ផ្ទុះសង្គ្រាមរវាងអ៊ីស្រាអែលនិងប៉ាឡេស្ទីនក្រុមហាម៉ាស់ បា.ញ់រ៉ុក្កែតជាង៥ពាន់គ្រាប់
ប្រទេសអ៊ីស្រាអែល-បាឡេស្ទីន ៖ ប្រជាជនតាមទីក្រុងនានារបស់អ៊ីស្រាអែលចាប់ពីព្រឹកថ្ងៃទី៧ តុលា
ប្រទេសអ៊ីស្រាអែល-បាឡេស្ទីន ៖ ប្រជាជនតាមទីក្រុងនានារបស់អ៊ីស្រាអែលចាប់ពីព្រឹកថ្ងៃទី៧ តុលាមកជួបប្រទះស្នូរស៊ីរ៉ែនប្រកាសអាសន្ននិងស្នូរផ្ទុះ។ គេបានរៀបរាប់ពិការវាយលុកទ្រង់ទ្រាយធំមួយ របស់ក្រុមហាមា់ស់ប៉ាឡេស្ទីនចេញពីជ្រោយហ្កាហ្សានិងការតបតវិញយ៉ាងខ្លាំងរបស់អ៊ីស្រាអែល។
ពិភពលោកពិតជាមានការភ្ញាក់ផ្អើលដោយពួកហាម៉ាស់ប៉ាឡេស្ទីន នាថ្ងៃទី៧តុលា បានធ្វើការវាយលុកខាងយោធាគួរឲ្យភ្ញាក់ផ្អើលមួយប្រឆាំងអ៊ីស្រាអែល ដោយបាញ់គ្រាប់រ៉ុក្កែតច្រើនពាន់គ្រាប់ ហើយបញ្ជូនពួកយុទ្ធជនលុកចូលវាយប្រហារក្នុងដែនដីអ៊ីស្រាអែល។ ជាការតបតវិញអ៊ីស្រាអែលបានធ្វើការវាយប្រហារតាមអាកាស លើជ្រោយហ្គាហ្សាកាន់កាប់ត្រួតត្រាដោយក្រុមហាម៉ាស់ប៉ាឡេស្ទីន។
ប្រជាជននៃបណ្ដាមូលដ្ឋាននិងទីក្រុងអ៊ីស្រាអែល ស្ថិតនៅជុំវិញជ្រោយហ្គាហ្សា នាព្រឹកថ្ងៃនោះជួបប្រទះនឹងស្នូរស៊ីរ៉ែនប្រកាសអាសន្ន រហូតដល់ក្រុងតែលអាវីវនិងក្រុងហ្សេរុយសាឡឹម។ ចាប់ពីម៉ោង៦ព្រឹកថ្ងៃនោះមក ស្នូរស៊ីរ៉ែនប្រកាសអាសន្នលាន់ឮឥតឈប់។ មានសេចក្ដីរាយការណ៍ពីមនុស្សស្លា.ប់ច្រើនរយនាក់រួចហើយទាំងសងខាង។
ការវាយប្រហារទ្រង់ទ្រាយធំបែបនេះរបស់ពួកហាម៉ាស់់ប្រឆាំងអ៊ីស្រាអែល ពុំធ្លាប់មានឡើយតាំងពីមុនរៀងមក ទោះកាលក្នុងសង្គ្រាមឆ្នាំ២០០៨-២០០៩ក៏មិនដល់ថ្នាក់នេះដែរ។ លើកនេះគ្រាប់រ៉ុក្កែតត្រូវបានបាញ់ស្រោចដូចទឹកភ្លៀងលើអ៊ីស្រាអែល យ៉ាងឆាប់រហ័ស ក្នុងចំនួនដ៏ច្រើនដែលតាមព័ត៌មានខ្លះថាដល់ជាង៥០០០គ្រាប់ ដែលទោះបីខែលការពាររបស់របស់អ៊ីស្រាអែលក៏មិនអាចបាញ់ទម្លាក់អស់ដែរ។ ទន្ទឹមនឹងនេះកងកម្លាំងហាម៉ាស់បានសម្រុកចូលតាមជើងគោក តាមសមុទ្រនិងតាមអាកាស។ តាមអាកាសពួកហាម៉ាស់លុកចូលដោយជិះយន្តហោះស្លាបប្រើម៉ាស៊ីន។
ជាប្រវត្តិសាស្ត្រហើយដែលអ៊ីស្រាអែលទើបជួបប្រទះនឹងការជ្រៀតចូលរបស់ពួកហាម៉ាស់ដ៏ច្រើនយ៉ាងនេះ តាមជើងគោកផងនិងតាមជើងទឹកផង។ គ្រាប់រ៉ុក្កែតយ៉ាងតិច៥០០០គ្រាប់ត្រូវបានបាញ់ចេញពីជ្រោយហ្គាហ្សាស្រោចលើអ៊ីស្រាអែល ហើយពួកយុទ្ធជនហាម៉ាស់ដែលឆ្លងកាត់ព្រំដែន បានចាប់ជនស៊ីវិលនិងទាហានច្រើននាក់ជាចំណាប់ខ្លាំង។ អ៊ីស្រាអែលដែលចោទក្រុមហាម៉ាស់ថាសម្លាប់រង្កាលជនស៊ីវិលរហូតដល់ក្នុងផ្ទះ អះអាងពីអ្នកស្លា.ប់ទាំងស៊ីវិលនិងទាហានជាង២០០នាក់ និងរបួសជាង១០០០នាក់់។ ចំណែកក្រុមហាម៉ាស់រៀបរាប់នាពេលនេះពីជនប៉ាឡេស្ទីនស្លាប់២៣២នាក់និងរបួស១៦៩៧នាក់។
ចំពោះថ្ងៃវាយលុកនេះរបស់ពួកប៉ាឡេស្ទីនគឺយកថ្ងៃជានិម្មិត្តរូប២ គឺថ្ងៃដែលពួកជ្វីហ្វកំពុងធ្វើបុណ្យSIMHA TORAH និងថ្ងៃកំណត់ពីការវាយប្រហារលើអីុស្រាល កាលពីថ្ងៃទី៦តុលាឆ្នាំ១៩៧៣ ដែលនោះជាថ្ងៃវាយប្រហារមិនឲ្យដឹងខ្លួនមុនដែរ ចំថ្ងៃបុណ្យYOM KIPPOUR។ សង្គ្រាមរយៈពេល៣សប្ដាហ៍នោះ ខាងអ៊ីស្រាអែលស្លា.ប់ជាង៣០០០នាក់ ហើយខាងក្រុងចម្រុះស្លា.ប់៩៥០០នាក់។
ជាការតបតវិញចំពោះការវាយប្រហារមិនឲ្យដឹងខ្លួនមុនលើកនេះមានឈ្មោះថាAL-AQSA កងទ័ពអាកាសអ៊ីស្រាអែល បានវាយប្រហារកម្ទេចអគារខ្ពស់ៗនានា របស់ប៉ាឡេស្ទីន ក្នុងសង្កាត់AL-RINALនៃទីក្រុងហ្គាហ្សា។ បណ្ដាអគារមានកម្ពស់ចាប់ពីជាង១០ជាន់ទៅត្រូវរលំបាក់ បន្តបន្ទាប់គ្នាដោយសារគ្រាប់បែកអ៊ីស្រាអែល ដែលបណ្ដាលឲ្យមានពពកផ្សែងខ្មៅហុយឡើងលើគម្ពស់់ច្រើនម៉ែត្រ។
តាមកាសែតអ៊ីស្រាអែលHAARETZ ថា សកម្មជនប៉ាឡេស្ទីនច្រើនរយនាក់ត្រូវសម្លា.ប់ ដោយកងទ័ពអ៊ីស្រាអែល ក្នុងមូលដ្ឋាននានាស្ថិតនៅតាមបណ្ដោយព្រំដែនហ្គាហ្សា តាំងពីចាប់ផ្ដើមការប្រយុទ្ធគ្នាមក។ នៅមុខបណ្ដាអ្នកកាសែតនាយករដ្ឋមន្ត្រីអ៊ីស្រាអែលលោកបេនចាមីននេតាន់យ៉ាហ៊ូថ្លែងថា យើងកំពុងស្ថិតក្នុងពេលនៃសង្ក្រាម។ នេះមិនមែនជាប្រតិបត្តិការសាមញ្ញៗមួយឡើយ តែពិតជាសង្គ្រាមមួយ ៕
ចែករំលែកព័តមាននេះ