពិនិត្យមើលភ្លាមៗ ហើយប្រាប់ថាកូនស្រីរបស់គាត់បានស្លា.ប់បាត់ទៅហើយ ទើបដឹកស.ពកូនស្រីត្រឡប់មកផ្ទះវិញទាំងការសោកស្ដាយនិងរាយការណ៍ជូនអាជ្ញាធរនិងសមត្ថកិច្ចបានដឹង ។
ក្រោយទទួលបានដំណឹងនោះភ្លាម នគរបាលប៉ុស្តិ៍ចោមចៅទី១ និងនគរបាលខណ្ឌពោធិ៍សែនជ័យ បានចុះទៅកាន់ផ្ទះកើតហេតុនិងធ្វើការពិនិត្យជាក់ស្ដែង និងបានបញ្ជាក់ថា យុវនារីរូបនោះស្លា.ប់ដោយសារខ្យល់គ ចំណែកក្រុមគ្រួសារបានសុំយកស.ពធ្វើបុណ្យតាមប្រពៃណី ដោយពុំមានការប្តឹងផ្តល់អ្វីឡើយ ៕
ចែករំលែកព័តមាននេះ