ក្រុងប៉ោយប៉ែត ៖ ជម្លោះកា.ប់ចាក់គ្នាយ៉ាងសាហា.វមួយ បានកើតឡើងរវាងអ្នកប្រកបរបរវាយសារ៉ា និងដេរស្បែកជើងដូចគ្នាបង្កឱ្យរងរបួសធ្ងន់ធ្ងរម្នាក់ ដោយសារការចាក់នឹងដប កាលពីវេលាម៉ោង១១និង៣០នាទីព្រឹកថ្ងៃទី១៦ ឧសភា នៅច្រកទ្វារអន្តរជាតិប៉ោយប៉ែត ស្ថិតក្នុងភូមិក្បាលស្ពាន សង្កាត់ប៉ោយប៉ែត ក្រុងប៉ោយប៉ែត
ក្រុងប៉ោយប៉ែត ៖ ជម្លោះកាប់ចាក់គ្នាយ៉ាងសាហាវមួយ បានកើតឡើងរវាងអ្នកប្រកបរបរវាយសារ៉ា និងដេរស្បែកជើងដូចគ្នាបង្កឱ្យរងរបួសធ្ងន់ធ្ងរម្នាក់ ដោយសារការចាក់នឹងដប កាលពីវេលាម៉ោង១១និង៣០នាទីព្រឹកថ្ងៃទី១៦ ឧសភា នៅច្រកទ្វារអន្តរជាតិប៉ោយប៉ែត ស្ថិតក្នុងភូមិក្បាលស្ពាន សង្កាត់ប៉ោយប៉ែត ក្រុងប៉ោយប៉ែត ។
ភាគីរងគ្រោះដែលមានរបួសហូរឈាមពេញខ្លួននោះឈ្មោះកណ្តុល និងភាគីបង្កឈ្មោះទិត្យ ធឺក ភេទប្រុស អាយុ២៦ឆ្នាំ មានទីលំនៅក្នុងភូមិបាលិលេយ្យ សង្កាត់ប៉ោយប៉ែត ហើយភាគីទាំង២មានមុខរបរជាអ្នកវាយសារ៉ា និងដេរស្បែកជើងដូចគ្នា ហើយតែងតែរកស៊ីជុំគ្នា ក្បែរខ្លោងទ្វារប្រាសាទកំពូលបីនៃច្រកទ្វារអន្តរជាតិប៉ោយប៉ែត ។ ជម្លោះរវាងភាគីទាំងពីរក្រោយពីកើតហេតុអ្នករបួសត្រូវបានប្រពន្ធគ្រាហ៍រកម៉ូតូឌុបទៅមន្ទីរពេទ្យ ឯភាគីបង្កត្រូវប៉ូលិសអន្តោប្រវេសន៍ឃាត់ខ្លួនយកមកប៉ុស្តិ៍ ដើម្បីសាកសួរ។
យោងតាមការសួរនាំជនបង្កបានប្រាប់ថា ការជ្រុលដៃចាក់ជនរងគ្រោះ ព្រោះទ្រាំមិនបានដោយសារជននោះដើេរបរិហារកេរ្តិ៍ខ្លួនប្រាប់គេឯងថា លក់ស្បែកជើងខុសគូ ម្យ៉ាងទៀតប្រពន្ធរបស់ជនរងគ្រោះនោះបានវាយប្រពន្ធខ្លួនទាំងមានផ្ទៃពោះផង កាលពីថ្ងៃទី១៥ ឧសភា លុះដល់ថ្ងៃនេះបានគងសម្តីគ្នាតិចតួច ក៏ផ្ទុះជារឿងធំតែម្តង បង្កការភ្ញាក់ផ្អើលដល់អ្នកធ្វើដំណើរទាំងភ្ញៀវជាតិ និងអន្តរជាតិឈរមើលព្រោងព្រាត ។
ជនរងគ្រោះពុំត្រូវបានស្គាល់អត្តសញ្ញាណច្បាស់លាស់នោះទេ ព្រោះក្រោយហេតុការណ៍កើតឡើងក៏ត្រូវប្រពន្ធនាំឡើងម៉ូតូទៅបាត់ ទាំងរបួសធ្ងន់២កន្លែង មួយកន្លែងក្រោមដោះខាងស្តាំ និងមួយកន្លែងទៀតត្រូវត្រង់កែងដៃខាងឆ្វេង ដោយជនបង្កចាក់នឹងដប៕
ចែករំលែកព័តមាននេះ