សង្គ្រាមរវាងហាម៉ាស់-អ៊ីស្រាអែល ស្លា.ប់់ជាង៧០០នាក់ និង១៥០នាក់ត្រូវចាប់ជាចំំណាប់ខ្មាំង
ប្រទេសអ៊ីស្រាអែល-បាឡេស្ទីន ៖ អ្នកនាំពាក្យម្នាក់របស់កងទ័ពអ៊ីស្រាអែល គូសបញ្ជាក់ប្រាប់សារ
ប្រទេសអ៊ីស្រាអែល-បាឡេស្ទីន ៖ អ្នកនាំពាក្យម្នាក់របស់កងទ័ពអ៊ីស្រាអែល គូសបញ្ជាក់ប្រាប់សារព័ត៌មានបារាំងBFMTV កាលពីថ្ងៃទី៨ តុលា ម្សិលមិញនេះថា ជនជាតិអ៊ីស្រាអែលច្រើនសិបនាក់នៅជាប់ជាចំណាប់ខ្មាំងរបស់ ក្រុមហាម៉ាស់ប៉ាឡេស្ទីន នៅជ្រោយហ្គាហ្សា ក្រោយការការវាយលុកមិនឲ្យដឹងខ្លួនរបស់ក្រុមនេះ កាលពីចុងសប្ដាហ៍កន្លងទៅប្រឆាំងអ៊ីស្រាអែល។ សារព័ត៌មានបារាំងនោះលើកឡើងពីមនុស្សជិត១៥០នាក់ត្រូវចាប់ពង្រាត់។
អ្នកនាំពាក្យរូបនោះ លោកOLIVIER RAFOWICZ ថ្លែងថា សម្រាប់ពេលនេះតាមបណ្ដាព័ត៌មានគួរឲ្យជឿជាក់ដែលយើងទទួលបានខ្ញុំអាចអះអាងថា មនុស្សក្នុងចំនួននោះត្រូវបានពួកភេរវករក្រុមហាម៉ាស់និងក្រុមជីហាដអ៊ិស្លាមប៉ាឡេស្ទីនចាប់ពង្រាត់។ យើងនឹងធ្វើអ្វីគ្រប់យ៉ាងដើម្បីរំដោះចំណាប់ខ្មាំងទាំងនេះ។ ក្នុងចំណោមមនុស្សត្រូវចាប់ពង្រាត់ក៏មានជនជាតិអាមេរិកផងដែរ។
ប៉ុន្មានម៉ោងមុននេះ រដ្ឋាភិបាលអ៊ីស្រាអែល ធ្លាប់គូសបញ្ជាក់ថា មនុស្សជាង១០០នាក់កំពុងស្ថិតក្នុងដៃក្រុមហាម៉ាស់។ តាំងពីចាប់ផ្ដើមការវាយប្រហារលើអ៊ីស្រាអែលមក ក្រុមហាម៉ាស់បានបង្ខាំងទុកចំណាប់ខ្មាំងប្រមាណ១៥០នាក់។ ឯកអគ្គរដ្ឋទូតអ៊ីស្រាអែលប្រចាំសហរដ្ឋអាមេរិក លោកSMICHAL HERZOG គូសបញ្ជាក់កាលពីថ្ងៃទី៨តុលាថា ជនជាតិអាមេរិកមួយចំនួនក៏ស្ថិតក្នុងចំណោមចំណាប់ខ្មាំងដែរ។ ពេលសួរពីរឿងនេះឯកអគ្គរដ្ឋទូតរូបនោះថ្លែងតាមទូរទស្សន៍អាមេរិកCBSថា ក្នុងចំណោមចំណាប់ខ្មាំងដែលចាប់ពង្រត់នៅភាគខាងត្បូងអ៊ីស្រាអែល មានទាំងជនស៊ីវិលនិងយោធា ហើយក៏មានជនជាតិអាមេរិកដែរ តែយើងមិនអាចនិយាយលម្អិតបាន។
តុល្យការថ្មីរបស់ក្រសួងសុខាភិបាល អ៊ីស្រាអែល រៀបរាប់ពីមនុស្សយ៉ាងតិច៧០០នាក់ស្លា.ប់និង២០៤៨នាក់រងរបួសដែលនោះជាតុល្យការបណ្ដោះអាសន្ននៅឡើយខាងអ៊ីស្រាអែល ៕
ចែករំលែកព័តមាននេះ