ខេត្តកំពង់ឆ្នាំង ៖ តាមសេចក្តីរាយការណ៍បឋមបានឲ្យដឹងថា កាលពីវេលាម៉ោងប្រមាណ២កន្លះ រំលងអធ្រាត្រ ឈានចូលថ្ងៃទី៥ ខែតុលា ឆ្នាំ២០២៣ នេះ មានករណីហិង្សាក្នុងគ្រួសារមួយ…
ខេត្តកំពង់ឆ្នាំង ៖ តាមសេចក្តីរាយការណ៍បឋមបានឲ្យដឹងថា កាលពីវេលាម៉ោងប្រមាណ២កន្លះ រំលងអធ្រាត្រ ឈានចូលថ្ងៃទី៥ ខែតុលា ឆ្នាំ២០២៣ នេះ មានករណីហិង្សាក្នុងគ្រួសារមួយ រវាងប្តីប្រពន្ធមានជម្លោះគ្នា ដែលផ្តើមចេញពីភ្លើងប្រចណ្ឌ ក៏បានក្លាយជាសោកនាដកម្ម ។ ប្តីបានប្រើកាំបិតបុ័ងតោអារកសម្លាប់ប្រពន្ធក្នុងថ្លុងឈាម រួចសម្រេចចិត្តចងកបញ្ចប់ជីវិតខ្លួនឯង ដែលហេតុការណ៍នេះកើតឡើងនៅភូមិបឹងលាជ ឃុំសេដ្ឋី ស្រុកសាមគ្គីមានជ័យ ខេត្តកំពង់ឆ្នាំង ។
បុរសជាប្តីមានឈ្មោះ លី ភារិន ហៅ ម៉ៅ អាយុ៣៣ ឆ្នាំ ប្រពន្ធឈ្មោះ រស់ ស្រីអូន ហៅ ពុំ អាយុ៣២ ឆ្នាំ រស់នៅភូមិ.ឃុំកើតហេតុខាងលើ ។ សេចក្តីរាយការឲ្យដឹងថាទៀតថា អ្នកជិតខាងបានដឹងឮប្តីប្រពន្ធមួយគួនោះ មានជម្លោះជាមួយគ្នាតាំងពីព្រលប់ ។ លុះព្រឹកឡើង ស្រាប់តែគេឃើញ ប្តីចងកសម្លាប់ខ្លួនជាប់នឹងចម្រឹងបង្អួចផ្ទះបាយ ដែលដំបូងនោះម្នាក់ៗ គិតថា ជាករណីអត្តឃាតកម្ម ។
បន្ទាប់ពីមានការភ្ញាក់ផ្អើលឃើញបុរសជាប្តីចងកសម្លាប់ខ្លួន សាច់ញាតិ និងអ្នកជិតខាងបាននាំគ្នាចូលទៅពិនិត្យមើលកន្លែងកើតហេតុ ស្រាប់តែក្រឡេកទៅក្នុងបន្ទប់ដេក ក៏ឃើញប្រពន្ធស្លាប់ក្នុងថ្លុកឈាមម្នាក់ទៀត ។ ក្រោយពីឃើញហេតុការដ៏រន្ធត់នោះកើតឡើងសាច់ញាតិ និងក្រុមគ្រួសារជនរងគ្រោះ បានរាយការណ៍ជូនទៅសមត្ថកិច្ចនគរបាលមូលដ្ឋាន ។
បន្ទាប់មក ក៏មានសមត្តកិច្ចចម្រុះស្រុក-ខេត្តបានចុះទៅដល់ ធ្វើការងហ៊ុមព័ទ្ធកន្លែងកើតហេតុ ដោយបង្កើតគណៈកម្មការពិនិត្យសាកសព ក្រោមការដឹកនាំបញ្ជាផ្ទាល់ពីលោកឧត្តមសេនីយ៍ទោ ស្នងការនគរបាលខេត្ត និងមានការសម្របសម្រួលពីស្ថាប័នអយ្យការអមសាលាដំបូងខេត្តកំពង់ឆ្នាំងផងដែរ ។
ចែករំលែកព័តមាននេះ