អង្គការអូតង់រាយការណ៍កាលពីថ្ងៃទី១៧ ឧសភា ថា ទាហាន៤នាក់របស់កងកម្លាំងអូតង់នៅអាហ្វហ្គានីស្ថានបានត្រូវស្លាប់កាលពីថ្ងៃទី១៦ ឧសភា ក្នុងការផ្ទុះគ្រាប់បែកច្នៃមួយគ្រាប់ក្នុងតំបន់មានអស្ថេរភាពនៅភាគខាងត្បូងអាហ្វហ្គានីស្ថាន។ ក្នុងសេចក្តីប្រកាសខ្លីមួយអូតង់បានបដិសេធមិនលាតត្រដាងពីសញ្ជាតិរបស់ជនរងគ្រោះ ដោយបញ្ជាក់ថា អូតង់ទុកឱ្យអាជ្ញាធរជាតិដែលទាក់ទិនជាអ្នកប្រកាសពីអត្តសញ្ញាណរបស់ជនរងគ្រោះ។
កងទាហានអូតង់នៅអាហ្វហ្គានីស្ថាន ដែលភាគច្រើនមកពីសហរដ្ឋអាមេរិក អង់គ្លេស កាណាដា និងអូស្ត្រាលីត្រូវបានដាក់ពង្រាយក្នុងតំបន់ភាគខាងត្បូងអាហ្វហ្គានីស្ថានក្នុងក្របខណ្ឌនៃប្រតិបត្តិការរបស់អូតង់ដើម្បីប្រយុទ្ធប្រឆាំងពួកបះបោរតាលីបង់នៅទីនោះ។ បណ្តាខេត្តនៅភាគខាងត្បូងអាហ្វហ្គានីស្ថានមានការកើនឡើងនៃសកម្មភាពរបស់ពួកបះបោររយៈពេល២ឆ្នាំចុងក្រោយនេះ។ សកម្មភាពរបស់ពួកបះបោរហាក់ពុំចុះថយឡើយ ទោះបីមានការបង្កើនប្រតិបត្តិការយោធាប្រឆាំងពួកតាលីបង់ចាប់តាំងពីពាក់កណ្តាលឆ្នាំ២០១០មកក្តី។ ទាហានអូតង់ជាង១៧០នាក់ភាគ ច្រើនជាទាហានអាមេរិកបានត្រូវស្លាប់នៅអាហ្វហ្គានីស្ថានតាំងពីដើមឆ្នាំនេះមក ៕
ចែករំលែកព័តមាននេះ