ថ្មីៗនេះ មានរឿងស្ទើរតែមិនគួរឱ្យជឿ និងនឹកស្មានមិនដល់នោះឡើយ ក្រោយពីមានយុវជនម្នាក់បានចេញមុខមកបើកទម្លាយនៅម្ហូបខ្លួនបញ្ជាកុម្ម៉ង់ទិញយកមកញ៉ាំ ដែលមានរសជាតិមិនឆ្ងាញ់ ហើយថែមទាំងមានសភាពមិនគួរឱ្យមើលទៀតផង រហូតធ្វើឱ្យដំណឹងមួយនេះ
ប្រទេសថៃ ៖ ថ្មីៗនេះ មានរឿងស្ទើរតែមិនគួរឱ្យជឿ និងនឹកស្មានមិនដល់នោះឡើយ ក្រោយពីមានយុវជនម្នាក់បានចេញមុខមកបើកទម្លាយនៅម្ហូបខ្លួនបញ្ជាកុម្មង់ទិញយកមកញ៉ាំ ដែលមានរសជាតិមិនឆ្ងាញ់ ហើយថែមទាំងមានសភាពមិនគួរឱ្យមើលទៀតផង រហូតធ្វើឱ្យដំណឹងមួយនេះ ល្បីកក្រើកនៅលើបណ្ដាញសង្គមយ៉ាងភ្លូកទឹកភ្លូកដីតែម្ដង។
នេះបើយោងទៅតាមរយៈសារព័ត៌មានដ៏ល្បីរបស់ថៃ «Khaosod» បានផ្សព្វផ្សាយប្រាប់ឱ្យដឹង នៅថ្ងៃទី៥ ខែតុលា ឆ្នាំ២០២៣នេះថា មានអ្នកយកព័ត៌មានជាច្រើននៅក្នុងប្រទេសថៃ បានរាយការណ៍ប្រាប់នៅលើពិភពអនឡាញបែបនេះថា ចំពោះបញ្ហារឿងអាហារមួយនេះ វាត្រូវបានក្លាយទៅជាបញ្ហាមួយដែលត្រូវគេយកទៅបង្ហោះ ស៊ែរចែករំលែកឥតឈប់ឈរនៅលើបណ្ដាញទំនាក់ទំនងសង្គម Internet ។
ហើយនៅពេលថ្មីៗនេះ គេប្រទះឃើញមានអ្នកប្រើប្រាស់គណនីហ្វេសប៊ុកមួយឈ្មោះថា «Nun Niya» បានចេញមុខមកបង្ហោះរូបភាព និងលាតត្រដាងប្រាប់ឱ្យគ្រប់គ្នាឃើញនៅអាហារដែលខ្លួនធ្វើការទិញយកមកញ៉ាំ ព្រមទាំងបង្ហោះសារថា ៖ «តើផាត់ថៃដ៏ល្អរបស់អ្នករាល់គ្នាមានលក្ខណៈបែបណា? ខ្ញុំបានបញ្ជាទិញ Pad Thai ហើយ តែអ្វីដែលខ្ញុំបានទិញហាក់បីដូចជា មិនដូចទៅនឹងអ្វីដែលខ្ញុំចង់បានទាល់តែសោះ?។ បញ្ជាក់បន្តិច ៖ ខ្ញុំនៅប្រទេសថៃ មិនមែននៅឥណ្ឌាទេ។ ហេតុអ្វីក៏ផាតថៃ ដែលនាងទទួលបាន មានសភាពបែបនេះទៅវិញ?»។
យ៉ាងណាមិញ អ្វីដែលនឹកស្មានមិនដល់ជាងនេះទៅទៀតនោះ បន្ទាប់ពីរូបភាព ក៏ដូចជាសារខាងលើនេះ ត្រូវបានគេផ្សព្វផ្សាយភ្លាម ក៏មានមហាជននៅក្នុងបណ្ដាញសង្គមមិនតិចនោះឡើយ នាំគ្នាសម្រុកចូលទៅខមិនបញ្ចេញមតិយ៉ាងច្រើនកុះករ បន្ទាប់ពីឃើញម្ហូបអាហារ ផាត់ថៃ ចេញថ្មី គួរឱ្យអស់ចំណើចខ្លាំងពេក ។
មហាជនជាច្រើននាំគ្នាខមិនយ៉ាងដូច្នេះថា «ដូចជាមិនដឹងថា តើត្រូវនិយាយយ៉ាងដូចម្តេចនោះទេ? ខ្ញុំពិតជាអស់អ្វីនឹងថ្លែងតែម្ដងហើយលោកអើយ ធ្វើញ៉ាំបែបនេះ កោតតែមានអ្នកទិញយកទៅញ៉ាំដែរ»។ មួយចំនួនទៀតក៏លើកឡើងថា «បើខ្ញុំស្មានមិនខុសទេនោះ ប្រហែលជាជនបរទេសលួ.ចមកបើកហាងលក់នៅប្រទេសថៃហើយមើលទៅ បានជា ផាត់ថៃ ឡើងវ៉ល់ខ្ទេចដូចម្ហូបឥណ្ឌាបែបនេះ»។
ចំណែកអ្នកខ្លះទៀត ក៏ព្រលយដាក់ទៅចំៗថា «ពិតជាគួរឱ្យអៀនខ្មាស់ខ្លាំងណាស់ មិនគួរណាវាជារបស់ជនជាតិថៃនោះទេ មុខម្ហូប ផាត់ថៃ វ៉ល់ដូចភក់អញ្ចឹង តើគេរៀននៅឯណាដែរ? ខ្ញុំពិតជាចង់ដឹងខ្លាំងណាស់? អ្នកដែលធ្លាប់ទៅទិញញ៉ាំ តើមានរសជាតិឆ្ងាញ់ ឬអត់? ខ្ញុំប្រាប់ទៅចុះ អ្នកដែលហ៊ានបើកហាងលក់ ផាត់ថៃ ពីដំបូង ត្រូវទាក់ទាញភ្ញៀវ ធ្វើឱ្យស្អាត មានអនាម័យល្អ របៀបធ្វើចេះយកចិត្តទុកដាក់ ចម្អិនធ្វើយ៉ាងម៉េចឱ្យមានរូបរាងស្រស់ស្អាត ទើបវាគួរឱ្យចង់ញ៉ាំ មិនមែនបើកហាងលើកដំបូងឱ្យគេយកទៅបង្ហោះនិយាយដើមផ្តួលបែបនេះនោះឡើយ»។
មិនត្រឹមតែប៉ុណ្ណោះ ក៏មានប្រជាជនមួយចំនួនទៀតនាំគ្នាបញ្ចេញមតិដាក់ចំៗដែរថា «ផាត់ថៃបែបបុរាណ នឹងចៀនបំពង គេត្រូវតែធ្វើរហូតដល់វាមានរសជាតិក្រអូប។ ដោយគេបានបន្ថែមជាមួយនឹងទឹកអំពិល ស្ករត្នោត ម្ទេស ទឹកត្រី បន្ទាប់មកដាក់គុយទាវចូល រួចរាល់ជាការស្រេច។ បន្ទាប់មកទៀត យើងត្រូវបន្ថែមស៊ុតទៅក្នុងបន្លែ ទើបយើងញ៉ាំទៅវាមានរសជាតិឆ្ងាញ់»។ ចំណែកមហាជនខ្លះបញ្ចេញមតិដែរថា «តែខ្ញុំគិតថា មុខម្ហូបមួយនេះ វាដូចជាអាម៉េចមិនដឹងទេ ខ្ទឹមក្រហមវាហាក់បីដូចជាហាន់ដាក់មានចំណិតធំដល់ហើយ អ្នកទាំងអស់គ្នាគិតដូចខ្ញុំអត់ តើវាមានរូបរាងធំពេកទេ?»។
ទន្ទឹមនឹងនោះដែរ បើយោងទៅតាមរយៈប៉ុស្តិ៍សារព័ត៌មាន បានបើកចំហដោយក្រុមអ្នកយកព័ត៌មានរបស់ Thairath បានបញ្ជាក់ប្រាប់ឱ្យដឹងថា «រសជាតិមុខម្ហូប ផាត់ថៃ ដែលបានញ៉ាំមិនឆ្ងាញ់ទាល់តែសោះ បើនៅហាងធំៗ គេមិនធ្វើបែបនេះនោះទេ ពីព្រោះថា វាជាហាងរបស់ថៃ បើអ្នកគេមិនដឹង គេនាំគ្នាគិតថា ម្ហូបនេះ លក់នៅក្នុងតំបន់សកលវិទ្យាល័យបាត់ទៅហើយ ព្រោះអតិថិជនភាគច្រើនជានិស្សិត»៕ ដោយ ៖ សុភា ដានេត
ចែករំលែកព័តមាននេះ