ADផ្ទាំងផ្សព្វផ្សាយពាណិជ្ជកម្ម

Picture

ស្ថានភាព​ទឹកជំនន់​បាន​ស្រក​អស់ពី​បរិវេណ​សា​លា​​​ហើយ តែបន្សល់​ទុក​នៅ​តែ​ភក់​បែក​វ៉​ល់

4 ខែ មុន

ខេត្តបាត់ដំបង ៖ ក្រោយ​ទឹកជំនន់​លិច​ចូល​ពេញ​បន្ទប់រៀន ធ្វើ​ឲ្យ​ខូចខាត​សម្ភារ​សិក្សា​របស់​កូន​សិស្ស លោកនាយក​សាលា​បឋម​សិក្សា​ដំណាក់​ក្សាន្ត​បាន​អំពាវនាវ​ដល់​អា​ជ្ញាធរ និង​សប្បុរស​ជន​នានាជួយ​ឧបត្ថម្ភ​សម្ភារ​សិក្សា​ដល់​សិស្សានុសិស្ស សម្ភារ​អនាម័យ ដើម្បី​សំអាត​បន្ទប់​សាលារៀន និង​ជួយ​កែស​ម្រូ​ល​ដល់​ប្រព័ន្ធ​លូ ដែល​ធ្វើ​ឲ្យ​ជន់​លិច​សាលា​យ៉ាងធ្ងន់ធ្ងរ​ក្នុងឆ្នាំនេះ…

ខេត្តបាត់ដំបង ៖ ក្រោយ​ទឹកជំនន់​លិច​ចូល​ពេញ​បន្ទប់រៀន ធ្វើ​ឲ្យ​ខូចខាត​សម្ភារ​សិក្សា​របស់​កូន​សិស្ស លោកនាយក​សាលា​បឋម​សិក្សា​ដំណាក់​ក្សាន្ត​បាន​អំពាវនាវ​ដល់​អា​ជ្ញាធរ និង​សប្បុរស​ជន​នានាជួយ​ឧបត្ថម្ភ​សម្ភារ​សិក្សា​ដល់​សិស្សានុសិស្ស សម្ភារ​អនាម័យ ដើម្បី​សំអាត​បន្ទប់​សាលារៀន និង​ជួយ​កែស​ម្រូ​ល​ដល់​ប្រព័ន្ធ​លូ ដែល​ធ្វើ​ឲ្យ​ជន់​លិច​សាលា​យ៉ាងធ្ងន់ធ្ងរ​ក្នុងឆ្នាំនេះ ។ ខណៈ​ស្ថាន​ភាព​​ទឹកជំនន់​បាន​ស្រក​អស់ពី​បរិវេណ​សា​លា​​ហើយ តែបន្សល់​ទុក​នៅ​តែ​ភក់​បែក​វ៉​ល់តែម្តង​ ។

នាយក​សាលា​បឋម​សិក្សា​ដំណាក់​ក្សាន្ត លោក នៅ វាសនា បាន​ថ្លែងប្រាប់​កោះសន្តិភាព នៅ​ព្រឹក​ថ្ងៃ​ទី ០៤ តុលា នេះ​ថា ភ្លៀង​ធ្លាក់​ជោកជាំ​យ៉ាង​ខ្លាំង កាលពី​ថ្ងៃ​ទី​០៣ តុលា ធ្វើ​ឲ្យ​ទឹកភ្លៀង​ជន់​លិច​បរិវេណ​សា​លារៀន និង​អគារ​សាលា​ទាំងស្រុង​តែ​ម្ដង ។ លោកនាយក​បាន​បញ្ជាក់​ថា ទឹកភ្លៀង​បាន​ចាប់ផ្ដើម​ជន់​ឡើង​ខ្លាំង​លិច​អគារ​សាលា នៅ​វេលា​ម៉ោង​០៣​រសៀល​ថ្ងៃ​ដដែល ។ បន្ទប់​ចំនួន​០៥ ​ត្រូវ​លិច​ទាំងអស់ខណៈ​ពេល​សិស្ស​កំពុង​អង្គុយ​រៀន​ក្នុង​ថ្នាក់ ។

លោក នៅ វាសនា បាន​និយាយ​ថា ពេល​សិស្ស​កំពុង​រៀង​ស្រាប់តែ​ទឹក​ជន់​លិច​បន្ទប់​ភ្លាម​ៗ ។ ពេល​នោះ លោកគ្រូ​-​អ្នកគ្រូ​បាន​ហៅ​កូនសិស្ស​ឲ្យ​ចូល​ថ្នាក់រៀន មិន​អនុញ្ញាត​ឲ្យ​ដើរ​ចេញ​ក្រៅ​សាលា​រហេតរហូត​ទេ ព្រោះ​ចៀសវាង​គ្រោះថ្នាក់​ដោយ​ទឹកជំនន់ ។ មូលហេតុ ដែល​លោកគ្រូ អ្នកគ្រូ​ហៅ​កូនសិស្ស​ឲ្យ​ចូល​តាម​ថ្នាក់រៀន​រៀង​ៗ​ខ្លួន គឺ​ដើម្បី​ណែនាំ​សិស្ស​ពី​បញ្ហា​ប្រឈម​នឹង​គ្រោះថ្នាក់ ។

សាលា​បឋម​សិក្សា​ដំណាក់​ក្សាន្ត ស្ថិត​នៅ​ភូមិ​ដំណាក់​ក្សាន្ត ឃុំ​បួរ ស្រុក​ភ្នំព្រឹក ។ សាលា​បឋម​សិក្សា​​នេះ មាន​អគារ​មួយ​ខ្នង មាន​ចំនួន​០៥​បន្ទប់ មាន​សិស្ស​រៀន​ចាប់ពី​ថ្នាក់​មេ​តិ​យ្យ ដល់​ថ្នាក់​ទី​០៦ មាន​ចំនួន​១២​ថ្នាក់ ។ មាន​សិស្សានុសិស្ស​រឿ​ន​បច្ចុប្បន្ន​ចំនួន​៣៦២​នាក់ ស្រី​ចំនួន​១៧៧​នាក់ ។ ចំណែក​គ្រូបង្រៀន​វិញ​មាន​ចំនួន​១៣​នាក់ ក្នុង​នោះ មាន​គ្រូ​ក្រប​ខណ្ឌ​ចំនួន​០៥​នាក់ និង​គ្រូ​ជាប់​កិច្ច​សន្យា​ចំនួន​០៧​នាក់ ។ នេះ​បើ​តាម​របាយការណ៍​របស់​លោក នៅ វាស​មា នាយក​សាលា​បឋម​សិក្សា​ដំណាក់​ក្សាន្ត ។

លោក នៅ វាសនា បាន​និយាយ​ដែរ​ថា នៅ​ថ្ងៃ​ទឹក​ជន់​លិច បាន​ធ្វើ​ឲ្យ​ខូចខាត​សម្ភារ​សិក្សា​ជា​ច្រើន​នៅ​ក្នុង​បន្ទប់​ថ្នាក់រៀន និង​ហេ​ដ្ឋា​រចនា​ច​សម្ព័ន្ធ​នានា​នៅ​ក្នុង​សាលា​។ ដោយឡែក ចំពោះ​សិស្ស​សាលា​វិញ ត្រូវ​ទឹក​លិច​ធ្វើ​ឲ្យ​ខូចខាត​សៀវភៅ​សិក្សា និង​កាបូបស្ពាយ​ពេល​ដើរ​តាក់​ទឹក​ត្រិ​ម​ទ្រូង​ចេញពី​សាលា ។

ស្ថិត​ក្នុង​ស្ថានភាព​ទឹក​ឡើង​ល្ហរ​ល្ហាច​លេច​ស្ទើរ​ពាក់កណ្ដាល​អគារ​សាលារៀន គេ​ឃើញ​កូនសិស្ស​ខ្លះ​បាន​ស្ពាយ​កាបូប​ដើរ​កាត់ទឹក​ទៅ​រក​ទី​ទូល ។ រីឯ​កូនសិស្ស​តូច​ៗ​ខ្លះ​ទៀត មាន​អាណាព្យាបាល​មក​ទ​ទូល​លើក​លី​លើ​ស្មា ខណៈ​ក្មេង​តូច​ៗ​ខ្លះ​ទៀត ដើរ​ឆ្លង​ទឹក​មិន​ផុត ក៏​ត្រូវ​លោកគ្រូ អ្នក​គ្រួ​ជួយ​ចម្លង និង​ខ្លះ​ទៀត​ក៏​ត្រូវ​ទឹក​លិច​ទាំង​មនុស្ស​ទាំង​កាបូប​ដាក់​សៀវភៅ​រៀន ធ្វើ​ឲ្យ​ខូចខាត​អស់​គ្មាន​សល់ ។

លោក នៅ វាសនា បាន​ថ្លែង​ថា សម្ភារ​សិក្សា​របស់​សិស្ស​បាន​ខូចខាត​ច្រើន​ណាស់ ដោយសារ​ទទឹកភ្លៀង​ផង ទឹកជំនន់​លិច​ផង​ពេល​ដើរ​ឆ្លង​កាត់ទឹក​ជ្រៅ​ត្រឡប់​ពីសា​លា​ទៅ​ផ្ទះ​វិញ ។ លោក នៅ វាសនា បាន​បញ្ជាក់​ថា ពេល​នេះ កូនសិស្ស​សាលា​ភាគច្រើន ជា​កូន​កសិករ​ក្រីក្រ គ្មាន​យាន្ត​ជំនិះ​ជិះ​ទៅ​សាលា គ្មាន​សម្ភារ​ប្រើប្រាស​គ្រប់គ្រាន់ ជា​ពិសេស សៀវភៅសរសេរ និង​សៀវភៅ​សិក្សា​ផ្សេង​ៗ​ទៀត ដែល​ពួក​គេ​គ្មាន​ប្រាក់​ទិញ ។

លោកនាយក​រូប​នេះ​បាន​បញ្ជាក់​បន្ថែម​ថា នៅ​ថ្ងៃ​ទី​០៤ តុលា នេះ ស្ថានភាព​ទឹកជំនន់​បាន​ស្រក​អស់ពី​បរិវេណ​សាលា​ហើយ បន្សល់​ទុក​នៅ​តែ​ភក់​បែក​វ៉​ល់ ។ ជាមួយ​គ្នា​នេះ ផល​ប៉ះពាល់​ដោយ​ទឹកជំនន់​នេះ ក្រោយ​ទឹក​ស្រក​មាន​ដូច​ជា សម្ភារ​សិក្សា​នៅ​ក្នុង​សាលារៀន សម្ភារ​សិក្សា​ផ្ទាល់ខ្លួន​របស់​សិស្ស និង​ហេ​ដ្ឋា​រចនា​សម្ព័​ន្ឌ​នៅ​ក្នុង​សាលា ។

ស្ថិត​ក្នុង​ស្ថានភាព​បែប​នេះ តាម​រយៈ​កោះសន្តិភាព លោកនាយក​សាលា​បឋម​សិក្សា​ដំណាក់​ក្សាន្ត​បាន​ធ្វើការ​អំពាវនាវ​ដល់​អាជ្ញាធរ​ក្ដី ឬ​សប្បុរសជន​នានា​ក្ដី សូម​មេត្តា​ជួយ​ឧ​ប្ថ​ម្ភ​ជា​សម្ភារ​សិក្សា​ក្ដី ជា​ថវិកា​ក្ដី ដើម្បី​ជួយ​ដល់​សិស្សានុសិស្ស និង លោក​គ្រួ​អ្នក​គ្រួ ដែល​កំពុង​ប្រឈម​នឹង​ការ​ខ្វះខាត​ដោយសារ​ជំនន់​ទឹកភ្លៀង​។

បើ​តាម​លោក នៅ វាសនា បាន​បញ្ជាក់​ថា អ្វី​ដែល​សាលា​កំពុង​ត្រូវការ​ដំបូង​គេ​នេះ គឺ​សម្ភារ​សម្រាប់​ធ្វើអនាម័យ​តាម​ថ្នាក់រៀន (​សម្ភារ​សម្រាប់​សម្អាត​បន្ទប់​) សម្ភារ​សិក្សា​របស់​សិស្ស ដែល​ខូច​ខាត​ដោយសារ​ត្រូវ​ទឹកភ្លៀង ឬ​ទឹកជំនន់ ។ ជា​ពិសេស សូម​ឱ្យ​អាជ្ញាធរ ឬ​សប្បរ​សជន​ជួយ​កែស​ម្រូ​ល​ប្រព័ន្ធ​លូ​រំដោះ​ទឹក​នៅ​ក្បែរ​សាលា ដែល​ជា​មូលហេតុ​ចម្បង​ធ្វើ​ឲ្យ​ទឹក​ស្ទះ​មិន​អាច​ហូរ​ចេញពី​បរិវេណ​សាលា​ទាន់​ពេល ។

យ៉ាងណា លោក នៅ វាសនា បាន​បញ្ជាក់​ថា «​ថ្ងៃនេះ មេឃ​រាំង​មិន​ភ្លៀង គឺ​ទឹក​ស្រក​អស់ហើយ នៅឡើយ​តែ​ភក់ជ្រាំ​កំពុង​បែប​វ៉​ល់ តែបើ​ថ្ងៃស្អែក​នៅ​តែ​មាន​ភ្លៀង​ធ្លាក់​ទៀត សាលា​របស់ខ្ញុំ​នឹង​ត្រូវ​ទឹក​​ជន់​លិច​ដដែល​ទៀត ។ ព្រោះ​ទីតាំង​សាលា​នេះ ស្ថិត​នៅ​តំបន់​ទំនាប រង​នូវ​ប្រភព​ទឹក​ពី​គ្រប់​ជ្រុង ដូច្នេះ​ហើយ ទើប​មាន​ភ្លៀង​ខ្លាំង​ម្ដង​សាលា​មួយ​នេះ ត្រូវ​ទឹក​ជន់​លិច​ស្ទើរ​រាល់​លើក ។

អត្ថបទសរសេរ ដោយ