ភ្នំពេញ៖ លោកស្រី លីយូរកា រ៉ូឌ្រីហ្គេស បារីយ៉ូ ​(Liurka Rodríguez Barrios) ឯកអគ្គរដ្ឋទូតគុយបា ប្រចាំ​កម្ពុជា បានបញ្ជាក់ជាថ្មីអំពីជំហររបស់រដ្ឋាភិបាល និងប្រជាជនគុយបា ចំពោះកម្ពុជាថា កម្ពុជា គឺជាមិត្តដ៏ល្អរបស់គុយបា ដែលតែងជួយគ្នាគ្រប់ពេល និងគ្រប់កាលៈទេសៈ ថ្វីបើភូមិសាស្ត្រ​នៃប្រទេសយើងទាំងពីរ នៅឆ្ងាយពីគ្នាក៏ដោយ ក៏បេះដូងដ៏កក់ក្តៅ​របស់ប្រជាជាតិទាំងពីរ នៅជិតគ្នាជានិច្ច​។ ​

លោកស្រីឯកអគ្គរដ្ឋទូតគុយបា បានលើកឡើងដូច្នេះ ក្នុងពេលចូលជួបពិភាក្សាការងារជាមួយ​សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី​កម្ពុជា កាលពីរសៀលថ្ងៃទី៤ ខែតុលា ឆ្នាំ២០២៣ នៅវិមានសន្តិភាព។