រដ្ឋាភិបាលថៃ ដាក់គោលដៅក្លាយជាប្រទេសមានចំណូលខ្ពស់នៅឆ្នាំ២០២៧
ថៃ ៖ លោក ស្រេតថា ថាវីស៊ីន (Srettha Thavisin) នាយករដ្ឋមន្ត្រីថៃ កាលពីថ្ងៃទី០២ ខែតុលា ឆ្នាំ
ថៃ ៖ លោក ស្រេតថា ថាវីស៊ីន (Srettha Thavisin) នាយករដ្ឋមន្ត្រីថៃ កាលពីថ្ងៃទី០២ ខែតុលា ឆ្នាំ
ថៃ ៖ លោក ស្រេតថា ថាវីស៊ីន (Srettha Thavisin) នាយករដ្ឋមន្ត្រីថៃ កាលពីថ្ងៃទី០២ ខែតុលា ឆ្នាំ២០២៣ កន្លងទៅថ្មីៗនេះ បានប្រកាសថា រដ្ឋាភិបាលលោកនឹងប្រែក្លាយប្រទេសថៃ ទៅជាប្រទេសមានចំណូលខ្ពស់នៅឆ្នាំ២០២៧។
នៅក្នុងសេចក្តីថ្លែងការណ៍គោលនយោបាយមួយទៅកាន់ប្រមុខទីភ្នាក់ងាររដ្ឋាភិបាល ទាក់ទងនឹងថវិកាសារពើពន្ធឆ្នាំ ២០២៤ នាយករដ្ឋមន្ត្រីថៃ បានថ្លែងថា សេដ្ឋកិច្ចថៃ នឹងកើនឡើងជាមធ្យម ៥% ក្នុង១ឆ្នាំ ហើយប្រាក់ឈ្នួលប្រចាំថ្ងៃអប្បបរមានឹងមានចំនួន ៦០០បាត ឬស្មើនឹង ១៦.១២ដុល្លារអាមេរិកក្នុង១ថ្ងៃ នៅឆ្នាំ២០២៧។
នៅក្នុងជំហានដំបូង ប្រាក់ឈ្នួលអប្បបរមានឹងត្រូវបានដំឡើងដល់ ៤០០បាត ស្មើនឹង ១០.៧៥ដុល្លារក្នុង១ថ្ងៃ ហើយប្រាក់ខែនិស្សិតបញ្ចប់ការសិក្សាថ្នាក់បរិញ្ញាបត្រនឹងមានចំនួន ២៥,០០០បាត ស្មើនឹង ៦៧២ដុល្លារក្នុង១ខែ ដែលនេះជាផ្នែក នៃការផ្លាស់ប្តូរឆ្ពោះក្លាយទៅជាប្រទេសមានចំណូលខ្ពស់ ខណៈដែលរដ្ឋាភិបាលថៃ នឹងអាចប្រមូលពន្ធបានច្រើន សម្រាប់ការវិនិយោគបន្ថែមទៀត។ នាយករដ្ឋមន្ត្រីថៃ បានបន្តទៀតថា រដ្ឋាភិបាលនឹងផ្តល់អាទិភាពដល់ការបង្កើនប្រាក់ចំណូល ការកាត់បន្ថយការចំណាយ និងការវិនិយោគលើហេដ្ឋារចនាសម្ព័ន្ធក្នុងរយៈពេលខ្លី។
វិធានការជំរុញសេដ្ឋកិច្ចដ៏លេចធ្លោរបស់រដ្ឋាភិបាលថៃ ផ្តោតពិសេសលើគម្រោងផ្តល់ប្រាក់១ម៉ឺនបាត ស្មើនឹង ២៦៩ដុល្លារដល់ជនជាតិថៃគ្រប់រូប ដែលមានអាយុ១៦ឆ្នាំឡើង នឹងជំរុញទាំងតម្រូវការ និងការផ្គត់ផ្គង់ ដែលនឹងនាំឱ្យប្រាក់ចរាចរនៅក្នុងសេដ្ឋកិច្ចជាតិ និងរួមចំណែកដល់កំណើន GDP ។
ពាក់ព័ន្ធនឹងការកាត់បន្ថយថ្លៃដើមលើការរស់នៅ គណៈរដ្ឋមន្ត្រីបានអនុម័តរួចហើយ ដើម្បីកាត់បន្ថយថ្លៃថាមពល ជាពិសេសតម្លៃប្រេងម៉ាស៊ូត មកត្រឹម ៣០បាត ស្មើនឹង ៣,៤៥០វៀលក្នុង១លីត្រ និងតម្លៃអគ្គិសនីមកត្រឹម ៣.៩៩បាត ស្មើនឹង ៤៤៣រៀលក្នុង១គីឡូវ៉ាត់ រួមនឹងផែនការកាត់បន្ថយការចំណាយលើហ្គាស និងឧស្ម័នបង់ហ្សែន (Benzene) ។
លើសពីនេះទៅទៀត គណៈរដ្ឋមន្ត្រីថៃ បានអនុម័តគម្រោងការផ្អាកបំណុលសម្រាប់កសិករខ្នាតតូចចំនួន ២.៧លាននាក់ផងដែរ។ ក្រៅពីការព្យួរបំណុល រដ្ឋាភិបាលនឹងលើកកម្ពស់ការច្នៃប្រឌិតកសិកម្ម ដើម្បីបង្កើនប្រាក់ចំណូលរបស់កសិករ ដូចជា ការកាត់បន្ថយថ្លៃដើមជី តាមរយៈការកែសម្រួលរូបមន្តជាដើម។
រដ្ឋាភិបាលថៃ ក៏នឹងជំរុញ ក៏ដូចជាគាំទ្រដល់ការអភិវឌ្ឍន៍តំបន់សេដ្ឋកិច្ចពិសេស ការសាងសង់ព្រលានយន្តហោះបន្ថែមទៀត ដើម្បីគាំទ្រដល់វិស័យទេសចរណ៍ នៅក្នុងទីក្រុងបន្ទាប់បន្សំ និងតភ្ជាប់ផ្លូវរថភ្លើងជាមួយនឹងប្រទេសចិន ខណៈដែលការធ្វើដំណើរលើរថភ្លើងអគ្គិសនីថ្មី នឹងត្រូវចំណាយអស់ត្រឹម ២០បាត ស្មើនឹង ២,២០០រៀល សម្រាប់ខ្សែរត់ទាំងមូល៕ (ដកស្រង់ចេញពីបាងកកប៉ុស្តិ៍)
ចែករំលែកព័តមាននេះ